San Mateo 21:41 - Nuevo Testamento Uwotjüja

⁴¹ juätümä̧ ädätinä̧tü̧: —Juätü suronä̧ jȩpi̧nä̧tü̧rü̧mä̧ re juiyünä̧tä̧ kuä'ü i̧kuä̧kuä̧u̧; ja̧'wa̧nü̧ jȩpü̧ ü'ättamä̧ kkorotü aditü ji̧yȩnä̧tä̧ mitäwätürütä iyipä̧kua̧. Pättiyäku,

TÄ̧DO Ä̧CUÄ̧ I̧HUȨNȨ

⁴¹ Jesúsru ädätinätödo: —Jiähuoca'a cuä'ö i̧cuä̧cua̧ ja̧'hua̧nö̧ suronä jȩpä̧tö̧rö̧. Pättamä korotörötä, adiu ru̧hua̧rö̧ iyätörötä huȩä̧cua̧.

San Mateo 21:41 Referans Kwoze

Hechos 18:6

Ja̧'wa̧nü̧ juätü to'ija̧'a̧ku̧ suronä̧ pä'ü kkü'kü jui'ü wottäku, Pauru-mä̧ ü̧'ka̧tä̧wä̧ta̧ käroku iku, päinä̧u̧: ukututä jäwä ja̧'a̧, Dio ukuturu ro̧ȩpü̧ttü̧mä̧, täkü ukuturumä̧ jidäwa'attü̧. Porü yabokumä̧ judío pokotürütä jidäwä̧kua̧sä̧.

San Mateo 21:43

Ja̧'wa̧nü̧ ja̧'a̧ttü̧ ukuturu pä'üsä: Dio ru̧wa̧ jü̧nä̧ weümä̧ 'choipäkuä̧u̧jä̧, kkorotü ttü̧ja̧rü̧ iya pä'ü, u̧wä̧ju̧ iyätürü.

Hechos 28:28

Ja̧'wa̧nü̧ ja̧'a̧ttü̧ ä̧ju̧kuä̧tu̧kui̧, pi̧yȩ ra̧wä̧pi̧jü̧ttü̧ kki̧'i̧kuä̧ wȩnȩmä̧ judío pokotürü rȩbȩä̧kuä̧wo̧mȩnä̧mä̧; juätütä ja̧'a̧ pi̧yȩ adiu ttä̧ju̧kuä̧kuo̧tü̧mä̧.

Hebreos 12:25

Ja̧'wa̧nü̧ ja̧'a̧ttü̧, ttu̧'ȩpä̧rü̧nü̧ esetätukui Dio ukuokuomȩnä̧mä̧. Isopäi'ünä̧ pi̧jä̧nä̧ttü̧ ro̧ȩpi̧nü̧ jarodinä̧tü̧mä̧ to'e'ächinä̧tü̧. Juȩnȩ abonä̧nü̧ tü̧ja̧kui̧'ü̧ juiyü'anü̧ ja̧'a̧ mo̧ro̧jä̧ra̧'a̧ttü̧ ro̧ȩpo̧mȩnä̧mä̧.

Hebreos 2:3

Rü̧ȩnä̧ jü̧ ra̧wä̧pi̧jü̧ttü̧ kki̧'i̧kuä̧'i̧nä̧ ja̧'a̧tä̧ tota'amä̧ ¿toku tü̧ja̧kui̧'ä̧kua̧'a̧jä̧ttü̧? Jua̧u̧mä̧ Chutä Tu̧ru̧wa̧ jiäwinü̧ o'ka'a, Jua̧u̧ru̧ ä̧ju̧kui̧nä̧tü̧'i̧nä̧ ji'äwinä̧tü̧.

1 Tesalonicenses 2:16

Judío pokotürü, ra̧wä̧pi̧jü̧ttü̧ ttü̧ja̧kui̧'a̧ pä'ü, jitäu juiyünä̧ jȩttä̧u̧jä̧. Ja̧'wa̧nü̧ jȩtto̧mȩnä̧mä̧, suronä̧ jȩttä̧'i̧jü̧mä̧ yaboku rü̧ä̧chä̧u̧. Ja̧'wa̧nü̧ ja̧'a̧nä̧, täkü rüjí mo̧ro̧mä̧ Dio-mä̧ usurä ttȩmä̧u̧nä̧ ro̧ȩpä̧kuä̧u̧.

Hechos 28:8

Publio jä'o, du'unä̧ na̧'ä̧chü̧, kuo 'cha̧bi̧ttü̧ cama-nä̧ ü̧'a̧'a̧, Pauru-mä̧ do'ächo'ü 'chä̧ji̧'ka̧, Dio-rü ukuoku, u̧mü̧nä̧ mȩo̧mȩnä̧, umäricheittü pi̧'i̧nü̧.

Hechos 15:7

Ja̧'wa̧nü̧ pȩjä̧mä̧jä̧'kotü, rekuätü ttukuokuäji o'ka'a, Peduru ä̧rä̧mi̧'ü̧ päinä̧u̧: Chawaruwä chi̧jä̧wa̧tü̧ ukutumä̧ wo̧juä̧tü̧jä̧, ukutu ku̧'kä̧tȩtu̧ku̧ttü̧, judío pokotürü, jareü wȩnȩ, Dio i̧wȩnȩ juätü'i̧nä̧ ttesetünä̧ jidäwiyarü pä'ü, ttürü ȩmi̧nü̧mä̧.

San Mateo 3:12

Trigo pojäwäkä u̧mü̧nä̧ 'chu̧'ä̧rü̧ kkü̧, surojä'kua do'opü iku, adiutätä ü'ojo'a pä'ü; u̧kuȩ trigo-mä̧ ka̧ka̧kuo̧ka̧nä̧ ka̧ka̧tü̧ u̧ju̧nä̧kua̧, ja̧'wa̧nü̧ ja̧'a̧nä̧ o'ko'kuamä̧ okurä na̧wi̧po̧karänä̧ kkuwü.

San Mateo 21:34

Ja̧'wa̧nü̧ ja̧'a̧, u̧wä̧ju̧ wȩjü̧ pä̧nä̧ päi'omȩnä̧, u̧mü̧wä̧yotürü we'inü̧; aditü kkä̧nü̧ ttimita pä'ü jäepinomȩ, churu'i̧nä̧ ttiyarü pä'ü.

San Mateo 21:40

Ja̧'wa̧nü̧ ji̧nü̧ o'ka'a, uwa pätta u̧ru̧wa̧ ichomȩnä̧mä̧, —¿adikuä ttü̧ja̧ pinä̧tü̧rü̧mä̧, ukutu päkuätukumä̧ toku jȩä̧kuä̧u̧jä̧ttü̧?, päomȩnä̧,

San Lucas 20:16

Däjé pättoka'anü̧, ichi'ü kuä'äu iku, kkorotürütä i̧yä̧kua̧ uwa pättamä̧. Jesú pi̧yȩ jiäwa'a ä̧ju̧ku̧ pä'inä̧tü̧: —¡Jua̧u̧mä̧ 'kuäopoka'a jä̧kua̧'a̧!