San Mateo 21:28 - Nuevo Testamento Uwotjüja

²⁸ Jesú jä'epü ä̧ju̧kui̧nä̧u̧: —¿Ukutumä̧ pi̧yȩ, toku päkuätukua'ajä̧ttü̧? Ya̧tȩ i̧tti̧mü̧ ta̧ju̧ru̧ kku̧nä̧ri̧nü̧, ja̧'wa̧nü̧ ja̧'a̧ ä̧kuo̧mȩnä̧ i̧sa̧rü̧ ichi'ü pä'inü̧: «Chi̧tti̧, jitä mo̧ro̧mä̧ chi'ättanä̧ aditäji.»

TÄ̧DO Ä̧CUÄ̧ I̧HUȨNȨ

²⁸ Ja̧'hua̧ta̧nö̧ Jesús päinä̧u̧do: —Pi̧yȩ huȩnȩmä̧ ¿tta̧'a̧nö̧ cuamöcuädätucuättö? Ya̧tȩ i̧tti̧mö̧rö̧ ta̧ju̧ru̧ ku̧nä̧ri̧nö̧do. Ya̧tȩrö̧ pä'inödo: “Chi̧tti̧, jitä mo̧ro̧ chö'ättanä aditäji.”

San Mateo 21:28 Referans Kwoze

1 Corintios 15:58

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, kua̧mi̧'ki'ächi'ü yaboku tätukui, yabonü̧, 'kuäopünä̧tä̧ Tu̧ru̧wa̧ aditäwä aditü; Tu̧ru̧wa̧nä̧ adikuämä̧ yaparemä̧ adikuokü pä'ü.

1 Corintios 10:15

Ukuturu wo̧juȩku̧nä̧ amükuädätürü ukuokusä: Pi̧yȩ pädü, adiwomȩnä̧ ukututä amükuädü topätukui.

San Mateo 20:1

Mo̧ro̧jä̧ ru̧wa̧ weomȩmä̧ uwa pätta u̧ru̧wa̧, ji̧nä̧ yo̧ä̧i̧ ja̧'a̧ku̧ i'ätta ttaditäkua'a i̧mi̧tä̧kuä̧u̧ru̧ ukuoku i̧'chi̧nü̧'a̧nü̧ ja̧'a̧.

San Marcos 13:34

Ya̧tȩ ubo ojusodettü otó kue'ächü i̧'cho̧mȩnä̧, umüwäyotü yotukunä̧rü̧ ttaditäwä we'ipükkä̧nü̧, äpatenä̧ tta̧'ä̧rü̧rü̧mä̧ ä'i'oka'a tta̧wä̧ri̧ya̧rü̧ pä'ü weipa'a jä̧'i̧nü̧'a̧nü̧ ja̧'a̧.

San Lucas 13:4

¿Ja̧'wa̧ta̧nü̧ jitü dieciocho-nü̧ wotü Siroé pä'ü mi̧kuomȩttü̧, isode isä'ka ma̧ä̧u̧ to'e'ächinä̧tü̧mä̧, ukutu päkuätukumä̧ Jerusarȩ́ ütawiyättü kkorotüttü'i̧nä̧ abonä̧nü̧ suronä̧ jȩpä̧tü̧ ja̧'a̧ to'e'ächinä̧tü̧ päkuätukua'a tä̧jí̧?

San Mateo 21:33

Kkoro wȩnȩtü̧ jiäwinü̧, ä̧ju̧kuä̧tu̧kui̧: Ya̧tȩ isode u̧ru̧wa̧ uwa pätta kku̧ni̧nü̧, kku̧nä̧ji̧'ka̧ jäyänä̧ tto'epinü̧; ja̧'wa̧ta̧nü̧ Vino isoya adikuäkuomȩ'i̧nä̧ jo̧mȩnü̧ jȩpü̧ kku̧nu̧, o'kajuiyünä̧ wä̧nü̧ to̧ä̧rä̧kuäwäkä'i̧nä̧ jo̧mȩnü̧ äräbe'ü kku̧ni̧pü̧. Ttaditü mikuä, mitäu kkä̧nü̧ ttadita pä'ü adikuä isotürü we'ipü kkara'a otó i̧wi̧nü̧.

San Mateo 17:25

Pättäku Peduru-mä̧, «A̧» jua'akumä̧, mitü pä'ü ädätinä̧u̧. Jua̧u̧nü̧ o'ka'a, Peduru-mä̧ isodenä̧ doächi'a'a, ji̧nä̧ päüjuiyäi, Jesú-mä̧ päinä̧ku̧: —¿Toku päkuättü Simón? ¿pi̧jä̧ ruwotümä̧, titürütä impuesto pättümä̧ jä'epätüjä̧ttü̧, tti̧tti̧mü̧rü̧ tä̧jí̧, tti̧tti̧mü̧ wokotürü tä̧jí̧?

San Mateo 22:17

Ja̧'wa̧nü̧ ja̧'a̧ttü̧, ukumä̧ toku päkua'ajä̧ttü̧: ¿Roma ru̧wa̧ emperado-rü pärätä iyäwänä̧mä̧ adiu'anü̧ tä̧jí̧, surojü'anü̧ tä̧jí̧?

San Mateo 21:27

Ja̧'wa̧nü̧ jä̧u̧, Jesú-rumä̧ ädätinä̧tü̧: —Jerupätüjä̧, jü̧nä̧. Ja̧'wa̧nü̧ pättiyäku, päinä̧u̧: —Ja̧'wa̧nü̧ kuieruwätukua'attü̧ ttü'i̧nä̧, pi̧yȩ jȩchü̧ o'kajuiyünä̧ churuwo jäwämä̧ jidäwo̧ko̧u̧jä̧.

San Mateo 21:29

Päomȩnä̧, i̧tti̧mä̧, pä'inü̧: ¡'Cho̧kü̧sä̧!, jü̧nä̧; päja'anä̧, amükuädi'ü aditü 'chi̧nü̧.