San Mateo 21:26 - Nuevo Testamento Uwotjüja

²⁶ Ja̧'wa̧ta̧nü̧ ttü̧ja̧ jäwä ji̧na̧'a̧, pätüttümä̧. Ttü̧ja̧rü̧ ye'ekuätüjä̧; o'katoi'ünä̧tä̧ Ju̧a̧-rü̧mä̧ Dio weinä̧ku̧ profeta jü̧nä̧, pä'ü tteseta'attü̧.

TÄ̧DO Ä̧CUÄ̧ I̧HUȨNȨ

²⁶ Ja̧'hua̧ta̧nö̧ pi̧jä̧ ttö̧ja̧ huȩ'ä̧hua̧ pi̧nö̧ pätöttömä, pi̧jä̧ ttö̧ja̧rö̧ ye'ecuätöjä. Jahuätö “Juanmä Dios huȩ'ä̧hua̧ pi̧nö̧do” pä'ätö, —pä'ö ucuocuinätödo ttamönä.

San Mateo 21:26 Referans Kwoze

San Marcos 6:20

Herode-mä̧ surojü jui̧'a̧ adiwä i̧sa̧ pä'ü u̧wo̧jua̧'a̧ttü̧ adiunä̧tä̧ tta̧wä̧ri̧nä̧ku̧. Ja̧'wa̧nü̧ ja̧'a̧ttü̧ Ju̧a̧ jiäu ä̧ju̧kuo̧mȩnä̧mä̧ eseunä̧tä̧ ä̧ju̧kui̧nä̧ku̧, yabokutä ja̧'wa̧nü̧ jä̧ku̧ ä̧ju̧kua̧rü̧ pä'inü̧.

San Juan 5:35

Ju̧a̧-mä̧ tejäwore tȩya̧u̧nä̧ kkȩdȩpa̧'a̧ jä̧'i̧nü̧'a̧nü̧ tejädinü̧; ja̧'wa̧nü̧ ja̧'a̧ ukutumä̧ jua̧u̧ i̧tȩya̧u̧nä̧, a̧'u̧ku̧nä̧ mo̧ro̧tä̧ esewinä̧tü̧jä̧.

San Mateo 21:46

Ja̧'wa̧nü̧ wo̧jui̧'ü̧ 'chuttädarü pätta'anä̧ ttü̧ja̧mä̧ Jesú-ru profeta wa̧ pä'ü tteseti̧yä̧u̧ ye'ekuinä̧tü̧.

San Mateo 14:5

Herode-mä̧, Ju̧a̧-rü̧ kuä'ü ikua pä'ü amükuäda'anä̧ jȩpo̧kü̧ pinü̧, ttü̧ja̧rü̧ yekua'attü̧, jua̧u̧mä̧ profeta pä'ü ttesetiyäku.

San Mateo 11:9

Ja̧'wa̧nü̧ jo̧ka̧'a̧ jü̧ttü̧mä̧ ¿Däje topü ttichäja'ajä̧ttü̧? ¿Profeta wa̧rü̧? A̧, ttü pädümä̧ profeta-ttü'i̧nä̧ abonä̧nü̧ wa̧rü̧ topü ichäjätüjä̧.

Hechos 5:26

Ja̧'wa̧nü̧ ja̧'a̧ Dio-rü ukuokuäkuäwode tta̧'a̧rä̧tü̧ ttu̧ru̧wa̧mä̧ umüwäyotüku 'chä̧wi̧'ü̧ kuäkuäoka'atä ȩmo̧po̧'ü̧ i̧wi̧nä̧u̧, ttü̧ja̧ inä̧wiyänä̧ ikuäu ttikuätü pä'ü yekua'attü̧.

San Juan 9:22

Pa̧'a̧nü̧ pätta'amä̧, jä'o'i̧nä̧, ja̧ju̧'i̧nä̧ judío-rü ye'eku pä'inä̧tü̧. Jesú-ru, jua̧u̧tä̧ Crito-mä̧ pä'ätürümä̧, sinagoga isodettü rä'epü ttikua pä'ü, jo̧mȩnü̧ ukuoku ttu̧ju̧nä̧ji̧yä̧u̧.

San Lucas 22:2

Ja̧'wa̧nü̧ ja̧'a̧ sacerdote wotü tturuwotü'i̧nä̧, weäwä wȩnȩ wo̧juȩkuä̧ isotü'i̧nä̧ ttü̧ja̧rü̧ ye'eku kkä̧nü̧, Jesú-ru toku jȩpü̧ kuä'ü ttikua'anü̧ já̧ pä'ü ttusu mo̧ro̧,

San Lucas 20:19

Sacerdote wotü tturuwotü'i̧nä̧, weäwä wȩnȩ wo̧juȩkuä̧ isotü'i̧nä̧, ji̧yȩja̧mä̧ ujuturutä pätetü pä'a pä'ü, jua̧u̧tä̧ hora-nä̧ Jesú-ru 'chuttäda pätta'anä̧ ttü̧ja̧rü̧ ye'ekuinä̧tü̧.

San Lucas 20:6

Ja̧'wa̧ta̧nü̧ ttü̧ja̧ wettinä̧ku̧ päta pä'üdä̧jä̧, o'katoi'ünä̧ inä̧dunä̧ kuä'äu tti̧kuä̧kuä̧u̧jä̧, Ju̧a̧-rü̧mä̧ profeta wa̧ pä'ü ttesetina̧'a̧ttü̧.

San Marcos 12:12

Pi̧yȩnä̧ wȩnȩtü̧ jiäwomȩnä̧, ujuturutä pä'ü, pä'ü ttu̧wo̧jua̧'a̧ttü̧, Jesú-ru 'chuttäda pätta'anä̧ 'chuttädokoku pinü̧, ttü̧ja̧rü̧ yettekua'attü̧, kä'ädi'ütä i̧wi̧'i̧nä̧tü̧.

San Marcos 11:32

ja̧'wa̧nü̧ ja̧'a̧nä̧, ttü̧ja̧ wettinä̧ku̧ pätüttümä̧...» Ttü̧ja̧rü̧ ye'ekuätüjä̧. Ttü̧ja̧mä̧ o'katoi'ünä̧ Ju̧a̧-rü̧mä̧, isopäi'ünä̧tä̧ profeta pä'ü ttesetinä̧ku̧, pätta'attü̧.

San Mateo 21:11

Ttü̧ja̧mä̧, pä'inä̧tü̧: —Jua̧u̧mä̧ Galirea rȩjȩ, Nazare i̧sa̧ Jesú, profeta i̧sa̧ ja̧'a̧.

San Mateo 21:25

¿Ju̧a̧-rü̧mä̧ bautizo jȩa̧ pä'ümä̧ Dí weinä̧ttü̧ Dio ji̧na̧'a̧, ttü̧ja̧ ji̧na̧'a̧? Ukutu kuädätätukuttütä, ttü'i̧nä̧ ja̧u̧ weäwänä̧ pi̧yȩmä̧ jȩpü̧sä̧ pä'ü jidäwäkuotüjä̧. Ja̧'wa̧nü̧ päomȩnä̧ kkorotümä̧ kkorotüku pä'ä'chäkuäwinä̧tü̧. Dio weinä̧ku̧ pätüttümä̧ ¿Tta̧'a̧nü̧ pä'ü kuesetätukuoka'a ji̧nä̧ttü̧? pä̧kuä̧u̧jä̧.

San Mateo 21:27

Ja̧'wa̧nü̧ jä̧u̧, Jesú-rumä̧ ädätinä̧tü̧: —Jerupätüjä̧, jü̧nä̧. Ja̧'wa̧nü̧ pättiyäku, päinä̧u̧: —Ja̧'wa̧nü̧ kuieruwätukua'attü̧ ttü'i̧nä̧, pi̧yȩ jȩchü̧ o'kajuiyünä̧ churuwo jäwämä̧ jidäwo̧ko̧u̧jä̧.