San Mateo 21:21 - Nuevo Testamento Uwotjüja

²¹ Jesú ädätinä̧u̧: —Isopäi'ünä̧ pädäu̧jä̧, 'kikuekuätukuoka'a jueünä̧tä̧ kua̧'kua̧ ku̧wȩnä̧rä̧tu̧ku̧ttü̧mä̧, suro higuera isäinä̧ 'kuäopäjitämä̧ jo̧ka̧'a̧ jä̧kua̧'a̧; pi'ka mü̧ä̧'ka «juorü tü'ipächü, rü̧ä̧ duborara̧'a̧ ma̧'ä̧chi̧ päkuätukuttü'inä̧,» ja̧'wa̧ta̧nü̧ jä̧kua̧'a̧.

TÄ̧DO Ä̧CUÄ̧ I̧HUȨNȨ

²¹ Jesús ädätinödo: —Iso päi'önä pä'ösä ucuturu, ucutu jarodäcuähuä juiyönä cuesetätucuttumä, juhuäi jȩchä̧ji̧ttö̧'i̧nä̧ abonänö jȩcu̧'ä̧tu̧cu̧'a̧nö̧ ja̧'a̧. Ja̧'hua̧ta̧nö̧ ji'caja möä'ca päcuhuätucuttumä: “Pporächi'ö jacuoto ma̧'ä̧chi̧”, pporächi'ö jacuoto ma̧ä̧chä̧cua̧'a̧.

San Mateo 21:21 Referans Kwoze

Santiago 1:6

Ja̧'wa̧nü̧ ja̧'a̧nä̧ kua̧'kua̧ wȩnä̧rü̧ kkä̧nü̧ iyäkua̧sä̧di̧ päkuoka'a jäkuepa'anü̧ ja̧'a̧; isopäi'ünä̧ a̧'kua̧ wȩnä̧ro̧kü̧mä̧, kkä̧rü̧'koppa kkä̧rü̧'ko̧wo̧mȩnä̧ aje ppawäbi ji̧jä̧ku̧ ȩpa̧'a̧ jä̧'i̧nü̧'a̧nü̧ wa̧.

San Mateo 17:20

Pättäku Jesú-mä̧ ädätinä̧u̧: —Jua'amä̧ kua̧'kua̧ ku̧wȩnä̧rä̧tu̧ku̧ juikuätukua'attü. Isopäi'ünä̧tä̧ pä'üsä ukuturu, mostaza u̧wä̧ju̧ isäte a̧'u̧kuä̧'i̧jü̧ta̧'a̧nü̧, a̧'u̧ku̧nä̧tä̧ kua̧'kua̧ ku̧wȩnä̧rä̧tu̧ku̧ttü̧'i̧nä̧, ji'kaja mü̧ä̧'ka juorümä̧ tü'ipächi päkuätukuttümä̧ tüipächäkua'a. Ja̧'wa̧nü̧ ja̧'a̧ttü̧ jȩttü̧ juiyünä̧ weyekumä̧ juiya'a.

1 Corintios 13:2

Ja̧'wa̧ta̧nü̧ Dio i̧mi̧nä̧ jiäkuäwä chu̧ju̧nä̧ra̧ja̧ pä'ü'i̧nä̧, ttu̧wo̧juo̧kü̧ jäwä o'kajuiyünä̧ chu̧wo̧jua̧ja̧ pä'ü'i̧nä̧, wo̧juä̧wä̧ wȩnȩ chu̧wo̧juo̧ttü̧'i̧nä̧, müä'ka'i̧nä̧ pporächi'ünä̧ cha̧'kua̧ chu̧wȩnä̧rü̧ttü̧'i̧nä̧, eseu repeäkuäwä juidüttümä̧, ttümä̧ mikuäwokütä jȩpü̧sä̧.

San Mateo 8:12

Ja̧'wa̧nü̧ ja̧'a̧nä̧, uruwo weomȩ ttü̧'ä̧mä̧da̧ pä'ü ä̧tȩkuo̧tü̧mä̧, yo̧mȩku̧tä̧, do'opü ikuäwäkuotü. Jua'attümä̧, ttaku norü ttajuäwäkuäwäkuotü.

San Mateo 21:20

Ja̧'wa̧nü̧ päi'äjiyä̧u̧, u̧wo̧juȩtä̧u̧mä̧ pä'inä̧tü̧: —¿Tta̧'a̧nü̧ ja̧'a̧, yotäku joi'äijä̧ttü̧?

San Mateo 14:29

—Päku, Jesú-mä̧: —Ichi, päinä̧ku̧, Ja̧'wa̧nü̧ ja̧'a̧ Peduru-mä̧ woi'kattü mȩyȩwä̧chü̧ aje wä̧mo̧tonä̧ Jesú ü̧ja̧'a̧ku̧ 'chi̧nü̧.