San Mateo 21:10 - Nuevo Testamento Uwotjüja

¹⁰ Jerusarȩ́ ütawiyänä̧, Jesú-mä̧ doächi'omȩnä̧ ütawiyä ttü̧ja̧mä̧ o'katoi'ünä̧ ye'ü pä'inä̧tü̧. —¿Díjä̧ttü̧ jua̧u̧mä̧? pä'ü jä̧'ȩpä̧ri̧nä̧tü̧.

TÄ̧DO Ä̧CUÄ̧ I̧HUȨNȨ

¹⁰ Jesús Jerusalén ötahuiyära̧'a̧ 'chä̧hui̧'ö̧ doächomenä, o'ca toi'önä rä'ächinätödo tottarö pä'ö. Recuätö jä'epinätödo: —Chujuamä ¿dijä̧ttö̧?

San Mateo 21:10 Referans Kwoze

Hechos 9:5

päku ädätinä̧ku̧: ¿Chu̧ru̧wa̧, ukumä̧ dí kua'ajä̧ttü̧? jäepomȩnä̧ päinä̧ku̧: «ttümä̧ Jesú-sä, ttürü ja̧'a̧ uku suronä̧ jȩ'kua̧ pä'ü kusa'amä̧. Kua̧mü̧nä̧ pa̧ja̧tü̧ suronä̧ jȩpä̧kuä̧u̧jä̧, päkäyä aboja'aku̧nä̧ i̧sa̧rinä̧ kuättomȩnä̧, jarodü yabokutä teächäkuäwa'a jä̧'i̧nü̧'a̧nü̧.

San Lucas 9:9

Ja̧'wa̧nü̧ ji̧yä̧ku̧, Herode-mä̧ pä'inü̧: —Jua̧u̧, Ju̧a̧-mä̧ ttü u 'kui'opü ttikunä̧ wedinä̧ku̧ ja̧'a̧. ¿Díjä̧ttü̧ ja̧'wa̧nü̧ pätta'a chä̧ju̧kuä̧ku̧mä̧? Pä'ü Herode-mä̧, Jesú-ru toa pä'inü̧.

San Lucas 7:49

Ja̧'wa̧nü̧ ja̧'a̧nä̧ kkorotü juȩnȩ pȩjä̧tü̧ ttä̧tȩpä̧jä̧u̧mä̧ ukuokuäkuäwinä̧tü̧: «¿Pidemä̧, díjä̧ttü̧ ja̧'wa̧nü̧ suronä̧ jȩttü̧'i̧nä̧ jȩpü̧ ikumä̧?»

San Lucas 5:21

Ja̧'wa̧nü̧ pä̧i̧yä̧u̧, weäwä wȩnȩ wo̧juȩkuä̧ isotü'i̧nä̧, fariseo wotü'i̧nä̧ ukuokuinä̧tü̧: ¿Díjä̧ttü̧ ja̧'wa̧nü̧ Dio-rü suronä̧ pä'ümä̧? ¡suronä̧ jȩttü̧ jȩpü̧ iku Dio-mä̧, ya̧tȩtä̧ ja̧'a̧!, pä'ü

San Juan 2:18

Ja̧'wa̧nü̧ jȩi̧yä̧u̧ judío-mä̧ Jesú-ru jä'epü ä̧ju̧kui̧nä̧tü̧: —¿Ja̧'wa̧nü̧ jȩ'kua̧'a̧mä̧, dí weäwänä̧ jȩ'kua̧'a̧jä̧ttü̧?

San Lucas 20:2

Pättinä̧ku̧: —¿Pi̧yȩmä̧, dí weäwänä̧ jȩ'kua̧'a̧jä̧ttü̧? ¿Ja̧'wa̧nü̧ jü̧ juiyüttü'i̧nä̧, kukuomä̧ dí iyinä̧ku̧ttü̧?

San Mateo 2:3

Pi̧yȩ ä̧ju̧ku̧, Ru̧wa̧ Rey Herode-mä̧ rü̧ȩnä̧ ye'ekue'i'inü̧ ja̧'wa̧ta̧nü̧ Jerusarȩ́ ttü̧ja̧'i̧nä̧ o'katoi'ünä̧ ye'inä̧tü̧.

San Mateo 21:9

Ja̧'wa̧ta̧nü̧ kkorotü Jesú ä'kanä̧ 'chä̧tü̧'i̧nä̧ o'ka'anä̧ ichätü'i̧nä̧ wopinä̧tü̧: —¡Ppä'äditü, ra̧wä̧pi̧jü̧ttü̧, Dawi i̧tti̧jä̧! ¡Tu̧ru̧wa̧ i̧mi̧nä̧ ichümä̧, bendito pättü kkä̧ku̧jä̧! mo̧ro̧jä̧nä̧ttü̧, pä'ü wopinä̧tü̧:

San Mateo 21:11

Ttü̧ja̧mä̧, pä'inä̧tü̧: —Jua̧u̧mä̧ Galirea rȩjȩ, Nazare i̧sa̧ Jesú, profeta i̧sa̧ ja̧'a̧.