San Mateo 20:24 - Nuevo Testamento Uwotjüja

²⁴ Kkorotü u̧wo̧juȩtä̧u̧ diez-nü̧ wotümä̧, pi̧yȩ ä̧ju̧ku̧, juätü i̧jä̧wa̧ku̧, ubüoku wotü ta̧ju̧ru̧ ttüjü'kü juiyünä̧ amükuädinä̧tü̧.

TÄ̧DO Ä̧CUÄ̧ I̧HUȨNȨ

²⁴ Korotö u̧huo̧juȩtä̧u̧mä̧ to̧mö̧rȩ ruhuä ja̧'hua̧nö̧ ttä̧ju̧cuo̧mȩnä̧, Jacobonörö, Juannörö ra̧huä̧ri̧nä̧tö̧do.

San Mateo 20:24 Referans Kwoze

1 Pedro 5:5

Ja̧'wa̧ta̧nü̧ ukutu mü̧ä̧yotü'i̧nä̧ igresia-ttü a̧ci̧a̧nu̧tu̧ru̧mä̧ ukuotätukui. O'katoi'ünä̧tä̧ kkorotümä̧ kkorotüku ukuo tekuäwätukuoka'a ukuotätukui, Isopäi'ünä̧: Dio-mä̧ ttukuo te'äkuäwätürümä̧ kkü'kokü, ja̧'wa̧nü̧ ja̧'a̧nä̧ ttukuo te'äkuäwokotürütä adiwäjuei iyü ppä'ädü.

Santiago 3:14

Ja̧'wa̧nü̧ ja̧'a̧nä̧ ttüjü'koka'a ä'kuoyäkuäwä ja̧'wa̧ta̧nü̧ rowäwäkuäwätä kua̧mi̧so'kitukunä̧ ku̧ju̧nä̧rä̧tu̧ku̧ttü̧mä̧ kuesewätukuä ja̧'wa̧ta̧nü̧ isopäi'ünä̧ wȩnȩku̧mä̧ yapareumä̧ jikuäwä'chätukuä.

Filipenses 2:3

Ukuo te'äkuäumä̧ jȩ'kuä̧tu̧kuä̧, chukuo chu̧ju̧nä̧ra̧ pä'ümä̧, pärokua'aku ukuo tekuäwoka'a, kkorotürümä̧ ukutu ku̧wä̧mȩnä̧ wotü 'kua̧rü̧nä̧tä̧ topätukui.

1 Corintios 13:4

Eseu re kkä̧kuä̧wä̧mä̧ usurä ȩmä̧kuä̧wä̧ ja̧'a̧; adiutä jȩä̧kuä̧wä̧ ja̧'a̧; kka̧ra̧ u̧ju̧nä̧ro̧mȩnä̧ ttüjü'kü juiyünä̧ toäkuäwokü ja̧'a̧; u̧wä̧mȩnä̧ wa̧sä̧ päwokü ja̧'a̧, ukuomä̧ te'äkuäwokü ja̧'a̧,

San Marcos 10:41

Ja̧'wa̧nü̧ ä̧ju̧ku̧, kkorotü u̧wo̧juȩtä̧u̧ to̧mü̧rȩ ruwämä̧, Jacobo-rü'i̧nä̧ Ju̧a̧-rü̧'i̧nä̧ ra̧wä̧ri̧pi̧nä̧tü̧.

San Mateo 20:23

Jesú-mä̧ ädätinä̧u̧: —Isopäi'ünä̧ pädäu̧jä̧, ttütä jü̧ta̧'a̧nü̧ rü̧ȩnä̧ usurä kuȩmä̧wä̧tu̧kua̧'a̧nä̧; ttü wedomȩttü̧ chu̧wo̧jua̧'a̧ku̧nä̧, chü'oweja̧'a̧ku̧nä̧, rütüwämä̧ ttü jäwämä̧kü̧, Chä'o ü'ätetinä̧u̧ru̧ iyü jäwä ja̧'a̧.

San Mateo 20:25

Ja̧'wa̧nü̧ ji̧yä̧ku̧ Jesú-mä̧ wopo'ü päinä̧u̧: —Ukutumä̧ wo̧juä̧tü̧jä̧, pi̧jä̧nä̧ ruwotü we'ätümä̧, ttü̧ja̧rü̧ pä̧i̧ku̧nä̧ we'ü jȩpä̧tü̧ ja̧'wa̧nü̧ jȩpü̧ juiyo ruwotümä̧, juätü ttu̧wä̧mȩnä̧ we'ätümä̧.

San Marcos 10:14

Ja̧'wa̧nü̧ yattokua'a topü Jesú-mä̧ üjü'kü juiyünä̧ päi'äku päinä̧u̧: —Ya̧kuo̧pä̧rä̧tu̧kuä̧tü̧, wä̧i̧nä̧ ttüku tticha'anä̧, ja̧'a̧tä̧ topätukui ppo̧'ä̧tü̧rü̧mä̧, Dio ru̧wa̧ weümä̧ juätürütä ä̧tȩkuä̧ ja̧'a̧.

San Lucas 13:14

Ja̧'wa̧nü̧ Jesú-mä̧ Sawaru mo̧ro̧ aditü ikua'a topü, sinagoga isode u̧ru̧wa̧mä̧ ra̧wä̧ri̧pü̧ ttü̧ja̧rü̧ pä'inü̧: —Kko̧ro̧mü̧ttü̧nü̧ ya'ute mo̧ro̧ jo̧mȩnä̧ kka̧'a̧ adikuä mo̧ro̧mä̧; jua̧u̧nü̧ mo̧ro̧tä̧ ichätukui, ja̧'wa̧nü̧ ja̧'a̧nä̧ Sawaru mo̧ro̧mä̧ aditü ttikuätukuaku pä'ümä̧ kuichätukuä.