San Mateo 20:23 - Nuevo Testamento Uwotjüja

²³ Jesú-mä̧ ädätinä̧u̧: —Isopäi'ünä̧ pädäu̧jä̧, ttütä jü̧ta̧'a̧nü̧ rü̧ȩnä̧ usurä kuȩmä̧wä̧tu̧kua̧'a̧nä̧; ttü wedomȩttü̧ chu̧wo̧jua̧'a̧ku̧nä̧, chü'oweja̧'a̧ku̧nä̧, rütüwämä̧ ttü jäwämä̧kü̧, Chä'o ü'ätetinä̧u̧ru̧ iyü jäwä ja̧'a̧.

TÄ̧DO Ä̧CUÄ̧ I̧HUȨNȨ

²³ Ja̧u̧nu̧ o'ca'a jahuätörö pä'inödo: —Iso päi'önä ttö ubara ttudu ta'anö ubara ttucuhuäcuotöjä. Ja̧'hua̧nö̧ ja̧'a̧nä̧ ka̧ra̧ chu̧huo̧jua̧'a̧nä̧, ka̧ra̧ chieruhua'anä ttö̧'ä̧mä̧da̧ pä'ö hue'ocösä ttömä. Chä'orö pä̧huä̧ rö̧jä̧u̧ru̧tä̧ huȩä̧cua̧ ja̧'hua̧nö̧ ttö̧'ä̧mä̧da̧ pä'ö.

San Mateo 20:23 Referans Kwoze

Apocalipsis 1:9

Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,

Hechos 12:2

Ja̧'wa̧nü̧ ja̧'a̧, Ju̧a̧ ubüo Jacobo-rü kurodänä̧ kuä'ü ttikunä̧ weinä̧ku̧;

San Marcos 10:40

Ja̧'wa̧nü̧ ja̧'a̧nä̧, chu̧wo̧jua̧'a̧ku̧nä̧, chü'owe ja̧'a̧ku̧nä̧ rütäkuäwämä, ttü chiya pä'ümä̧ juiya'a, jua'amä̧ pätetü jo̧mȩnü̧ kku̧nä̧wo̧tü̧rü̧tä̧ i̧yä̧wä̧kuȩ ja̧'a̧.

San Mateo 25:34

Ja̧'wa̧nü̧ ja̧'a̧ Ru̧wa̧ Rey-mä̧ u̧wo̧jua̧'a̧ku̧nä̧ kka̧kuä̧tü̧rü̧ pä̧kua̧: Ichätukui Chä'o ppädinä̧u̧mä̧, pi̧jä̧ adikui'ino̧mȩttü̧ päi'ünä̧ ukuturu wekuätukua pä'ü jo̧mȩnü̧ jȩpü̧ u̧ju̧ni̧nü̧ kuȩmä̧tu̧kua̧.

1 Corintios 2:9

Ja̧'wa̧nü̧ ja̧'a̧ttü̧, wȩyu̧kuä̧ wȩnȩmä̧ pä'a: «Dio-mä̧, churutä repe'ätürümä̧ ya̧tȩ'i̧nä̧ tookü juei, ä̧ju̧kuä̧kuä̧wo̧kü̧ juei, ja̧'wa̧ta̧nü̧ yoriso amükuädäkuäwokü juei, jo̧mȩnü̧ jȩpü̧ kku̧ni̧nü̧ iya pä'ümä̧.»

Romanos 8:17

Ja̧'wa̧nü̧ i̧tti̧mü̧ ta'amä̧, iya päinü̧mä̧ tiäremä̧ tȩmä̧kuo̧tü̧jä̧ ja̧'wa̧ta̧nü̧ Crito üäremä̧ ujutu'i̧nä̧ tüäre ja̧'a̧, chutäku usurä tȩmä̧u̧ttü̧mä̧, chutäku uruwonä̧ iyäwi'äkuä̧u̧jä̧.

Hebreos 11:16

ja̧'wa̧nü̧ ja̧'a̧nä̧ juätümä̧ tti̧rȩjä̧ adiwä̧jä̧ pä̧wä̧rü̧ji̧nä̧u̧, juä̧jä̧mä̧ mo̧ro̧jä̧ rȩjȩ ja̧'a̧. Ja̧'wa̧nü̧ ja̧'a̧ttü̧, Dio-mä̧ juätü ttü̧ä̧nä̧wa̧ ja̧'a̧mä̧ dä̧'ä̧rü̧jo̧ko̧ku̧, jua'amä̧ juätü ttü̧jä̧kuȩ ütawiyä jo̧mȩnü̧ aditü u̧ju̧ni̧na̧'a̧ttü̧.

Colosenses 1:24

Jitämä̧ eseusä ukutu jäwänä̧ usurä ȩmä̧u̧, ja̧'wa̧nü̧ jo̧mȩnä̧mä̧ ttü chidepänä̧, Crito usurä ȩmä̧wi̧nü̧ yabonü̧ usurä ȩmä̧u̧sä̧, igresia wotünä̧. Jua̧u̧ igresia-mä̧ chutä jä̧ttä̧pä̧ya̧ ja̧'a̧ttü̧.

2 Corintios 1:7

Ja̧'wa̧nü̧ ja̧'a̧ttü̧, ukuturumä̧ jueünä̧tä̧ tesetünä̧ jä̧u̧jä̧, jua'amä̧ ujututäku yo̧mȩtȩnä̧ usurä kuȩmä̧wä̧tu̧ku̧ta̧'a̧nü̧, jua̧u̧ a̧'u̧ ttukuätuku'i̧nä̧ jȩpü̧ i̧kuä̧kuä̧u̧jä̧ pä'ü.

San Mateo 13:11

Pättäku ädätinä̧u̧: Ukuturumä̧ i̧yä̧wi̧'i̧nä̧u̧jä̧ mo̧ro̧jä̧ ru̧wa̧ weü wo̧juä̧wo̧kü̧ ku̧wo̧juä̧tu̧kua̧ pä'ü; ja̧'wa̧nü̧ ja̧'a̧nä̧ jitüjarümä̧ i̧yä̧wi̧'o̧ko̧u̧ pinä̧tü̧.

San Mateo 20:24

Kkorotü u̧wo̧juȩtä̧u̧ diez-nü̧ wotümä̧, pi̧yȩ ä̧ju̧ku̧, juätü i̧jä̧wa̧ku̧, ubüoku wotü ta̧ju̧ru̧ ttüjü'kü juiyünä̧ amükuädinä̧tü̧.