San Mateo 20:22 - Nuevo Testamento Uwotjüja

²² Päjäku, Jesú-mä̧ ädätinä̧kua̧: —Jäkuepätukua'anä̧, jerupätüjä̧. ¿Ttü usurä chȩmä̧wä̧kua̧'a̧ jü̧ta̧'a̧nü̧, usurä kuȩmä̧wä̧tu̧kua̧ pä'ätüjä̧? Päomȩnä̧, ttädätinä̧ku̧: —A̧, usurä tȩmä̧wa̧ pä'ätüjä̧,

TÄ̧DO Ä̧CUÄ̧ I̧HUȨNȨ

²² Ja̧'hua̧ ja̧'a̧ Jesús ädätinödo: —Jäcuhue'ätucumä yoröiso jerupätöjä. Ttö ubara ttudu ta'anö, ¿ubara ttucuhuäcuotöjä tä̧ji̧ ucutumä? Ja̧'hua̧nö̧ päomenä, ädätinätödo: —A̧, jȩtä̧cuo̧tö̧jä̧.

San Mateo 20:22 Referans Kwoze

San Lucas 22:42

Pä'inü̧: «Chä'o Dio, ukuru pä̧wä̧rü̧jü̧ttü̧mä̧, poya reoya chau juiyünä̧ ppä'ädittü; ja̧'wa̧nü̧ ja̧'a̧nä̧ ttürü pä̧wä̧rü̧jo̧mȩnä̧mä̧kü̧, ukurutä pä̧wä̧rü̧jo̧mȩnä̧.»

San Mateo 26:42

Pä'äji jä̧ji̧ta̧'a̧nü̧, todärenä̧ päi'ünä̧ tü'ipächi'ü Dio-rü pa̧'a̧nü̧ ukuokuinü̧: «Chä'o, pi̧yȩ usurä ȩmä̧kuä̧wä̧nä̧ ttü 'kuädopa päkuttümä̧, ukuru pä̧wä̧rü̧jo̧mȩnä̧tä̧ jȩpi̧.»

San Juan 18:11

Ja̧'wa̧nü̧ jȩi̧yä̧ku̧, Jesú-mä̧ Peduru-rü pä'inü̧: —Kururodämä̧, ȩkä̧jo̧mȩ ȩni̧: Poya reoya chawa pä'ü, Chä'o iya'amä̧ ¿Chau juiyü'anü̧ ja̧'a̧ tä̧jí̧?

San Marcos 14:36

Ukuokumä̧ pä'inü̧: «Abbá», Chä'o ukumä̧ o'kajuiyünä̧ jȩ'ku̧tä̧ ja̧'a̧; pi̧yȩttü̧mä̧ chü̧ji̧pü̧nä̧ ppä'ädittü; ja̧'wa̧nü̧ ja̧'a̧nä̧, ttürü pä̧wä̧rü̧ja̧'a̧ku̧mä̧kü̧, ukuru pä̧wä̧rü̧jo̧mȩnä̧tä̧.

San Mateo 26:39

Pä'ipü yabonä̧nü̧ 'chä̧wi̧'ü̧, iwe'kiyunä̧ pä̧mä̧dü̧ rȩjȩku̧ ma̧'ä̧mü̧, Dio-rü ukuoku pä'inü̧: «Chä'o, jȩ'ku̧'a̧nü̧ jü̧ttü̧mä̧, pi̧yȩ usurä ȩmä̧kuä̧wä̧nä̧ 'kuädopü juiyünä̧ ppä'ädittü; ja̧'wa̧nü̧ ja̧'a̧nä̧ ttürü pä̧wä̧rü̧jo̧mȩnä̧mä̧kü̧, ukuru pä̧wä̧rü̧jo̧mȩnä̧tä̧.»

Romanos 8:26

Ja̧'wa̧nü̧ jü̧ta̧'a̧nü̧, Epíritumä̧ ta̧mi̧ 'kuäta'amä̧ ppä̧dä̧u̧jä̧; Dio-rü jätepomȩnä̧, ttukuokuäkuȩmä̧ tieruwa'a'i̧nä̧; Epíritumä̧ chutä jä'epü, rü̧ȩnä̧ ajuäunü̧.

Santiago 4:3

Ja̧'wa̧ta̧nü̧ jäkuepätukumä̧ ȩmo̧ko̧tü̧jä̧, jua'amä̧ ukuturutä pä̧wä̧rü̧jo̧mȩnä̧tä̧ be'epäjipü kuikuätukua pä'ütä amükuädü jäkuepätukua'attü̧.

San Lucas 12:50

Ji̧yȩtȩ usurä ȩmä̧kuä̧wä̧nä̧ 'kuädopa pä'ü rekuä rü̧ja̧'a̧. ¡Jua̧u̧ 'kuäopomȩbü päi'ünä̧ cha̧ja̧wä̧rü̧nä̧ jä̧ku̧sä̧!

San Mateo 26:56

Ja̧'wa̧nü̧ ja̧'a̧nä̧, pi̧yȩ o'kajuiyünä̧ 'kuäopümä̧, profeta wotü wȩyu̧tu̧ ttütinü̧ta̧'a̧nü̧ 'kuäopa'a ja̧'a̧. Täkü jua̧u̧nu̧tä̧, u̧wo̧juȩtä̧u̧mä̧ o'katoi'ünä̧ kkatätä ü̧ji̧pa̧'a̧nä̧ dü'ekuächü tü'ipächinä̧tü̧.

San Mateo 26:35

Päomȩnä̧, Peduru-mä̧ yabonü̧ pä'inü̧: —Ukutäku tode'ächüttü'i̧nä̧, wä̧i̧nä̧ ja̧'a̧nä̧, ukú kutü'kümä̧ ä̧ppü̧tä̧ro̧kü̧ chä̧kua̧sä̧. Pä̧i̧yä̧u̧ u̧wo̧juȩtä̧u̧mä̧ o'katoi'ünä̧tä̧ ja̧'wa̧nü̧tä̧ pä'inä̧tü̧.