San Mateo 20:21 - Nuevo Testamento Uwotjüja

²¹ Jesú-mä̧, päinä̧kua̧: —¿Däjejä̧ttü̧ ukuru rekuä rü̧jü̧mä̧? ädätinä̧ju̧: —Ukú Ru̧wa̧ ku̧'o̧mȩnä̧mä̧ pitü chi̧tti̧mü̧ ta̧ju̧ru̧, ya̧tȩrü̧mä̧ ku̧wo̧jua̧'a̧ku̧nä̧, kka̧ra̧rü̧mä̧ ku'oweja̧'a̧ku̧nä̧ ttü̧'ȩmü̧nä̧ wekua pä'äjusä.

TÄ̧DO Ä̧CUÄ̧ I̧HUȨNȨ

²¹ Chutä pä'inödo: —¿Däje jäcuhue'a päcuhuättö? Ja̧'hua̧nö̧ päcua, pä'inäjudo: —Ucu cu̧jo̧mȩttö̧ pitö chi̧tti̧mö̧mä̧, ya̧tȩ cu̧huo̧jua̧'a̧nä̧, ka̧ra̧mä̧ cuieruhua'anä ttö̧'ä̧mä̧da̧ pä'äjusä.

San Mateo 20:21 Referans Kwoze

San Mateo 19:28

Jesú-mä̧ ädätinä̧u̧: —Isopäi'ünä̧ pädäu̧jä̧, ukutu ttü cho'ka'anä̧ ichinä̧tü̧mä̧, ji̧yȩnü̧ o'kajuiyünä̧tä̧ pärowächü mo̧ro̧ päi'omȩnä̧, ubo I̧tti̧mä̧ chutä uruwo dȩä̧kä̧nä̧ ü̧'ä̧mä̧do̧mȩnä̧ ukutu'i̧nä̧ doce-nü̧ jü̧ ruwo dȩä̧ki̧yä̧nä̧, irae ttü̧ja̧ doce-nü̧ wotürü wekuätukua pä'ü ku̧'ȩjä̧mä̧kuo̧tü̧jä̧.

San Mateo 18:1

Jua̧u̧nu̧tä̧ hora-nä̧ Jesú ü̧jo̧mȩku̧ ichi'ü u̧wo̧juȩtä̧u̧mä̧ jä'epü ttä̧ju̧kui̧nä̧ku̧: —¿Díjä̧ttü̧ mo̧ro̧jä̧ ru̧wa̧ weomȩttü̧ ji̧nä̧so ukuo i̧sa̧mä̧?

Hechos 1:6

Ja̧'wa̧nü̧ Jesú-ku ji̧nä̧ yo̧mȩtȩ pȩjü̧, jä'epü ttä̧ju̧kui̧nä̧ku̧: —Chu̧ru̧wa̧, ¿Jitä pi̧yȩtä̧ pä̧nä̧, Irae ttü̧ja̧ tturuwomä̧ weäwi'ünä̧ ppa̧kuä̧dä̧kua̧'a̧ tä̧jí̧?

San Marcos 6:22

Ja̧'wa̧nü̧ ja̧'a̧, pä'kärinä̧ Herodía kkittiju do'ächi'ü baira tü'inä̧ju̧. Ja̧'wa̧nü̧ tüjomȩnä̧ Herodes'i̧nä̧ ja̧'wa̧ta̧nü̧ chutäku ttu̧kuȩ kuä̧nü̧ pȩjä̧tü̧'i̧nä̧ ttesewipünä̧ päi'ünä̧, ru̧wa̧mä̧ juäjuru päinü̧: —Pä̧wä̧rü̧jü̧mä̧ o'kajuiyünä̧ jä'epittü, jäkuepümä̧ chiyäkuajujä̧.

San Mateo 20:32

Ja̧'wa̧nü̧ wottäku Jesú-mä̧ kkä̧mä̧do̧'ü̧ ä̧to̧kä̧tü̧rü̧ wopo'ü pä'inü̧: —¿Däje jȩchä̧tu̧kua̧ku̧ päkuätukuättü̧?

Colosenses 3:1

Isopäi'ünä̧ Crito-ku ttokuächinä̧tu̧ku̧ttü̧mä̧, mo̧ro̧jä̧ jäwätä usätukui, Crito jä'o Dio u̧wo̧jua̧'a̧ku̧nä̧ ü̧'a̧'a̧ jäwätä.

Romanos 12:10

Yotukunä̧mä̧ ttü̧jä̧wa̧tü̧rü̧ eseu repettü'anü̧, eseu repe'äkuäwätukui; yotukunä̧ ukuotäkuäu kkä̧nü̧.

San Juan 15:7

Ukutu ttünä̧ ku̧ja̧kuä̧tu̧ku̧ttü̧mä̧ ja̧'wa̧ta̧nü̧ ttü chi̧wȩnȩ ukutunä̧ kka̧ku̧ttü̧mä̧, pä̧wä̧rü̧jü̧mä̧ o'kajuiyünä̧ jä'epätukui, jäkuepätukuomȩnä̧ iyäwäkua'a.

San Lucas 22:24

Jesú u̧wo̧juȩtä̧u̧mä̧, díjä̧ttü̧ ujututtü ji̧nä̧so ukuo u̧ju̧nä̧rä̧kua̧mä̧ pä'ä'chäkuäwinä̧tü̧,

San Lucas 19:11

Jesú pi̧yȩ jiäwa'a ttä̧ju̧kuä̧ri̧yä̧ku̧, wȩnȩtü̧ jiäwinä̧u̧, täkü Jerusarȩ́ ütawiyättümä̧ ttütü'künä̧nü̧ ja̧'a̧, jua'a'i̧nä̧ Ru̧wa̧ Dio weümä̧ jitätä päi'äkua'akü̧ pä'ü tta̧mü̧kuädiyäku.

San Lucas 18:41

¿Däjé jȩcha̧ku̧ päkua'ajä̧ttü̧? —Päomȩnä̧ ädätinü̧: —Chu̧ru̧wa̧, pä'äji ji̧nü̧ta'anü̧ tocha pä'üsä.

San Marcos 10:51

I̧'chi̧'a̧'a̧, jä'epü ä̧ju̧kui̧nä̧ku̧: —¿Däjé jȩcha̧ku̧ päkuättü̧? jäepomȩnä̧, ä̧to̧ka̧mä̧ ädätinü̧: —Wo̧juȩkuä̧ i̧sa̧, pä'äjita'anü̧ tocha pä'üsä.

Romanos 8:34

¿Ditä jä̧kua̧'a̧jä̧ttü̧ ubara ttuttunä̧ ro̧ȩpä̧kua̧mä̧? Crito ya̧tȩtä̧ ja̧'a̧ 'korujuo'ächinü̧'ka̧, tto'ächinü̧mä̧ ja̧'wa̧ta̧nü̧ Dio u̧wo̧jua̧'a̧ku̧nä̧ pä̧nü̧, ujutu tütü'kü ppä'ädü jä'epümä̧ 'kuäopünä̧.

San Marcos 16:19

Juätürü ji'äu käda'a, Tu̧ru̧wa̧ Jesú-mä̧ mo̧ro̧jä̧ra̧'a̧ kä'ekuächü, Tü̧ä̧nä̧wa̧ Dio u̧wo̧jua̧'a̧ku̧nä̧ pä̧mä̧di̧nü̧.

San Mateo 20:22

Päjäku, Jesú-mä̧ ädätinä̧kua̧: —Jäkuepätukua'anä̧, jerupätüjä̧. ¿Ttü usurä chȩmä̧wä̧kua̧'a̧ jü̧ta̧'a̧nü̧, usurä kuȩmä̧wä̧tu̧kua̧ pä'ätüjä̧? Päomȩnä̧, ttädätinä̧ku̧: —A̧, usurä tȩmä̧wa̧ pä'ätüjä̧,