San Mateo 20:19 - Nuevo Testamento Uwotjüja

¹⁹ Ja̧'wa̧nü̧ ja̧'a̧ judío pokotürü iyü ttikuomȩnä̧, ya̧'a̧wä̧'chü̧, kuäkuäpü jȩpi̧'ü̧'kotü, ü̧jo̧kä̧nü̧ jäi daunä̧ ttu̧ju̧na̧'a̧ 'korupä'i̧'ü̧'ka̧, wäbodäkuä mo̧ro̧ päi'omȩnä̧ tto̧dä̧chä̧kua̧sä̧.

TÄ̧DO Ä̧CUÄ̧ I̧HUȨNȨ

¹⁹ Ja̧'hua̧ta̧nö̧ korotörö, judíos huocotörö, ttiyäcuotö suronä ucuocu, cuäcuäpö, daunä pȩ'o̧pö̧, ttu̧ju̧na̧rö̧ pä'ö. Ja̧'hua̧nö̧ ja̧'a̧nä̧ huäbodäcuä mo̧ro̧ päi'omenä, 'corupäi'ö o'ca'a tto̧ä̧chä̧cua̧, —pä'inödo.

San Mateo 20:19 Referans Kwoze

San Mateo 16:21

Jua̧u̧nu̧tä̧ kkä̧mä̧dü̧ Jesú-mä̧ u̧wo̧juȩtä̧u̧rü ji'äwinü̧ Jerusarȩ́-ra̧'a̧ i̧'cha̧ pä'ü rekuä rü̧jü̧mä̧, jua'attü judío-ttü a̧ci̧a̧nu̧ wotü'i̧nä̧, sacerdote-tü̧ tturuwotü'i̧nä̧ weäwänä̧ usurä ȩmä̧wi̧'ü̧'ka̧, kuä'ü ttiku o'ka'a wäbodäkuä mo̧ro̧ päi'omȩnä̧ ttoächä̧kuȩ wȩnȩmä̧.

Hechos 2:23

Ja̧'wa̧nü̧ wa̧rü̧, aboja̧'a̧nä̧ ukuokuäkuäu jȩpü̧ iyü ikú, kuä'ü ikuinä̧tü̧jä̧, ü̧jo̧kä̧nü̧ toe'ächünä̧, suronä̧ jȩpä̧tü̧ ttu̧mü̧nä̧.

Hechos 21:11

Jua̧u̧mä̧ ujuturu topü i̧chä̧ji̧'ka̧, Pauru äkäsäya ȩmo̧po̧'ü̧, juäyanä̧tä̧ u̧mü̧pi̧yä̧'i̧nä̧, i̧jä̧pi̧yä̧'i̧nä̧ nü̧'käwo'ü pä'inü̧: Epíritu Sa̧tu̧mä̧ pa̧'a̧nü̧ pä'ü, piya u̧ru̧wa̧rü̧mä̧ Jerusarȩ́-ra̧'a̧ i̧'chi̧'o̧mȩnä̧mä̧ Judío-mä̧ pa̧'a̧nü̧ nü̧'kü, judío pokotürü iyü tti̧kuä̧kua̧ pä'ü.

Hechos 4:27

«Isopäi'ünä̧ ukú kui̧tti̧ surojü jui̧'a̧rü̧ suronä̧ jȩtta̧ pä'ü ka̧ka̧kui̧nä̧tü̧, Herodes'i̧nä̧, Poncio Pilato'i̧nä̧, Irae ttü̧ja̧ wokotü'i̧nä̧, Irae ttü̧ja̧'i̧nä̧, jü̧nä̧.

San Lucas 24:46

Ja̧'wa̧nü̧ jȩpü̧ päinä̧u̧: —Wȩyu̧kuä̧mä̧ wȩyu̧tu̧ rütäwa'a pa̧'a̧, rekuä rü̧ja̧'a̧, Crito-mä̧ usurä ȩmä̧wi̧'ü̧'ka̧, wäbodäkuä mo̧ro̧ päi'omȩnä̧, wa'arettü tto̧ä̧chä̧kua̧ pä'ü.

San Lucas 23:11

Ja̧'wa̧nü̧ jo̧mȩnä̧ Herode-mä̧, umüwäyotü su̧ro̧do̧u̧ku̧ ttüjü'kü juiyünä̧ topü, ya̧'a̧wä̧'chü̧mä̧, ru̧wa̧ rey 'kua̧rü̧nä̧ adiwä juei i̧sä̧ta̧, ü̧'ka̧tä̧wä̧ta̧ 'ka̧tü̧ jȩtti̧nä̧ku̧. Ja̧'wa̧nü̧ jȩpä̧ji̧'ka̧ Herode-mä̧, pä'äjita'anü̧ Pilato ü̧ja̧'a̧ we'ü ikuinä̧ku̧.

San Marcos 15:1

Mo̧ro̧ päia'a, yotäku, sacerdote wotü tturuwotümä̧, judío-ttü a̧ci̧a̧nu̧ wotüku ja̧'wa̧ta̧nü̧ weäwä wȩnȩ wo̧juȩkuä̧ isotüku'i̧nä̧, ja̧'wa̧ta̧nü̧ Sanedrín wotüku'i̧nä̧ o'katoi'ünä̧ ka̧ka̧kui̧pü̧ ukuokuäjä'kotü. Jesú-ru nü̧'käwa̧rü̧tä̧ ȩmi̧pü̧, Pilato-rü iyinä̧tü̧.

San Marcos 14:65

Ja̧'wa̧nü̧ päi'omȩnä̧, yotukunä̧mä̧ surepükkä̧nü̧, i'äre mü̧ȩpä̧jä̧'kotü, 'ta'tapünü̧ pättinä̧ku̧: —¡Ji'äwitü, ukuru kuä'ümä̧ díjä̧ttü̧! Ja̧'wa̧ta̧nü̧, Dio-rü ukuokuäkuäwode tta̧'a̧rä̧tü̧'i̧nä̧ i'änä̧ kuäkuättinä̧ku̧.

San Mateo 12:40

Ja̧'wa̧nü̧ ja̧'a̧ttü̧, wäbodäkuä mo̧ro̧ jo̧mȩnä̧, wäbodäkuä yodó jo̧mȩnä̧ büó po̧i̧sa̧ üakuä jakuä Joná ȩki̧nü̧ta̧'a̧nü̧, ubo I̧tti̧'i̧nä̧ rȩjȩ jakuä ȩkä̧kua̧.

San Mateo 17:23

ja̧'wa̧nü̧ kuä'ü ttikua'anä̧, wäbodäkuä mo̧ro̧ päi'omȩnä̧ wa'arettü tto̧dä̧chä̧kua̧sä̧. Ja̧'wa̧nü̧ jiäwa'a ä̧ju̧ku̧ rü̧ȩnä̧ tta̧'kua̧ tta̧'ȩkui̧pi̧nä̧tü̧.

San Mateo 27:26

Ja̧'wa̧nü̧ ja̧'a̧ttü̧, Pilato-mä̧ Barrabá-rütä rä'epü iku; Jesú-rumä̧ kuäkuätta pä'ü we'ü kkä̧nü̧, ü̧jo̧kä̧nü̧ jäinä̧ pȩ'o̧pü̧ ttu̧ju̧na̧rü̧ pä'ü we'inü̧.

San Mateo 27:63

'chä̧jä̧'kotümä̧ pä'inä̧tü̧: —Tu̧ru̧wa̧, chupinü̧ yaparewinü̧mä̧, ji̧nä̧ pi̧jä̧nä̧ ü̧jä̧i̧mä̧ wäbodäkuä mo̧ro̧ päi'omȩnä̧ tto̧dä̧chä̧kua̧sä̧ pä'inü̧ ji̧nü̧, amükuädätüjä̧.

San Marcos 15:15

Ja̧'wa̧nü̧ wottiyäku, Pilato-mä ttü̧ja̧ tteseunä̧ jȩa̧ pä'ü, Barrabá-rütä rä'epü iku; Jesú-rumä̧ kuäkuättünä̧ we'äji̧'ka̧, ü̧jo̧kä̧nü̧ jäinä̧ kku̧nu̧ kuä'ü ttikuarü pä'ü iyü ikuinä̧ku̧.

San Lucas 18:32

Ttürümä̧ judío pokotü ttu̧mü̧nä̧ iyü tti̧kuä̧kua̧sä̧, ya̧ttä̧wȩ'ä̧kua̧sä̧, rü̧ȩnä̧ ttü̧ra̧wä̧rä̧kua̧sä̧ ja̧'wa̧ta̧nü̧ surepü'i̧nä̧, surettä̧kua̧sä̧.