San Mateo 2:22 - Nuevo Testamento Uwotjüja

²² Ja̧'wa̧nü̧ ja̧'a̧nä̧, José-mä̧ judea rȩjȩra̧'a̧mä̧ ye'eku i̧'cha̧ pä'okü pinü̧, Herode i̧tti̧ o̧'ka̧ Arquerao ru̧wa̧ pü̧do pätta'a ä̧ju̧kuä̧ji̧'ka̧; ja̧'wa̧nü̧ ji̧yä̧ku̧, Dio wȩ'ä̧wa̧ á̧gȩ-mä̧ Galirea rȩjȩra̧'a̧tä̧ i̧'cha̧ päinä̧ku̧.

TÄ̧DO Ä̧CUÄ̧ I̧HUȨNȨ

²² Juhuorö'inä Herodes i̧tti̧ Arquelao Judea rȩjȩnä̧ ru̧hua̧ päi'önä ö̧ja̧'a̧ ä̧ju̧cu̧, José ye'ecuinödo juhua'a i̧'cha̧ pä'ö. Ja̧'hua̧nö̧ ja̧'a̧ttö̧ José u̧'cuo̧ti̧cuo̧mȩnä̧ Dios jiähuäji ta'anö, Galilea rȩjȩra̧'a̧ 'chi̧nö̧do.

San Mateo 2:22 Referans Kwoze

San Lucas 2:39

Ja̧'wa̧nü̧ Tü̧ä̧nä̧wa̧ Dio weinü̧mä̧ o'kajuiyünä̧ jȩpü̧ kä'ädäjä'kotü pä'äjita'anü̧ Galirea rȩjȩra̧'a̧, ttidepiyu Nazare ütawiyära̧'a̧ku̧ ppa̧'ä̧chi̧nä̧tü̧.

San Juan 7:52

Päomȩnä̧, ttädätinä̧ku̧: ¿Uku'i̧nä̧, Galirea ttü̧ja̧sa̧jä̧? Wȩyu̧kuä̧ wȩnȩ wo̧jui̧pü̧ topi. Yorisotä Galirea-ttümä̧, profeta-mä̧ rä'opokotü pä'ijätü. [

San Mateo 3:13

Ja̧'wa̧nü̧ jä̧ji̧ o'ka'a Jesú-mä̧, Galirea rȩjȩttü̧ rä'opächäji̧'ka̧, Jordán ajera̧'a̧ku̧, Ju̧a̧ bautizo jȩa̧rü̧ pä'ü, ü̧jo̧mȩku̧ ichinü̧.

San Mateo 2:19

Herode wa'ü ikuäji o'ka'a, Egito-ra̧'a̧ttü̧ José-rü u̧'kuo̧ti̧nä̧, Tu̧ru̧wa̧ wȩ'ä̧wa̧ á̧gȩ-mä̧ i̧jȩku̧ pä'inü̧:

San Mateo 1:20

Ja̧'wa̧nü̧ jȩa̧ pä'ü amükuädä'cha'a, ä'a'a jakuänä̧ Jä'o Dio wȩ'ä̧wa̧ á̧gȩ u̧'kuo̧ti̧nä̧ i̧jȩku̧ päinä̧ku̧: Uku Dawi i̧tti̧ José-mä̧, yekuekuoka'a María-rü kuirekua päi'ünä̧ ȩmi̧; jua'a muchaju juojäja'amä̧ Epíritu Sa̧tu̧ a̧'kua̧ iweye ja̧'a̧.

San Mateo 2:1

Herode Rey ru̧wa̧ weü pä̧nä̧, Jesú-mä̧ Berȩ́ ütawiyä, Judea rȩjȩttü̧ uwäpächomȩnä̧, mo̧ro̧jä̧ jäwä wo̧juä̧tü̧, kkä̧wa̧ räopa'akuttü Jerusarȩ́ ütawiyära̧'a̧ rȩbȩä̧kuä̧wi̧nä̧tü̧,

San Mateo 2:21

Ja̧'wa̧nü̧ ji'äwäjäku, José-mä̧ ä̧rä̧mi̧'ü̧ ji̧'chi̧cha̧wa̧rü̧ ja̧ju̧tä̧ku̧ ȩmi̧pü̧ Irae rȩjȩra̧'a̧ ppa̧'ä̧chi̧nü̧.