San Mateo 2:13 - Nuevo Testamento Uwotjüja

¹³ Juätü tti̧wi̧'i̧'ä̧ji̧ o'ka'a, Tu̧ru̧wa̧ u̧mü̧wä̧ya̧ á̧gȩ, José-rü u̧'kuo̧ti̧nä̧ i̧jȩku̧ pä'inü̧: Ä̧rä̧mi̧'ü̧, ji̧'chi̧cha̧wa̧rü̧ ja̧ju̧tä̧ku̧ ȩmi̧pü̧ Egito-ra̧'a̧ tü'ipächi; Herode-mä̧ ji̧'chi̧cha̧wa̧rü̧ kuä'ü ikua pä'ü u̧sä̧kua̧, jua'atä ku̧ja̧jä̧ jidäwomȩbü päi'ünä̧.

TÄ̧DO Ä̧CUÄ̧ I̧HUȨNȨ

¹³ Jahuätö mo̧ro̧jä̧ jähuä huo̧juä̧tö̧ tti̧'chä̧ji̧ o'ca'a, ya̧tȩ ángel, Tu̧ru̧hua̧ huȩ'ä̧hua̧ i̧jȩcui̧nö̧do Josérö 'cuo̧ti̧nä̧. Ja̧u̧ pä'inödo: —Ä̧rä̧mi̧'ö̧, ji̧'qui̧cha̧hua̧cu̧, ja̧ju̧cu̧ tö'ipächätucui Egipto rȩjȩra̧'a̧cu̧. Juhua'atä ka̧cuä̧tu̧cui̧ ttö jidähuome jubö päi'önä. Herodes ji̧'qui̧cha̧hua̧rö̧ cuä'ö icua pä'ö u̧sä̧cua̧, —pä'inödo ángel.

San Mateo 2:13 Referans Kwoze

Hechos 12:11

Ja̧'wa̧nü̧ päi'äku, Peduru-mä̧ wo̧jui̧'ü̧ pä'inü̧: «jitämä̧ wo̧jui̧'ü̧sä̧, isopäi'ünä̧ Chu̧ru̧wa̧mä̧, Herodes'i̧nä̧, Judío'i̧nä̧ suronä̧ jȩtta̧ pättiyäku rä'epü ikuäjäkusätí̧, pä'ü.»

Hechos 10:7

Ja̧'wa̧nü̧ ja̧'a̧, jua̧u̧ á̧gȩ i̧wi̧'ä̧ji̧ o'ka'a umüwäyotüttü ta̧ju̧ru̧ wopo'ü ja̧'wa̧ta̧nü̧ u̧mü̧wä̧ya̧ su̧ro̧do̧u̧ i̧sa̧ rü̧ȩnä̧ ukuotä'ijürü wopo'ü.

Hechos 5:19

Ja̧'wa̧nü̧ ja̧'a̧nä̧, ya̧tȩ á̧gȩ Dio wȩ'ä̧wa̧ kärenä̧ rütäwode äpate, yodó ba'epü rä'epü iku päinä̧u̧:

San Mateo 2:12

Ja̧'wa̧nü̧ jä̧ji̧ o'ka'a, Dio-mä̧ ttu̧'kuo̧ti̧nä̧ Herode ü̧ja̧'a̧ ppa̧ttä̧chü̧ juiyünä̧ päjä̧u̧, kko̧ro̧mä̧nä̧tä̧ ppa̧'ä̧chü̧ i̧wi̧nä̧tü̧ tti̧rȩjä̧ra̧'a̧mä̧.

San Mateo 1:20

Ja̧'wa̧nü̧ jȩa̧ pä'ü amükuädä'cha'a, ä'a'a jakuänä̧ Jä'o Dio wȩ'ä̧wa̧ á̧gȩ u̧'kuo̧ti̧nä̧ i̧jȩku̧ päinä̧ku̧: Uku Dawi i̧tti̧ José-mä̧, yekuekuoka'a María-rü kuirekua päi'ünä̧ ȩmi̧; jua'a muchaju juojäja'amä̧ Epíritu Sa̧tu̧ a̧'kua̧ iweye ja̧'a̧.

San Mateo 2:16

Herode-mä̧, mo̧ro̧jä̧ jäwä wo̧juä̧tü̧ ttüyaparewäku wo̧jui̧'ü̧ rü̧ȩnä̧ a̧mi̧ surächi'äku, ppo̧'ä̧tü̧ todäre a̧'ȩ dȩ'a̧'a̧ku̧ wotürümä̧, Berȩ́ ütawiyänä̧ kka̧kuä̧tü̧rü̧'i̧nä̧, jäyänä̧ kka̧kuä̧tü̧rü̧'i̧nä̧ o'katoi'ünä̧rü̧ kuä'äu ttikua pä'ü we'inü̧, mo̧ro̧jä̧ jäwä wo̧juä̧tü̧ jittäwäjittü amükuädü topü.

Apocalipsis 12:14

Ja̧'wa̧nü̧ ja̧'a̧nä̧, juäjuru iyäwi'ina̧'a̧ tobäre kkujuabiyä bäreu pare ujuabiyä, jua̧u̧ dragó̧ pättäku ä'kattü otó kojächa pä'ü, rȩbi̧yu̧ dȩ'a̧ra̧'a̧ku̧, juäjurutä ja̧'a̧tȩ'ü̧ jȩpü̧ kku̧nä̧wo̧mȩku̧, juorü ttukuäje'aju pä'ü, wäbodäkuä año ja̧'a̧nä̧, kkoro ju'to jo̧mȩnä̧.

Hechos 16:36

Ja̧'wa̧nü̧ wettäjäku, kärenä̧ pȩjä̧tü̧rü̧ tta̧'ä̧rü̧mä̧ Pauru-rü pä'inü̧: —Ruwotümä̧ wettäjäkusä ukuturu rä'epü chikua pä'ü ja̧'wa̧nü̧ ja̧'a̧ttü̧ unichä̧rü̧ i̧wä̧tu̧kui̧.

Hechos 10:22

Pä̧u̧ pättinä̧ku̧: —Su̧ro̧do̧u̧ ttu̧ru̧wa̧ Cornelio wȩä̧jä̧u̧ ichäjätüjä̧, jua̧u̧mä̧ Dio-rü esetü ukuotü ja̧'wa̧ta̧nü̧ Judío'i̧nä̧ ttu̧wo̧juä̧ku̧ ja̧'a̧. Jua̧u̧ru̧ Dio i̧sa̧ á̧gȩ ukuru woa pä'ü weäja'a ja̧'a̧, ojusodera̧'a̧ kuichiyarü pä'äji jikuäu ä̧ju̧kua̧ pä'ü.

Hechos 7:19

Jua̧u̧ ru̧wa̧ rey-mä̧ tä̧'o̧tü̧ mi̧nä̧rü̧ yaparetä'chü usurä ttȩmä̧u̧nä̧ jȩpi̧nü̧; tti̧tti̧mü̧ uwäpächätürü'i̧nä̧ kuä'ü ttikunä̧ we'inü̧, ttirekuächü juiya pä'ü.

San Mateo 10:23

Ku̧jä̧tu̧ku̧ ütawiyättü suronä̧ jȩtta̧ pä'ü ttusomȩnä̧mä̧, kkoro ütawiyäku dükuekuätukuajä̧; isopäi'ünä̧ pä'üsä ukuturu, Irae ütawiyä jü̧'a̧kuä̧ o'kajuiyünä̧ jo̧mȩ päi'ünä̧mä̧ 'kuäkuopätukuoka'anä̧, ubo I̧tti̧mä̧ i̧chä̧kua̧.

Apocalipsis 12:6

Ja̧'wa̧nü̧ ja̧'a̧nä̧, juäju isajumä̧ rȩbi̧yu̧ dȩ'a̧ra̧'a̧ku̧ tü'ipächinä̧ju̧, Dio aditü u̧ju̧ni̧no̧mȩku̧ kku̧kuȩ iyü tta̧ttä̧ra̧ju̧, wäbodäkuä año ja̧'a̧nä̧ kkoro año ju'to jo̧mȩnä̧.

Apocalipsis 12:4

Jua̧u̧ iwiribünä̧ iwi'kuo'ächomȩnä̧ mo̧ro̧jä̧nä̧ttü̧ si̧ri̧'kü̧mä̧ rekuätü juatächi'ü, pi̧jä̧ra̧'a̧ku̧ ma̧'ä̧mi̧nä̧tü̧. Ja̧'wa̧nü̧ ja̧'a̧ dragó̧ pättäkumä̧, isaju kkä'ka jo̧mȩ kkä̧mä̧di̧nü̧, o'kaju juojomȩnä̧, ji̧'chi̧cha̧wa̧rü̧ ukui'a pä'ü.

San Mateo 2:22

Ja̧'wa̧nü̧ ja̧'a̧nä̧, José-mä̧ judea rȩjȩra̧'a̧mä̧ ye'eku i̧'cha̧ pä'okü pinü̧, Herode i̧tti̧ o̧'ka̧ Arquerao ru̧wa̧ pü̧do pätta'a ä̧ju̧kuä̧ji̧'ka̧; ja̧'wa̧nü̧ ji̧yä̧ku̧, Dio wȩ'ä̧wa̧ á̧gȩ-mä̧ Galirea rȩjȩra̧'a̧tä̧ i̧'cha̧ päinä̧ku̧.

San Mateo 2:14

Ja̧'wa̧nü̧ weäjäku ä̧rä̧mi̧'ü̧, José-mä̧ ji̧'chi̧cha̧wa̧rü̧ ja̧ju̧tä̧ku̧ yodó ȩmi̧pü̧ rä'opächinü̧ Egito-ra̧'a̧,

Hechos 12:7

Ttu̧ni̧chä̧ra̧'a̧nä̧, Tu̧ru̧wa̧ i̧sa̧ á̧gȩ kkä̧mä̧di̧nü̧, kärenä̧ pä̧kuä̧wo̧ka̧mä̧ kkȩdȩ'ü̧nä̧tä̧. Ja̧'wa̧nü̧ päi'a'attü, jua̧u̧ á̧gȩ-mä̧ Peduru-rü i'esubänä̧ mȩ'ü̧ porädü päinä̧ku̧: «Jurunä̧ ä̧rä̧mi̧'i̧» päüta'anü̧, yotäku kärenä̧sa̧, Peduru u̧mü̧nä̧ nü̧'käwä̧jä̧sa̧mä̧ ejächi'ü ttawäwipa'anä̧,