San Mateo 19:5 - Nuevo Testamento Uwotjüja

⁵ Jua̧u̧mä̧ pä'ija'a: Ja̧'wa̧nü̧ ja̧'a̧ttü̧ ubomä̧ jä'ottü'i̧nä̧, ja̧ju̧ttu̧'i̧nä̧ räopä̧chä̧kua̧, irekuaku ppä'ächi'ümä̧. Ja̧'wa̧nü̧ ja̧'a̧ttü̧ juätümä̧ ji̧nä̧ ji̧yȩtȩ ttäkuotü.

TÄ̧DO Ä̧CUÄ̧ I̧HUȨNȨ

⁵ Ja̧'hua̧ta̧nö̧ päa'a: “Ja̧'hua̧nö̧ ja̧'a̧ttö̧ ya̧tȩ jä'orö'inä ja̧ju̧ru̧'i̧nä̧ 'quȩ'i̧pä̧chö̧ irecuacutä ö̧ja̧ pä'ö. Jahuätö ta̧ju̧ ya̧tȩtä̧ pä'i'ätö”, päa'a.

San Mateo 19:5 Referans Kwoze

1 Corintios 7:4

Irekuamä̧ kka̧mü̧nä̧ pa̧ja̧tü̧ kkidepänä̧mä̧ we'äwokoju, kkirekuotä we'ü; pärokua'aku ubo a̧mü̧nä̧ pa̧ja̧tü̧ idepänä̧mä̧ we'äwokü, irekuatä ja̧'a̧ we'äjumä̧.

1 Corintios 7:2

Ja̧'wa̧nü̧ ja̧'a̧nä̧, nä̧tü̧rü̧, u̧mä̧tü̧rü̧ jȩä̧'chä̧kuä̧wä̧nä̧ pettächächomȩttü̧, yotukunä̧mä̧ kuirekuamü̧rü̧ kku̧nä̧rä̧tu̧kui̧, pärokua'aku nä̧tü̧'i̧nä̧ kuirekuorü kku̧nä̧rä̧tu̧kui̧.

Efesios 5:31

Ja̧'wa̧nü̧ ja̧'a̧ttü̧ ubomä̧, jä'ottü'i̧nä̧, ja̧ju̧ttu̧'i̧nä̧, 'kȩ'i̧pä̧chü̧ irekuaku ppächi̧'ä̧kua̧, ja̧'wa̧nü̧ jo̧mȩnä̧ ta̧ju̧kuäyotü ttidepänä̧ ji̧nä̧ ji̧yȩtȩ pätti'akuotü.

1 Corintios 6:16

¿Ukutumä̧ jerupätüjä̧ tä̧jí̧, ya̧tȩ mä̧nä̧ isajuru ppä'ächi'ümä̧, juäjuku, idepämä̧ ji̧nä̧ ji̧yȩtȩ pä'i'ü pä'ümä̧? Ja̧'wa̧nü̧ ja̧'a̧ttü̧ wȩyu̧kuä̧mä̧ pä'a: «Ta̧ju̧ päjätümä̧, ttidepämä̧ ji̧yȩtȩ pätti'äkuotü,» jü̧nä̧.

Romanos 12:9

Ä'koyättütä repekuäwätukuoka'a, adiu repe'äkuäwätukui. Surojümä̧ kkü'kü juiyünä̧ amükuädü, adiwä jueikutä tätukui.

San Mateo 19:6

Ja̧'wa̧nü̧ ja̧'a̧ttü̧, täkü ta̧ju̧mä̧ wokotü ttäkuotü pärokua'aku ji̧nä̧ ji̧yȩtȩ jü̧nä̧tä̧ wotü ttäkuotü. Ja̧'wa̧nü̧ ja̧'a̧ttü̧ Dio abetinü̧mä̧ ttü̧ja̧sa̧ 'kȩpa̧ pä'ümä̧ juiya'a.