San Mateo 19:28 - Nuevo Testamento Uwotjüja

²⁸ Jesú-mä̧ ädätinä̧u̧: —Isopäi'ünä̧ pädäu̧jä̧, ukutu ttü cho'ka'anä̧ ichinä̧tü̧mä̧, ji̧yȩnü̧ o'kajuiyünä̧tä̧ pärowächü mo̧ro̧ päi'omȩnä̧, ubo I̧tti̧mä̧ chutä uruwo dȩä̧kä̧nä̧ ü̧'ä̧mä̧do̧mȩnä̧ ukutu'i̧nä̧ doce-nü̧ jü̧ ruwo dȩä̧ki̧yä̧nä̧, irae ttü̧ja̧ doce-nü̧ wotürü wekuätukua pä'ü ku̧'ȩjä̧mä̧kuo̧tü̧jä̧.

TÄ̧DO Ä̧CUÄ̧ I̧HUȨNȨ

²⁸ Jesús ädätinödo: —Iso päi'önä pä'ösä ucuturu, yodoji pä̧nä̧ o'ca juiyönä jareönä ttaditö mo̧ro̧, Ubo I̧tti̧ adihuä i̧dȩä̧cä̧nä̧ o'ca toi'önä Ttu̧ru̧hua̧ päi'önä ö̧ja̧ pä'ö ö̧'ä̧mä̧dä̧cua̧. Ja̧u̧nu̧ mo̧ro̧ ucutu ttöcu cue'ächinätömä cu̧'ä̧mä̧dä̧cuo̧tö̧jä̧ ttö̧jä̧pö̧ttö̧nö̧ tocäre adihuä cui̧dȩä̧cä̧tu̧cu̧nä̧ Israel ttö̧ja̧rö̧ huecuhuätucua pä'ö.

San Mateo 19:28 Referans Kwoze

San Mateo 25:31

Ubo I̧tti̧ uruwoku ichomȩnä̧mä̧, umüwäyotü á̧gȩrȩ-ku̧ o'katoi'ünä̧ ichi'ü, uruwo dȩä̧kä̧nä̧ ü̧'ä̧mä̧dä̧kua̧.

Apocalipsis 20:4

Ja̧'wa̧ta̧nü̧ topinü̧sä̧, ruwo dȩä̧ki̧yä̧nä̧, adiwomȩnä̧ ruwo wetta pä'ü weäwi̧'i̧nä̧u̧ ttü̧'ȩja̧'a̧. Ja̧'wa̧ta̧nü̧ topinü̧sä̧, jitürü'i̧nä̧, Jesú-ru ttukuotomȩnä̧, Dio i̧wȩnȩ ttukuotomȩnä̧ ttu piyä 'kui'ü tti̧kui̧nä̧u̧rü̧'i̧nä̧. Juätümä̧ i̧sa̧ büó betia a̧'kua̧juä̧ isä'kanä̧'i̧nä̧, weinü̧'a̧kuä̧; tti'änä̧'i̧nä̧, ttu̧mü̧nä̧'i̧nä̧ ttütatü pä'ü we'äwokotü pinä̧tü̧ ji̧na̧'a̧. Juätümä̧ pä'äjita'anü̧ a̧'kua̧ri̧'ä̧ja̧'kotü̧, Crito-ku mil años jo̧mȩnä̧ ruwo we'inä̧tü̧.

Apocalipsis 7:4

Ja̧'wa̧nü̧ ja̧'a̧ sello ttütinä̧u̧mä̧: ciento cuarenta y cuatro mil-nü̧ jo̧mȩnä̧ ji̧na̧'a̧, Irae ttü̧ja̧ttü̧ o'katoi'ünä̧mä̧:

2 Pedro 3:13

Ja̧'wa̧nü̧ ja̧'a̧nä̧ ujutumä̧ mo̧ro̧jä̧'i̧nä̧, rȩjȩ'i̧nä̧ ja̧rȩä̧jä̧ Dio iya päinä̧jä̧ tta̧'a̧rä̧tü̧, juȩnȩmä̧ o'kajuiyünä̧ adiwäkuomȩ.

San Mateo 16:27

Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

Apocalipsis 21:5

Ja̧'wa̧nü̧ ja̧'a̧ uruwo dȩä̧kä̧nä̧ pü̧mä̧ pä'inü̧: «Ttümä̧ o'kajuiyünä̧ jareü jü̧nä̧tä̧ jȩpü̧sä̧.» Ja̧'wa̧ta̧nü̧ pä'inü̧: «Wȩyu̧ti̧; pi̧yȩmä̧ jueünä̧tä̧, isopäi'ünä̧tä̧ jü̧ ja̧'a̧.»

Apocalipsis 4:4

Ja̧'wa̧ta̧nü̧ topinü̧sä̧ juäkä, ruwo deäkä jäyänämä̧, kkoro ruwo dȩä̧ki̧yä̧ kka̧kua̧'a̧ veintikuatro-nü̧ jo̧mȩnä̧, jua̧u̧ okänä̧mä̧ Veintikuatro-nü̧ wotü A̧ci̧a̧nu̧tu̧, pȩji̧nä̧tü̧, ttü̧'ka̧tä̧wä̧ti̧yu̧ te'ätü, ttünä̧mä̧ oro jäwä corona pättü wȩnä̧rä̧tü̧.

Apocalipsis 3:21

Surojü abo 'kuä'o'ü iso juo'epürümä̧, ttütäku churuwo dȩä̧kä̧nä̧ ü̧'ä̧mä̧dü̧nä̧ wȩdä̧kua̧sä̧, Ttütä'i̧nä̧ surojü abo 'kuä'o'inü̧'ka̧, Chä'o uruwo dȩä̧kä̧nä̧ chü̧'ä̧mä̧di̧nü̧ta̧'anü̧.

2 Timoteo 2:12

Usurä tȩmä̧u̧ ta̧mi̧ 'kitächi'üttümä̧, ujutu'i̧nä̧ chutäku ruwo wetäkuotü̧jä̧; Täppü̧tä̧rü̧ttü̧mä̧, chutä'i̧nä̧ ji̧yȩta̧'a̧kuä̧ ä̧ppü̧tä̧rä̧kuä̧u̧jä̧;

Hechos 3:21

Jitämä̧ mo̧ro̧jä̧ra̧'a̧tä̧ ü̧ja̧ pä'ü ja̧'a̧ Jesú-mä̧, Dio aditü ikuomȩbü päi'ünä̧, täbokü kka̧kui̧nä̧tü̧ profeta-nä̧ ukuokuinü̧ ji̧nü̧ ta̧'a̧nü̧.

San Mateo 20:21

Jesú-mä̧, päinä̧kua̧: —¿Däjejä̧ttü̧ ukuru rekuä rü̧jü̧mä̧? ädätinä̧ju̧: —Ukú Ru̧wa̧ ku̧'o̧mȩnä̧mä̧ pitü chi̧tti̧mü̧ ta̧ju̧ru̧, ya̧tȩrü̧mä̧ ku̧wo̧jua̧'a̧ku̧nä̧, kka̧ra̧rü̧mä̧ ku'oweja̧'a̧ku̧nä̧ ttü̧'ȩmü̧nä̧ wekua pä'äjusä.

Apocalipsis 22:2

Ütawiyättü mä̧nä̧ juȩi̧pä̧mä̧ kkä'konä̧ ajemä̧ ri̧na̧'a̧, aje jäyoto ji̧jä̧ku̧'i̧nä̧, pätekuadä̧'i̧nä̧ kkä̧kuä̧wä̧ dauwiyä u̧wä̧ju̧ kkä̧wa̧ jü̧'a̧kuä̧ wȩjü̧ oi buojuoina̧'a̧ ja̧'wa̧nü̧ pä'ümä̧ ttü̧jä̧pü̧ttü̧ todäre jo̧mȩnä̧ ya'ute año-nä̧mä̧ wȩji̧nü̧ oi pä'ü päwä; ja̧'wa̧ta̧nü̧ dauwiyä ojiyämä̧ ttü̧ja̧ ttumä̧richeittü ttü̧'i̧pü̧nä̧ ppädü ji̧na̧'a̧.

Apocalipsis 12:1

Mo̧ro̧jä̧ra̧'a̧ttü̧ i̧jȩkuä̧chi̧na̧'a̧: mo̧ro̧ kkä̧wa̧nä̧ juä'okui'äju o'kaju, isaju büa, kki̧jä̧pi̧yä̧ dȩa̧'a̧ kku̧nä̧ri̧nä̧ju̧ yodó kkä̧wa̧rü̧. Ja̧'wa̧ta̧nü̧ kkunä̧ kku̧nä̧ri̧nä̧ju̧ corona pättü kku'uttäwänä̧ doce-nü̧ si̧ri̧'ko̧tü̧rü̧mä̧.

San Mateo 6:33

Ja̧'wa̧nü̧ ja̧'a̧ttü̧ ä'kanä̧mä̧, Ru̧wa̧ Dio weütätä, adiwomȩnä̧ jȩä̧kuä̧wä̧tä̧ usätukui ja̧'wa̧nü̧ jo̧mȩnä̧ jua̧u̧ jä̧ji̧ o'kajuiyünä̧ yaboku i̧yä̧kuä̧u̧jä̧.

San Mateo 8:20

Päku, Jesú-mä̧ ädätinü̧: —A̧wa̧ri̧tü̧mä̧ ttäjuwiyä kku̧nä̧rä̧tü̧ ja̧'wa̧ta̧nü̧ ppi̧yu̧'i̧nä̧ ttä̧'ti̧yu̧ kku̧nä̧rä̧tü̧. Ja̧'wa̧nü̧ ja̧'a̧nä̧, ubo I̧tti̧mä̧ ä'ü ü̧jo̧mȩ'i̧nä̧ jui̧'a̧.

San Mateo 19:27

Päiyäku, Peduru-mä̧ pä'inü̧: —Ujutumä̧ o'kajuiyünä̧ tu̧ju̧nä̧rä̧'i̧jü̧mä̧ kku̧ni̧pü̧ kuo'ka'anä̧ ichinä̧tü̧jä̧. Ja̧'wa̧nü̧ ja̧'a̧mä̧ ¿däjé tȩmä̧kua̧'a̧jä̧ttü̧?

San Marcos 10:37

Jäepomȩnä̧, pättinä̧ku̧: —Kuruwonä̧ ku̧'ä̧mä̧do̧mȩnä̧mä̧, ya̧tȩrü̧mä̧ ku̧wo̧jua̧'a̧ku̧nä̧, kka̧ra̧rü̧tä̧ ku'owe ja̧'a̧ku̧nä̧ tü̧'ä̧mä̧dü̧nä̧ kutatü pä'ätüjä̧.

Apocalipsis 11:16

Veintikuatro-nü̧ wotü, Dio ä'ka jo̧mȩ, ru̧wa̧ jü̧nä̧ weomȩ pȩjä̧tü̧mä̧, rȩjȩra̧'a̧ päi'ünä̧ ttiwe'kiyunä̧ pȩjä̧mä̧kuä̧u̧ Dio-rü eseäkuäwinä̧tü̧.

Apocalipsis 22:5

Juȩnȩmä̧ yodo'i̧nä̧ juiyäkua'a ja̧'wa̧ta̧nü̧ juȩnȩ kka̧kuä̧tü̧mä̧ ra̧pa̧ra̧ i̧tȩya̧u̧'i̧nä̧ mo̧ro̧ kkä̧wa̧ i̧tȩya̧u̧'i̧nä̧ rekuämä̧ rü̧jo̧ko̧u̧ ttäkuotü, jua'amä̧ ttu̧ru̧wa̧ Dio-tä itejäda'attü ja̧'wa̧ta̧nü̧ jua̧u̧tä̧ 'kuäopünä̧tä̧ ruwomä̧ wȩä̧kua̧.