San Mateo 19:27 - Nuevo Testamento Uwotjüja

²⁷ Päiyäku, Peduru-mä̧ pä'inü̧: —Ujutumä̧ o'kajuiyünä̧ tu̧ju̧nä̧rä̧'i̧jü̧mä̧ kku̧ni̧pü̧ kuo'ka'anä̧ ichinä̧tü̧jä̧. Ja̧'wa̧nü̧ ja̧'a̧mä̧ ¿däjé tȩmä̧kua̧'a̧jä̧ttü̧?

TÄ̧DO Ä̧CUÄ̧ I̧HUȨNȨ

²⁷ Ja̧'hua̧ ja̧'a̧ Pedro pä'inödo: —Chu̧ru̧hua̧, ujutumä o'ca juiyönä tu̧ju̧nä̧ri̧nö̧mä̧ jaropi'inätöjä ucucu cuetächa pä'ö. Ja̧u̧ttu̧mä̧, ¿däje tu̧ju̧nä̧rä̧cua̧'a̧jä̧ttö̧?

San Mateo 19:27 Referans Kwoze

Filipenses 3:8

Juȩnȩ yabo päi'ünä̧, o'kajuiyünä̧tä̧ toe'ächü jäwä ja̧'a̧, Chu̧ru̧wa̧ Crito-rü wo̧juä̧wä̧ mikuäu wȩnȩku̧ yorätetü tochomȩnä̧mä̧. Jua̧u̧ku̧ pä'i'ümä̧ o'kajuiyünä̧tä̧ to'e'ächinü̧sä̧, jua̧u̧ ji̧nü̧mä̧ ikuikuä o'ko jü̧nä̧tä̧ tochü, Crito-rü chi̧rȩbȩwa̧ pä'ümä̧.

San Lucas 5:11

Ja̧'wa̧nü̧ ja̧'a̧ woi'kiyumä̧ de'aku rütipü, o'kajuiyünä̧ kä'ädi'ü, Jesú-ku 'chi̧nä̧tü̧.

San Lucas 18:28

Päiyäku, Peduru-mä̧ pä'inü̧: —Chu̧ru̧wa̧ ujutumä̧ tiäre o'kajuiyünä̧ kku̧ni̧pü̧, kuo'ka'anä̧ ichinä̧tü̧jä̧.

San Lucas 15:29

Ja̧'wa̧nü̧ ukuokuäku, jä'orü pä'inü̧: Ttü ukú kuaditäwä rekuo mo̧ro̧ chaditä'ija'amä̧ wo̧jua̧jä̧, yoriso chütäwe'oka'a ja̧'wa̧nü̧ ja̧'a̧nä̧ päkäyä ji̧'ki̧cha̧wa̧rü̧'i̧nä̧, chawaruwäku chesewa pä'ümä̧, kuiyokoku pä'ijüsä.

San Marcos 10:28

Päiyäku, Peduru-mä̧ pä'inü̧: —Topittü̧, ujutumä̧ o'kajuiyünä̧ tu̧ju̧nä̧ri̧nü̧mä̧ kku̧ni̧pü̧, kuo'ka'anä̧ ichinätü̧jä̧.

San Marcos 2:14

Ja̧'wa̧nü̧ ja̧'a̧ 'kuäopomȩnä̧, Mateo, Alfeo i̧tti̧rü̧, Roma-ra̧'a̧ iyäwä pärätä ka̧ka̧kuo̧mȩ ü̧'a̧'a̧ topü, päinä̧ku̧: —Ttüku ichi. Päku, ä̧rä̧mi̧'ü̧ chutäku 'chi̧nü̧.

San Lucas 14:33

Ja̧'wa̧nü̧ ja̧'a̧ttü̧, ukututtü ya̧tȩ, u̧ju̧nä̧rü̧ o'kajuiyünä̧ kädi'ü juiyüttümä̧, Ttü chu̧mü̧wä̧ya̧ ja̧ pä'ümä̧ weyekua'a.

San Mateo 9:9

Jesú-mä̧, juorü rä'opächü i̧'cho̧mȩnä̧ Mateo pä'ü mi̧kua̧rü̧ topinü̧, Roma-ra̧'a̧ iyäwä pärätä ka̧ka̧kuo̧mȩ ü̧'a̧'a̧. Jua̧u̧ru̧ pä'inü̧: —Ttüku ichi. Ja̧'wa̧nü̧ päku, Mateo-mä̧ ä̧rä̧mi̧'ü̧ chutäku 'chi̧nü̧.

1 Corintios 4:7

Ja̧'wa̧nü̧ ja̧'a̧ttü̧ ¿Díjä̧ttü̧ ukuru, kkorotüttü'i̧nä̧ abonä̧nü̧ kua pä'ü iyinü̧mä̧? ¿Ja̧'wa̧ta̧nü̧ däjetäjä̧ttü̧ ukuru Dio iyokü ji̧nü̧mä̧? Jua̧u̧ o'kajuiyünä̧ Dio-tä iyinü̧ttü̧mä̧, ¿Tta̧'a̧nü̧ pä'ü kua̧mü̧nä̧ pa̧ja̧tü̧ ku̧'o̧kui̧'i̧nü̧ 'kua̧rü̧nä̧ ukuo te'äkuäujä̧ttü̧?

1 Corintios 1:29

Ja̧'wa̧nü̧ ja̧'a̧ttü̧, Dio ä'kattümä̧ ya̧tȩ'i̧nä̧ ja̧'wa̧nü̧ wa̧sä̧ pä'ü ukuo teäkuäwa pä'ümä̧ juiya'a.

San Mateo 19:26

Pättiyäku, Jesú-mä̧ topünü̧ päinä̧u̧: —Pi̧jä̧ ttü̧ja̧rü̧mä̧ pi̧yȩmä̧ weyeku ja̧'a̧. Ja̧'wa̧nü̧ ja̧'a̧nä̧ Dio-kumä̧ o'kajuiyünä̧tä̧ weyekuoka'a.

San Mateo 19:28

Jesú-mä̧ ädätinä̧u̧: —Isopäi'ünä̧ pädäu̧jä̧, ukutu ttü cho'ka'anä̧ ichinä̧tü̧mä̧, ji̧yȩnü̧ o'kajuiyünä̧tä̧ pärowächü mo̧ro̧ päi'omȩnä̧, ubo I̧tti̧mä̧ chutä uruwo dȩä̧kä̧nä̧ ü̧'ä̧mä̧do̧mȩnä̧ ukutu'i̧nä̧ doce-nü̧ jü̧ ruwo dȩä̧ki̧yä̧nä̧, irae ttü̧ja̧ doce-nü̧ wotürü wekuätukua pä'ü ku̧'ȩjä̧mä̧kuo̧tü̧jä̧.