San Mateo 19:24 - Nuevo Testamento Uwotjüja

²⁴ Pä'äjita'anü̧ pädäu̧jä̧, camellu-mä̧ pä̧ra̧ta̧ri̧ isäjunä̧mä̧ 'kuäunä̧tä̧ 'kuä'o'ü ja̧'wa̧nü̧ ja̧'a̧nä̧ pärätä ru̧wa̧ Dio weomȩ doächa pä'ümä̧ rü̧ȩnä̧ weyekua'a.

TÄ̧DO Ä̧CUÄ̧ I̧HUȨNȨ

²⁴ Pä'äji ta'anö pä'ösä järe ruhuotö Dios ö̧jo̧mȩ 'chä̧cuä̧huä̧nä̧, camello pä̧rä̧ta̧ri̧ isäjunä 'cuäo'a pä'ö jȩo̧mȩttö̧'i̧nä̧ abonänö 'quiya'a.

San Mateo 19:24 Referans Kwoze

San Juan 5:44

¿Toku kuesetätukuäkua'ajä̧ttü̧, kua̧mü̧nä̧ pa̧ja̧tü̧ mi̧kuä̧ri̧yä̧kuä̧u̧ adiu jȩ'kuä̧tu̧ku̧ päkuäwätukua'amä̧, ya̧tȩtä̧ Dio päatukuaku pä'ü kusätukuoka'amä̧?

San Lucas 18:25

Camellu-mä̧, pä̧ra̧ta̧ri̧ isäjunä̧ 'kuäünä̧ 'kuäo'a'anä̧, pärätä ru̧wa̧rü̧mä̧, yoriso 'kiya'a Ru̧wa̧ Dio weomȩ doächa pä'ümä̧.

San Mateo 19:26

Pättiyäku, Jesú-mä̧ topünü̧ päinä̧u̧: —Pi̧jä̧ ttü̧ja̧rü̧mä̧ pi̧yȩmä̧ weyeku ja̧'a̧. Ja̧'wa̧nü̧ ja̧'a̧nä̧ Dio-kumä̧ o'kajuiyünä̧tä̧ weyekuoka'a.

San Mateo 23:24

¡Ukutumä̧ ä̧to̧kä̧tü̧kkä̧nü̧ o'ipätüjä̧, ra̧jü̧ä̧rü̧tä̧ pojopü to'kuätukua'anä̧, camellu-rümä̧ ra'ädi'ätüjä̧!

San Mateo 19:25

Pi̧yȩ ä̧ju̧ku̧ u̧wo̧juȩtä̧u̧mä̧ rü̧ȩnä̧ amükuädü pä'inä̧tü̧: —Jua̧u̧nu̧mä̧ ¿Dítä jä̧ttü̧, ra̧wä̧pi̧jü̧ttü̧ ü̧ji̧pä̧kua̧mä̧?

San Juan 3:3

Jesú-mä̧ jua̧u̧ru̧ pä'inü̧: —Isopäi'ünä̧tä̧ pädäkujä̧, jareünä̧ uwäpächokümä̧, Ru̧wa̧ Dio weomȩmä̧ topokü jä̧kua̧.

San Juan 3:5

Jesú ädätinä̧ku̧: —Isopäi'ünätä̧ pädäkujä̧, ajiyattü'i̧nä̧, Epíritu-ttü'i̧nä̧ uwäpächokümä̧ Ru̧wa̧ Dio weomȩmä̧ do'ächokü jä̧kua̧.