San Mateo 19:22 - Nuevo Testamento Uwotjüja

²² Ja̧'wa̧nü̧ pä'a ä̧ju̧ku̧, mü̧ä̧ya̧mä̧ a̧'kua̧ tta̧'ȩku̧ kkä̧nü̧ i̧wi̧nü̧, rü̧ȩnä̧ ru̧wa̧ ja̧'a̧.

TÄ̧DO Ä̧CUÄ̧ I̧HUȨNȨ

²² Ja̧u̧ mö̧ä̧ya̧ ja̧'hua̧nö̧ ä̧ju̧cuo̧mȩnä̧, a̧'cua̧ tta̧'ȩcu̧nu̧ i̧hui̧nö̧do, järe rö̧ȩnä̧ u̧ju̧nä̧ra̧'a̧ttö̧.

San Mateo 19:22 Referans Kwoze

San Mateo 6:24

Ya̧tȩ'i̧nä̧ uruwotü ta̧ju̧ru̧mä̧ ukuotü juiyünä̧ ja̧'a̧, jua'amä̧ ya̧tȩrü̧tä̧ eseu repea'anä̧, kka̧ra̧rü̧mä̧ üjü'kü juiyünä̧ ja̧'a̧ttü̧. Ja̧'wa̧nü̧ jü̧ta̧'a̧nü̧ ji̧nä̧ yo̧mȩtȩnä̧mä̧ Dio-rü'i̧nä̧ ukuotü kkä̧nü̧ pärätä'i̧nä̧ ukuotü ttü̧jü̧ juiyünä̧ ja̧'a̧.

San Mateo 13:22

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ u̧wä̧ju̧ jä̧ji̧mä̧, Dio i̧wȩnȩ ttä̧ju̧kua̧'a̧nä̧, pi̧jä̧ jäwänä̧tä̧, pärätä ruwonä̧tä̧ tta̧'kua̧ ro'ekuätürü wȩnȩkuä̧cha̧'a̧; ttä̧ju̧kuä̧ji̧mä̧ a̧ttä̧di̧'ä̧u̧ u̧wä̧ju̧ iyü juiyünä̧ wotürü.

Colosenses 3:5

Ja̧'wa̧nü̧ ja̧'a̧ttü̧, pi̧jä̧ jäwä surojü ukutunä̧ kka̧ku̧mä̧ o'kajuiyünä̧ wa'ü ikunä̧ jȩpä̧tu̧kui̧: irekua wokojuku jȩä̧'chä̧kuä̧wä̧'i̧nä̧, surojütä jȩä̧'chä̧kuä̧wä̧'i̧nä̧, kuidepä kkü'keku kkä̧kuä̧wä̧'i̧nä̧, surojütä kkü'käwä'i̧nä̧, o'kajuiyünä̧ obonä̧nü̧ ttu̧ju̧nä̧ra̧ pä'ü tta̧'kua̧ roekuäkuä'i̧nä̧ juiyünä̧ (ttü̧ä̧nä̧wa̧rü̧ ttukuota'a 'kua̧rü̧nä̧mä̧) jȩ'kuä̧.

Efesios 5:5

Ja̧'wa̧ta̧nü̧ wo̧juä̧tü̧jä̧, ya̧tȩ ü'käwoka'a jȩpä̧'chü̧'i̧nä̧, surojünä̧ kkü̧'i̧nä̧, kkorojuei yaboku u̧ju̧nä̧ra̧ pä'ü'i̧nä̧, ttü̧ä̧nä̧wo̧tü̧rü̧ tätäwa'a esetü'i̧nä̧, Dio weomȩmä̧, Crito weomȩmä̧ do'ächokü jä̧kua̧.

San Marcos 10:22

Ja̧'wa̧nü̧ pä'a ä̧ju̧ku̧, a̧'kua̧ tta̧'ȩkui̧pü̧, mȩya̧pä̧chi̧'ä̧ji̧tä̧ i̧wi̧nü̧, rü̧ȩnä̧ ru̧wa̧ ja̧'a̧.

San Mateo 16:26

¿Däjé ȩmä̧kua̧'a̧jä̧ttü̧, ya̧tȩ pi̧jä̧ ruwäkuiyä o'kajuiyünä̧ ȩma̧ja̧ pä'üdä̧jä̧, a̧'kua̧rü̧ ȩmo̧ko̧mȩnä̧mä̧? ¿Ja̧'wa̧nü̧ jü̧ juiyüttü'i̧nä̧ däjenä̧ i̧mi̧tü'anü̧ttü̧, ttü̧ja̧sa̧ a̧'kua̧rü̧ mikuämä̧?

San Lucas 18:23

Ja̧'wa̧nü̧ ja̧'a̧nä̧, pi̧yȩ ä̧ju̧ku̧mä̧, rü̧ȩnä̧ a̧'kua̧ tta̧'ȩkui̧pinü̧, rü̧ȩnä̧ ru̧wa̧ ja̧'a̧.

San Mateo 14:9

Päjomȩnä̧ Ru̧wa̧ Rey Herode-mä̧ rü̧ȩnä̧ a̧'kua̧ tta̧'ȩkui̧pinü̧; ja̧'wa̧nü̧ ja̧'a̧nä̧ a̧tȩpä̧jä̧u̧ ttä'ka jo̧mȩttü̧ juramento pättü jȩä̧ja̧'a̧ jä̧ku̧, jäjepäjimä̧ iyätukuiju pä'ü we'inü̧.

San Marcos 6:26

Ja̧'wa̧nü̧ jäjepäku ru̧wa̧ Rey-mä̧ rü̧ȩnä̧ a̧'kua̧ tta̧'ȩkui̧pinü̧ ja̧'wa̧nü̧ ja̧'a̧nä̧ o'katoi'ünä̧ ttä'ka jo̧mȩttü̧ juramento pättünä̧ jȩpü̧ päja'attü̧, iyoküsä päü juiyünä̧ ji̧nä̧ku̧.

San Mateo 19:21

Päku Jesú-mä̧ ädätinä̧ku̧: —O'kajuiyünä̧ jo̧mȩnü̧ kua päkuttümä̧, ku̧ju̧nä̧rü̧ kuiäre mikuä pä'ü iyä'chü ikui, usurä isotürü ppäkuäda. Ja̧'wa̧nü̧ jȩ'ku̧ttü̧mä̧, mo̧ro̧jä̧ra̧'a̧ttü̧ rü̧ȩnä̧ mikuäu ku̧ju̧nä̧rä̧kua̧jä̧. Ja̧'wa̧nü̧ jȩpü̧, cho'ka'anä̧ ichi.

San Mateo 19:23

Ja̧'wa̧nü̧ ji̧yä̧ku̧ Jesú-mä̧ u̧wo̧juȩtä̧u̧rü pä'inü̧: —Isopäi'ünä̧ pädäu̧jä̧ Dio weomȩ pärätä ru̧wa̧ doächa pä'ümä̧, rü̧ȩnä̧ weyekua'a abotä ja̧'a̧.

San Juan 16:20

Isopäi'ünä̧ pädäu̧jä̧: Ukutumä̧ kua̧'kua̧ tta̧'ȩku̧ kuajuäkuäwäkuotüjä̧, pi̧jä̧ ttü̧ja̧mä̧ tteseäkuäwa'anä̧. Ja̧'wa̧nü̧ ja̧'a̧nä̧, kua̧'kua̧ tta̧kuȩkuä̧tu̧ku̧mä̧, eseäkuäwänä̧tä̧ kui'ärowächäkuotüjä̧.