San Mateo 18:9 - Nuevo Testamento Uwotjüja

⁹ Ja̧'wa̧ta̧nü̧ kui'äre'i̧nä̧ surojüku ma̧kuä̧chü̧nä̧ jȩü̧ttü̧mä̧, baroku iku ukuttümä̧ do'opü ikui; kui'äre jiretekutä ja̧'a̧nä̧, a̧'kua̧rä̧kuä̧wä̧ra̧'a̧ dokuächäkua'anü̧ ja̧'a̧ ja̧'wa̧nü̧ jo̧ka̧'a̧ jü̧ttü̧mä̧, kui'äre torerekue'ütä okurä na̧wi̧pokorära̧'a̧ do'opü i̧kuä̧wä̧kua̧jä̧.

TÄ̧DO Ä̧CUÄ̧ I̧HUȨNȨ

⁹ Ja̧'hua̧ta̧nö̧ cu'äre suronä jȩcu̧'a̧ pä'ö hueöttömä, baropö icu, oto do'opö icui. Iso päi'önä cu'äre torere ka̧'a̧nä̧, ocurära̧'a̧ cui̧'cha̧'a̧ttö̧'i̧nä̧ abonänö adihua'ado cu̧huä̧nä̧hua̧'a̧ doächäcuähuänä cu'äre jiretetä ka̧'a̧ 'chä̧cuä̧huä̧nä̧.

San Mateo 18:9 Referans Kwoze

Hechos 14:22

Jua̧u̧ ütawiyä pünä̧ rȩbȩä̧kuä̧u̧mä̧, ttesetäjinä̧ tta̧'kua̧ wȩnä̧rü̧ yaboku tti̧'chü̧nä̧ jittäwinä̧u̧; jua̧u̧ ji'äumä̧ pättinä̧u̧: Dio weomȩ dodeta pä'ümä̧, rü̧ȩnä̧ usurä ȩmä̧u̧tä̧ dotächa pä'ü rekuä rü̧ja̧'a̧, pä'ü jittäwinä̧u̧.

San Mateo 18:8

Ja̧'wa̧nü̧ ja̧'a̧ttü̧ ku̧mü̧'i̧nä̧, ku̧jä̧pü̧'i̧nä̧ surojünä̧ ma̧kuä̧chü̧nä̧ jȩü̧ttü̧mä̧ 'kui'opü iku, ukuttümä̧ do'opü ikui; adiu'anü̧ ja̧'a̧ ku̧mü̧pi̧yä̧'i̧nä̧, kui̧jä̧pi̧yä̧'i̧nä̧ juikua'anä̧ ä̧'kua̧rä̧kuä̧wä̧ra̧'a̧ dokuächüttümä̧ ja̧'wa̧nü̧ jo̧ka̧'a̧ jü̧ttü̧mä̧ ku̧mü̧ pi̧yä̧'i̧nä̧, kui̧jä̧pi̧yä̧'i̧nä̧ jättäjiku okurä na̧wi̧pokorära̧'a̧ iku ikuäwä̧kua̧jä̧.

San Mateo 5:29

Ja̧'wa̧nü̧ ja̧'a̧ttü̧ ku̧wo̧jua̧'a̧ku̧nä̧ kui'äre, surojünä̧ ma̧kuä̧chü̧nä̧ jȩü̧ttü̧mä̧ baroku iku, ukuttütä otó do'opü ikui. Kuidepättü ji̧yȩtȩ toe'omȩnä̧mä̧ adiwa'a ja̧'wa̧nü̧ jo̧ka̧'a̧, kuidepä jättäji okurära̧'a̧ do'opü ikuäwi'üttütä, juiyo surojü'anü̧ ja̧'a̧.

San Mateo 5:22

Ja̧'wa̧nü̧ ji̧na̧'a̧nä̧ ttümä̧ ukuturu pä'üsä, ya̧tȩ ü̧jä̧wa̧rü̧ ü̧ra̧wä̧rü̧ttü̧mä̧, weäwä wȩnȩnä̧tä̧ ro̧ȩkui̧'ä̧kua̧, jü̧nä̧. Ja̧'wa̧ta̧nü̧ ü̧jä̧wa̧rü̧ ttu̧'ȩpä̧ro̧kü̧jä̧ päüttümä̧ ukuo isotü ttä'ka jo̧mȩ ȩkuä̧kua̧ tä̧bo̧kui̧'a̧rü̧ pä'ü; ja̧'wa̧ta̧nü̧ ü̧jä̧wa̧rü̧ «Kuamükuädü jui̧'a̧jä̧» päüttümä̧ okurä na̧wi̧po̧karänä̧ usurä ȩmä̧wa̧ pä'ütä, pä̧wi̧'ä̧kua̧.

Apocalipsis 21:27

Juȩnȩmä̧, yorisotä surojümä̧ doächoka'a jä̧kua̧'a̧, ya̧tȩ surojü jȩpü̧'i̧nä̧, yapareu'i̧nä̧ do'ächokü jä̧kua̧, jua̧u̧ ja̧jü̧ jueimä̧ kkä̧kuä̧wä̧ kuyäru'tä, oweja mü̧ä̧ya̧ jü̧nä̧ wa̧ üäre'tänä̧ i̧mi̧ rü̧tä̧rü̧tä̧ do̧ä̧chä̧kua̧.

Hebreos 4:11

Ja̧'wa̧nü̧ ja̧'a̧ttü̧, kujuruku amükuädätukui juȩnȩ 'kuä'ächi'ü kkä̧kuä̧wo̧mȩ dode'kuätukua, ya̧tȩ'i̧nä̧ ukuotokotü pinä̧tü̧ jȩtti̧nü̧nä̧ jȩpü̧ i̧'chü̧ juiyäkua'anü̧.

San Marcos 9:47

Ja̧'wa̧ta̧nü̧ kui'äre suronä̧ jȩä̧kuä̧wä̧nä̧ ma̧kuä̧chü̧nä̧ jȩü̧ttü̧mä̧, baroku ikuí; ru̧wa̧ Dio weomȩ kui'äre jiretetä kka̧'a̧nä̧ dokuächüttütä adiu'anü̧ ja̧'a̧; ja̧'wa̧nü̧ jü̧ juiyüttümä̧ kui'äre torerekue'ü kka̧ja̧ pä'ü'i̧nä̧ okurä na̧wi̧pokorära̧'a̧ do'opü i̧kuä̧wä̧kua̧jä̧.

San Mateo 19:17

Päomȩnä̧ Jesú-mä̧ ädätinä̧ku̧: —¿Tta̧'a̧nü̧ pä'ü adiwäjuei i̧sa̧ päkuätukuäkusä̧ttü̧? adiwä i̧sa̧mä̧ ya̧tȩtä̧ ja̧'a̧. Dio-tä. Ja̧'wa̧nü̧ ja̧'a̧nä̧ kkä̧kuä̧wä̧nä̧ dokuächa päkuttümä̧, weäwä wȩnȩ ukuoti.

San Mateo 16:26

¿Däjé ȩmä̧kua̧'a̧jä̧ttü̧, ya̧tȩ pi̧jä̧ ruwäkuiyä o'kajuiyünä̧ ȩma̧ja̧ pä'üdä̧jä̧, a̧'kua̧rü̧ ȩmo̧ko̧mȩnä̧mä̧? ¿Ja̧'wa̧nü̧ jü̧ juiyüttü'i̧nä̧ däjenä̧ i̧mi̧tü'anü̧ttü̧, ttü̧ja̧sa̧ a̧'kua̧rü̧ mikuämä̧?