San Mateo 18:7 - Nuevo Testamento Uwotjüja

⁷ ¡Pi̧jä̧ jäwämä̧, suroja'a pi̧jä̧ ttü̧ja̧rü̧ surojüku mattä̧chä̧'chü̧nä̧ jȩo̧mȩttü̧! iweye 'kuäopa pä'ü ja̧'a̧ ja̧'wa̧nü̧ ja̧'a̧nä̧ ¡juiyo ra̧wä̧pi̧ja̧'a̧ ya̧tȩ surojüku ma̧ttä̧chü̧nä̧ jȩpü̧rü̧mä̧!

TÄ̧DO Ä̧CUÄ̧ I̧HUȨNȨ

⁷ Iso päi'önä pi̧jä̧ ttö̧ja̧ pi̧jä̧nä̧ ka̧cu̧mä̧ topö, suronä jȩtto̧mȩnä̧ suroja'ado. 'Cuäopönä kä̧cua̧'a̧ pi̧jä̧ jähuämä. Ja̧'hua̧nö̧ ja̧'a̧nä̧ korotörö suronä jȩtta̧ pä'ö huȩ'ä̧rä̧tö̧rö̧ suronä 'cuäopäcua'a.

San Mateo 18:7 Referans Kwoze

San Lucas 17:1

Jesú-mä̧ u̧wo̧juȩtä̧u̧rü pä'inü̧: surojüra̧'a̧ ma̧ttä̧cha̧ pä'ü kkü'kekumä̧ juiyokü jä̧kuȩ, ja̧'wa̧nü̧ ja̧'a̧nä̧ surojüra̧'a̧ ma̧ttä̧chü̧nä̧ jȩpü̧rü̧mä̧; ¡isottü̧! jua̧u̧ru̧ juiyo ra̧wä̧pi̧ja̧'a̧.

1 Corintios 11:19

¡Isopäi'ünä̧ ukutu pä'ä'chäkuäu 'kȩkui̧pä̧chä̧tu̧ku̧mä̧ ja̧'wa̧nü̧tä̧ 'kuäopa pä'ü ja̧'a̧, yotüku pünä̧ isopäi'ünä̧ Crito-rü kuesetätuku i̧jȩkuä̧cha̧ pä'ü!

San Mateo 26:24

Isopäi'ünä̧ Ttürümä̧ wȩyu̧kuä̧ wȩnȩ päüta'anü̧ 'kuäopä̧kua̧ ja̧'wa̧nü̧ ja̧'a̧nä̧, ttürü iyü ikurütä jä̧kua̧'a̧ surojäkua'amä̧ ¡isottü̧, jua̧u̧we!. Ya'utettü jua̧u̧mä̧ uwäpächü juiyinü̧ttü̧tä̧ adiwaja'a.

Judas 1:4

Cha̧'kua̧tta̧nü̧ jä̧ku̧sä̧, ku̧'kä̧tȩtu̧ku̧nä̧ dodepü yapareu ji'u, Jesucrito-mä̧ Tu̧ru̧wa̧mä̧kü̧, kukuotätukuärü pä'ü ttu̧wo̧juȩto̧mȩnä̧. Juätümä̧, pä'ätü Dio-mä̧ ujuturu rü̧ȩnä̧ repea'attü̧ suronä̧ jȩta̧'a̧nä̧'i̧nä̧ ro̧'ȩpo̧kü̧ jä̧kua̧, jü̧nä̧. Isopäi'ünä̧ ja̧'wa̧nü̧ ja̧'a̧ttü̧ wȩyu̧kuä̧ wȩnȩmä̧, mo̧ täbokütä päi'ünä̧ jiäwina̧'a̧, juätürü Dio ro̧ȩpä̧kuȩ wȩnȩmä̧.

Tito 2:8

Adiwomȩnä̧ kukuokuomȩnä̧, ya̧tȩ'i̧nä̧ to'ija̧'a̧ku̧mä̧ päokä̧kua̧. Ja̧'wa̧nü̧ kukuokuomȩnä̧ to'i ja̧'a̧ku̧ pä'ä'chäjimä̧ dä'ä ttu̧ä̧kua̧, ja̧'wa̧nü̧ jo̧mȩnä̧tä̧ ujuturumä̧ yoriso suronämä̧ pä'okü jä̧kua̧.

Tito 2:5

Ja̧'wa̧ta̧nü̧ ttu̧wo̧juȩta̧'a̧nü̧ ja̧'a̧ jȩttä̧kuȩmä̧ ä'kanä̧ adiu ttamükuäda pä'ü, ttawaruwärü'i̧nä̧, ttirekuorü'i̧nä̧ tta̧mü̧nä̧ pa̧ja̧tü̧'i̧nä̧ tta̧ttä̧rä̧kuä̧wä̧kua̧'a̧nü̧, ya̧tȩ'i̧nä̧ Dio i̧wȩnȩ to'i ja̧'a̧ku̧mä̧ ukuokuokü juiyäkua'anü̧.

1 Timoteo 6:1

Ttu̧wo̧juȩtä̧u̧ ji̧nä̧ esclavo pä̧ttä̧u̧ jü̧nä̧ wotümä̧, ttu̧ru̧wa̧rü̧mä̧ o'kajuiyünä̧tä̧ ttukuota pä'ü ja̧'a̧, Dio i̧mi̧'i̧nä̧ ttu̧wo̧juȩtü̧'i̧nä̧, suronä̧ ttukuoku juiyäkua'anü̧.

Hechos 1:16

Chawaruwä chi̧jä̧wa̧tü̧, wȩyu̧kuä̧ wȩnȩ päüta'anü̧, Dawi-nä̧ Epíritu Sa̧tu̧ ukuokuinü̧ta'anü̧ 'kuäopina̧'a̧, Jesú-ru kuä'ü ttikua pä'ü 'chuttädünä̧ iyü ikuinü̧, Juda ütü'kümä̧.

San Juan 17:12

Pi̧jä̧nä̧ juätütäku chü̧jä̧i̧mä̧ ukú kui̧mi̧nä̧ tta̧dä̧rä̧'i̧jä̧u̧; ttürü kuiyinä̧u̧ru̧mä̧ tta̧'ä̧rä̧'i̧jü̧sä̧ ya̧tȩ'i̧nä̧ toe'ächü juiyünä̧tä̧ ja̧'wa̧nü̧ ja̧'a̧nä̧ to'e'ächinü̧ ä̧tȩkuä̧nä̧ toe'ächa pä'ü winütä̧, wȩyu̧kuä̧ wȩnȩnä̧ pä'ijü jo̧mȩnü̧ päi'a pä'ütä.

San Marcos 13:7

Ja̧'wa̧ta̧nü̧ kkoromȩ pünä̧ kurä kka̧'a̧ kuä̧ju̧kuä̧tu̧kuo̧mȩnä̧mä̧, yekuekuätükuä. Iweye ja̧'wa̧ta̧nü̧tä̧ 'kuäopa pä'ü rekuä rü̧ja̧'a̧; ja̧'wa̧nü̧ ja̧'a̧nä̧, ji̧nä̧ pi̧jä̧ rȩjȩmä̧ beipächoka'anä̧ jä̧kua̧'a̧.

San Mateo 16:23

Ja̧'wa̧nü̧ päku, Jesú-mä̧ kkärächi'ü, Peduru-rü pä'inü̧: —¡Ttüttümä̧ 'kȩ'i̧pä̧chi̧, ukumä̧ satanás-jä̧, ttürü tto̧'ȩpä̧rü̧jä̧! pi̧jä̧ ttü̧ja̧ jäwätä topüjä̧, Dio jäwämä̧ topoküjä̧.