San Mateo 18:6 - Nuevo Testamento Uwotjüja

⁶ Ja̧'wa̧nü̧ ja̧'a̧nä̧, pitü ppo̧'ä̧tü̧ttü̧ ttürü esetätürü, ya̧tȩrü̧ ma̧ä̧chü̧nä̧ jȩpü̧rü̧mä̧, molino pättäyu i̧nä̧yunä̧ u̧ru̧pä̧'kȩnä̧ ti̧'ä̧dü̧ rü̧ä̧ duboranä̧ täkuomȩku̧, ya'uteku do'opü ttiku'anü̧tä̧ wotü.

TÄ̧DO Ä̧CUÄ̧ I̧HUȨNȨ

⁶ “Ya̧tȩ ubo pa̧'a̧nö̧ ji̧'qui̧cha̧hua̧ ta'anö huotörö ttörö esetätö suronä jȩtta̧ pä'ö huȩ'ä̧rö̧, ja̧u̧ru̧ u̧ru̧pä̧'quȩnä̧ ido'qui ti̧'ä̧dö̧ aje täcuome päte'ö kä'ö tticu'a̧nö̧ hua̧.

San Mateo 18:6 Referans Kwoze

San Marcos 9:42

Ya̧tȩ, pitü ppo̧'ä̧tü̧rü̧, ttürü esetätürü suronä̧ jȩä̧kuä̧wä̧nä̧ ma̧ttä̧chü̧nä̧ jȩpü̧rü̧mä̧, molino ido'kiku u̧ru̧pä̧'kȩnä̧ ti̧'ä̧dü̧, rü̧ä̧ duboranä̧ do'opü ttikuttütä adiu'anü̧ ja̧'a̧.

San Mateo 18:10

Pitü ppo̧'ä̧tü̧ttü̧ ya̧tȩrü̧'i̧nä̧ kuju'kätukuoka'amä̧ jȩ'kuä̧'chä̧tu̧kuä̧; juätümä̧ mo̧ro̧jä̧ra̧'a̧ttü̧ A̧gȩrȩ-mä̧ tta̧'a̧rä̧tü̧ 'kuäopünä̧tä̧.

San Mateo 18:14

Ja̧'wa̧nü̧ jü̧ta̧'a̧nü̧, Kuä'otuku mo̧ro̧jä̧nä̧ kkü̧mä̧ pitü ppo̧'ä̧tü̧ ja̧'a̧nä̧ ya̧tȩrü̧'i̧nä̧ toe'ächa pä'okü.

Romanos 14:21

Idepä'i̧nä̧, vino awäwä'i̧nä̧, jȩ'kuä̧'chä̧ kua̧wa̧ru̧wa̧ kui̧jä̧wa̧ ijuiyuwächi'ünä̧ jü̧ jü̧ttü̧mä̧.

Hechos 9:5

päku ädätinä̧ku̧: ¿Chu̧ru̧wa̧, ukumä̧ dí kua'ajä̧ttü̧? jäepomȩnä̧ päinä̧ku̧: «ttümä̧ Jesú-sä, ttürü ja̧'a̧ uku suronä̧ jȩ'kua̧ pä'ü kusa'amä̧. Kua̧mü̧nä̧ pa̧ja̧tü̧ suronä̧ jȩpä̧kuä̧u̧jä̧, päkäyä aboja'aku̧nä̧ i̧sa̧rinä̧ kuättomȩnä̧, jarodü yabokutä teächäkuäwa'a jä̧'i̧nü̧'a̧nü̧.

San Mateo 17:27

Ja̧'wa̧nü̧ ja̧'a̧nä̧, ttü̧ra̧wä̧rü̧ juiyäkua'anü̧ rü̧ä̧ duborara̧'a̧ täi, kua̧juä̧ isa'che kuikua, kuikuomȩnä̧ ä̧kuo̧mȩnä̧ rü̧'i̧pü̧rü̧mä̧ ä ba'epü to'kuajä̧, to'kuomȩnä̧ pä̧rä̧tä̧bi̧ ȩkä̧kua̧'a̧; juä̧bi̧nä̧mä̧ kui̧mi̧tajä̧ ttü jäwä'i̧nä̧ uku jäwä'i̧nä̧, jü̧nä̧.

San Mateo 18:5

Jua̧u̧ ya̧tȩ ji̧'ki̧cha̧wa̧rü̧ ttü chi̧mi̧nä̧ do'ädürümä̧, ttürü do'ädü.