San Mateo 18:35 - Nuevo Testamento Uwotjüja

³⁵ Jesú-mä̧ jua'a yabonü̧ pä'inü̧: —Ja̧'wa̧nü̧ ji̧nü̧ta'anü̧ Chä'o mo̧ro̧jä̧nä̧ kkü̧mä̧ jȩä̧kuä̧u̧jä̧, ukutu'i̧nä̧ kuawaruwä kui̧jä̧wa̧tü̧rü̧ kua̧mi̧'iso'kitukunä̧ jo̧mȩnü̧ eseku kuikuätuku juiyüttümä̧.

TÄ̧DO Ä̧CUÄ̧ I̧HUȨNȨ

³⁵ Ja̧'hua̧ ja̧'a̧ Jesús cä'ädö pä'inödo: —Chä'o mo̧ro̧jä̧nä̧ kö̧ ja̧'hua̧ta̧nö̧ jȩä̧cua̧ ucuturu'inä cu̧jä̧hua̧rö̧ suronä jȩo̧mȩnä̧ cuami iso'quinä eseunu cunichi'ätucu juiyöttömä, —pä'inödo Jesús.

San Mateo 18:35 Referans Kwoze

Santiago 2:13

Ja̧'wa̧ta̧nü̧ kkorotürü rȩrü̧jü̧nü̧ topokotü pä'ijätürümä̧, rȩrü̧jü̧ toäkuäwä juiyünä̧tä̧ ro̧ȩpä̧kuo̧tü̧, ja̧'wa̧nü̧ ja̧'a̧nä̧ rȩrü̧jü̧ toäkuäwä kku̧nä̧rä̧'i̧jä̧tü̧mä̧ Dio ro̧ȩpü̧ mo̧ro̧ adiu rä'opü tteseäkuäwäkuotü.

San Marcos 11:25

Ja̧'wa̧ta̧nü̧, Dio-rü kukuokuätukuomȩnä̧, kkorotürü suronä̧ kuamu̧kuädä'ijätuku kä'ädi'ätukui ja̧'wa̧nü̧ jü̧ta̧'a̧nü̧, Kuä'o mo̧ro̧jä̧ra̧'a̧ kkü̧'i̧nä̧ suronä̧ jȩ'kuä̧'i̧jä̧tu̧ku̧ mikuäwächü juiyünä̧ jȩpü̧ ikuäkua'anü̧.

San Mateo 6:12

Ujuturu suronä̧ jȩpä̧tü̧rü̧, mikuä jȩtü̧ juiyüta'anü̧, suronä̧ jȩtä̧'i̧jü̧mä̧ mikuäwächünä̧mä̧ jȩ'kuä̧tü̧.

San Lucas 16:15

Jesú juätürü pä'inü̧: —Ukutumä̧ adiwäjuei jȩpä̧tü̧ 'kua̧rü̧nä̧, ttü̧ja̧ tottatü pä'ü i̧jȩkuä̧tü̧jä̧; ja̧'wa̧nü̧ ja̧'a̧nä̧ Dio-mä̧, kua̧mi̧so'kitukumä̧ wo̧jua̧; ja̧'wa̧nü̧ ja̧'a̧ttü̧ ttü̧ja̧ ukuo jäwä jü̧nä̧ tottümä̧, Dio-mä̧ üjü'kokü jäwä ja̧'a̧.

Apocalipsis 2:23

Ja̧'wa̧ta̧nü̧ kki̧tti̧mü̧rü̧mä̧ wa'ü ttikunä̧ jȩchä̧kua̧sä̧. Ja̧'wa̧nü̧ jo̧mȩnä̧ igresia wotümä̧ o'katoi'ünä̧ ttu̧wo̧juä̧kuo̧tü̧, tta̧mü̧kuädü'i̧nä̧, tta̧mi̧ iso'kinä̧ kka̧ku̧'i̧nä̧ chu̧wo̧juö̧mä̧; ja̧'wa̧nü̧ ja̧'a̧ttü̧ yotukunä̧rü̧ chi̧yä̧'chä̧kua̧sä̧ jȩpü̧ ttü̧ji̧nü̧'a̧kuä̧.

Santiago 3:14

Ja̧'wa̧nü̧ ja̧'a̧nä̧ ttüjü'koka'a ä'kuoyäkuäwä ja̧'wa̧ta̧nü̧ rowäwäkuäwätä kua̧mi̧so'kitukunä̧ ku̧ju̧nä̧rä̧tu̧ku̧ttü̧mä̧ kuesewätukuä ja̧'wa̧ta̧nü̧ isopäi'ünä̧ wȩnȩku̧mä̧ yapareumä̧ jikuäwä'chätukuä.

Santiago 4:8

Dio-rütä tü'küpächätukui, ja̧'wa̧nü̧ jo̧mȩnä̧tä̧ chutä'i̧nä̧ ütü'küwächäkuotüjä̧. Surojü jȩpä̧tü̧mä̧, ku̧mü̧tu̧ku̧ tükäu ikuätukui; ja̧'wa̧ta̧nü̧ todärenä̧ pä̧wä̧rü̧jä̧u̧mä̧ kua̧mi̧'iso'kituku tükäu ikuätukui.

San Mateo 18:34

Ja̧'wa̧nü̧ ji̧yä̧ku̧ u̧ru̧wa̧mä̧, rü̧ȩnä̧ ra̧wä̧ri̧pü̧ o'kajuiyünä̧ i̧mi̧ppotü i̧mi̧täwomȩbü päi'ünä̧ kärenä̧ ttütünä̧ weinä̧ku̧.

San Marcos 11:26

[Isopäi'ünä̧ suronä̧ jȩpü̧rü̧ mikuä kuamü̧kuädüttümä̧, Dio mo̧ro̧jä̧ ru̧wa̧'i̧nä̧ suronä̧ jȩ'kuä̧'i̧jü̧ si'epü ikuokü jä̧kua̧, ukurumä̧.]