San Mateo 18:27 - Nuevo Testamento Uwotjüja

²⁷ Ja̧'wa̧nü̧ ajuäkuäwäku, jua̧u̧ ru̧wa̧mä̧, rȩrü̧jü̧nü̧ topü i̧mi̧ppotäjimä̧, o'kajuiyünä̧ i̧mi̧ppotü juiyünä̧tä̧ jȩpü̧ ikuinä̧ku̧.

TÄ̧DO Ä̧CUÄ̧ I̧HUȨNȨ

²⁷ Ja̧'hua̧nö̧ päomenä, ja̧u̧ ru̧hua̧ a̧'cua̧ tta̧nö̧ toinäcudo. Ja̧u̧ru̧ yoröiso yabonä imitö juiya pä'inödo u̧mö̧huä̧ya̧rö̧. Ja̧u̧nu̧ o'ca'a räopächa pä'ö hueinäcudo adiunä ö̧ja̧ pä'ö.

San Mateo 18:27 Referans Kwoze

San Mateo 18:28

Ja̧'wa̧nü̧ jä̧ji̧ o'ka'a, jua̧u̧mä̧ juorü räopächomȩnä̧ a̧wa̧ru̧wa̧rü̧ po̧kui̧pi̧nü̧, pärätämä̧ ciȩnü̧ jo̧mȩnä̧ mi̧ppotürü; i̧mi̧ppotäku u̧ru̧pä̧'kȩnä̧ 'chu'ädi'ünü̧ pä'inü̧: ¡Kuimi̧ppotümä̧ mitäu ikuittü!, jü̧nä̧.

San Mateo 18:32

Ja̧'wa̧nü̧ jittäwäku, u̧ru̧wa̧mä̧ ottopo'äjarü pä'ü we'äji̧'ka̧ päinä̧ku̧: ¡Surojütä jȩä̧kuä̧wä̧ i̧sa̧jä̧! kuajuäkuäwäku ukurumä̧, kuimippotü jo̧mȩnü̧ jȩpü̧ chikuinä̧ku̧jä̧.

San Lucas 7:42

Ja̧'wa̧nü̧ ja̧'a̧nä̧, ttimitü juiyünä̧ ji̧yä̧ku̧ rettü, tti̧mi̧ppotü juiyünä̧tä̧ jȩpü̧ ikuinä̧u̧ ta̧ju̧kuäyotürü. Ja̧'wa̧nü̧ ja̧'a̧ ji'äwittü, ¿Juätüttümä̧ dí ji̧na̧'a̧jä̧ttü̧ ji̧nä̧so rü̧ȩnä̧ re ü̧ji̧nä̧ku̧mä̧?

San Lucas 7:43

Päku, Simón-mä̧ ädätinü̧: Ttü pädümä̧, rü̧ȩnä̧ mi̧ppotürü jȩpü̧ ikuinä̧ku̧ 'kua̧ra̧'a̧. Päiyäku, Jesú päinä̧ku̧: —Jueünä̧tä̧ pä'üjä̧.