San Mateo 18:17 - Nuevo Testamento Uwotjüja

¹⁷ Ja̧'wa̧nü̧ jȩ'kuo̧mȩnä̧'i̧nä̧ esetü juiyüttümä̧, igresia-rü ji'äwi; ji̧nä̧ juätürü'i̧nä̧ esetü juiyüttümä̧ Dio-rü esetokotü jü̧nä̧tä̧, Roma impuesto pättü ka̧ka̧kuä̧ isotü jä̧'i̧jü̧'a̧nü̧tä̧ topätukuirü.

TÄ̧DO Ä̧CUÄ̧ I̧HUȨNȨ

¹⁷ Ucuturu ji̧nä̧ ä̧ju̧cu̧ juiyöttömä, o'ca toi'önä iglesia ruhuä ttä'ca jo̧mȩttö̧ ucuocuirö. Ja̧'hua̧nö̧ ja̧'a̧nä̧ jahuätörö o'ca toi'önärö ä̧ju̧cu̧ juiyöttömä, 'quȩ'i̧pä̧chä̧tu̧cui̧rö̧ ka̧ra̧ Diosrö esetocö ö̧jö̧'a̧nö̧ ö̧ja̧ pä'ö. Ja̧'hua̧ta̧nö̧ ru̧hua̧ öäre pärätä ȩmä̧'i̧jö̧ ö̧jö̧'a̧nö̧ ö̧jä̧cua̧.

San Mateo 18:17 Referans Kwoze

2 Tesalonicenses 3:6

Chi̧jä̧wa̧tü̧, Tu̧ru̧wa̧ Jesucrito i̧mi̧nä̧ jätepä̧u̧jä̧, kua̧wa̧ru̧wa̧ Igresia-ttü weäwä wȩnȩ ukuotokü ja̧'wa̧ta̧nü̧ ujutu tu̧wo̧juȩti̧nü̧ esetokotüttümä̧ 'kȩi̧pä̧chä̧tu̧kui̧.

1 Corintios 5:9

Ä'kanä̧ chi̧wȩyu̧ti̧nä̧'tänä̧mä̧, pä'inü̧sä̧, tti̧rȩkua̧mü̧ pokotürü jȩpä̧'chä̧tü̧ku̧ ppä̧ttä̧chä̧rü̧ juiya pä'ü.

1 Timoteo 6:5

ja̧'wa̧ta̧nü̧ tta̧mü̧kuädü jui'ätuku, isopäi'ünä̧ wȩnȩ'i̧nä̧ jerupätuku, ja̧'wa̧ta̧nü̧ Dio-rü esetäkuäwämä̧ pärätä rü̧ȩnä̧ ȩmä̧wä̧ pä'ü amükuädü 'kuäopünä̧ rowäwätü, juätüttümä̧ 'kȩ'i̧pä̧chi̧.

San Lucas 15:1

Ttü̧ja̧mä̧, Roma-ra̧'a̧ weäwä pärätä ka̧ka̧tä̧'i̧jä̧tü̧'i̧nä̧ ja̧'wa̧ta̧nü̧ kkorotü suronä̧ jȩpü̧ ttü̧ja̧'a̧ ukuotä'ijätü'i̧nä̧ o'katoi'ünä̧ Jesú jiäwa'a ttä̧ju̧kua̧ pä'ü ka̧ka̧kui̧nä̧tü̧.

San Mateo 11:19

Jua̧u̧nü̧ o'ka'a ubo I̧tti̧ ichinü̧ u̧kuȩ'i̧nä̧ kuäkuäwä i̧sa̧ ja̧'wa̧ta̧nü̧ au'i̧nä̧ awäwä i̧sa̧ pä'ätü, ja̧'wa̧nü̧ ichina̧'a̧mä̧ pä'ä'ijätü: Pidemä̧ 'kuäopünä̧tä̧ kuäkuäwä i̧sa̧, vino-tä̧ awäwä i̧sa̧, suronä̧ jȩpä̧'i̧jä̧tü̧tä̧ ja̧'wa̧ta̧nü̧ pärätä ka̧ka̧tä̧'i̧jä̧tü̧tä̧ tta̧wa̧ru̧wa̧tä̧ wa̧, jü̧nä̧. Ja̧'wa̧nü̧ ja̧'a̧nä̧ Dio iyü wo̧juä̧wä̧ wȩnȩmä̧ jȩttü̧ttü̧tä̧ topü wo̧juä̧wä̧ ja̧'a̧.

San Lucas 18:11

Fariseo wotü i̧sa̧mä̧ ä̧rä̧mi̧'ä̧ji̧'ka̧ kkä̧nü̧ pa̧'a̧nü̧ Dio-rü ukuokuinü̧: Chü̧ä̧nä̧wa̧ Dio, ukuru eseusä, kkorotü jü̧'a̧nü̧, nä̧u̧kuä̧rü̧'i̧nä̧, suronä̧ jȩpä̧'chü̧'i̧nä̧, ttirekua pokojuru kkä̧'chü̧'i̧nä̧ ja̧'wa̧ta̧nü̧ pide Roma-ra̧'a̧ weäwä pärätä ka̧ka̧kuä̧ i̧sa̧ jü̧'a̧nü̧'i̧nä̧ jȩpo̧kü̧ cha'attü,

San Mateo 5:46

Isopäi'ünä̧ ukuturu adiu jȩpä̧tü̧rü̧tä̧ re kkä̧nü̧ kuesewätukuttümä̧, ¿Däje premio kuemä̧tu̧kuä̧kua̧'a̧jä̧ttü̧? jua̧u̧mä̧ jȩttä̧'i̧jü̧, Roma-ra̧'a̧ iyäwä pärätä ka̧ka̧tä̧tü̧'i̧nä̧.

San Mateo 6:7

Ja̧'wa̧ta̧nü̧ Dio-rü kukuokuätukuomȩnä̧mä̧, rü̧ȩnä̧ ppa̧'a̧dä̧rü̧mä̧ kukuokuätukuä judío pokotü jȩttü̧'a̧nü̧mä̧; juätümä̧ rü̧ȩnä̧ tukuokuttütä ä̧ju̧kuä̧kuä̧u̧jä̧ 'kua̧ra̧'a̧ pä'ü amükuädü jȩpä̧'i̧jä̧tü̧.

San Mateo 10:3

Felipe'i̧nä̧, Bartoromé'i̧nä̧; Tomá'i̧nä̧ ja̧'wa̧ta̧nü̧ pärätä ka̧ka̧tä̧'i̧jü̧ Mateo'i̧nä̧; Alfeo i̧tti̧ Sa̧ti̧a̧ku̧'i̧nä̧, Tadeo'i̧nä̧;

1 Corintios 6:1

Ukututtü ya̧tȩ kka̧ra̧ igresia i̧sa̧ku̧ wȩnȩ ku̧ju̧nä̧rä̧tu̧kuo̧mȩnä̧mä̧, pi̧jä̧nä̧ttü̧ juez pättäkurumä̧ aditü ikuätukuaku pä'ümä̧ kusätuku juiyü'anü̧ ja̧'a̧. Ja̧'wa̧nü̧ jo̧ka̧'a̧ igresia i̧sa̧ juez-rü usätukui.