San Mateo 18:14 - Nuevo Testamento Uwotjüja

¹⁴ Ja̧'wa̧nü̧ jü̧ta̧'a̧nü̧, Kuä'otuku mo̧ro̧jä̧nä̧ kkü̧mä̧ pitü ppo̧'ä̧tü̧ ja̧'a̧nä̧ ya̧tȩrü̧'i̧nä̧ toe'ächa pä'okü.

TÄ̧DO Ä̧CUÄ̧ I̧HUȨNȨ

¹⁴ Ja̧'hua̧ta̧nö̧ Cuä'o mo̧ro̧jä̧nä̧ kö̧ pitö ppo̧'ä̧tö̧ttö̧ ya̧tȩ'i̧nä̧ ire'tehuächa pä'ö yoröiso pä'ocö.

San Mateo 18:14 Referans Kwoze

2 Pedro 3:9

Tu̧ru̧wa̧ jȩa̧ päinü̧ jo̧mȩnü̧ päi'a pä'ümä̧ rekuodä'chokü, yotukunä̧ ttamükuäda'anü̧mä̧, ja̧'wa̧nü̧ ja̧jü̧jueimä̧ ukutukumä̧ tta̧mi̧ 'ki'ächi'äkuäwä kku̧nä̧rü̧, ja̧'wa̧nü̧ ja̧'a̧ttü̧ ya̧tȩ'i̧nä̧ wa'ü ikuamä̧ pä'okü, wa'ü ttikuajueimä̧ o'katoi'ünä̧tä̧ Dio-kutä ppa̧ttä̧cha̧tä̧ pä'ü.

San Juan 17:12

Pi̧jä̧nä̧ juätütäku chü̧jä̧i̧mä̧ ukú kui̧mi̧nä̧ tta̧dä̧rä̧'i̧jä̧u̧; ttürü kuiyinä̧u̧ru̧mä̧ tta̧'ä̧rä̧'i̧jü̧sä̧ ya̧tȩ'i̧nä̧ toe'ächü juiyünä̧tä̧ ja̧'wa̧nü̧ ja̧'a̧nä̧ to'e'ächinü̧ ä̧tȩkuä̧nä̧ toe'ächa pä'ü winütä̧, wȩyu̧kuä̧ wȩnȩnä̧ pä'ijü jo̧mȩnü̧ päi'a pä'ütä.

San Juan 21:15

Ttu̧kuȩ kuä̧nü̧ kättädomȩnä̧, Jesú-mä̧ Simón Peduru-rü pä'inü̧: —Simón ukú Joná i̧tti̧mä̧, ¿Pi̧yȩttü̧'i̧nä̧ abonä̧nü̧ repe'ü kuesewäkusä? Ädätinä̧ku̧: —A̧'a̧, Chu̧ru̧wa̧; ukutä wo̧jua̧jä̧, ukuru eseu repeda'amä̧. Jesú-mä̧ päinä̧ku̧: —Chä̧ji̧mü̧ oweja-tü̧rü̧ tta̧'ä̧ri̧yi̧ttü̧.

Hebreos 12:13

ja̧'wa̧ta̧nü̧ mä̧ni̧yä̧ jueü o̧mä̧nä̧ jopätukui, kui̧jä̧pü̧ ppi̧sä̧ ppi̧sä̧ jo̧mȩ jue'ekuächünä̧.

2 Timoteo 2:10

Ja̧'wa̧nü̧ jo̧mȩttü̧ o'kajuiyünä̧ usurä chȩmä̧u̧nä̧ Dio pojopü ȩmi̧nä̧u̧rü̧ adiwomȩnä̧ cha̧mi̧ 'ki'ächi'üsä, juätü'i̧nä̧ surojüttü kki̧'i̧kuä̧ra̧'a̧ rȩbȩu̧ Crito-nä̧ kkä̧kuä̧wä̧ i'ko ttȩmä̧kua̧'a̧nü̧.

San Lucas 12:32

Yekuekuätukuä, chä̧ji̧mü̧ oweja-tü̧; ukutumä̧ a̧'u̧ku̧nä̧tä̧ wotü kuätukua'anä̧, Kuä'otukuru adiwomȩnä̧ uruwo weü iyinä̧u̧jä̧

San Mateo 6:32

Pi̧yȩ o'kajuiyünä̧mä̧ Dio-rü esetokotütä tta̧'kua̧ rotteku ja̧'wa̧nü̧ ja̧'a̧nä̧ ukutumä̧ Kuä'otuku mo̧ro̧jä̧nä̧ kkü̧ rekuä rü̧jü̧ wo̧jua̧rü̧ kku̧nä̧rä̧tü̧jä̧.

San Mateo 6:9

Ja̧'wa̧nü̧ ja̧'a̧ttü̧ Dio-rümä̧ pa̧'a̧nü̧ kukuokuätukuajä̧: Tä'o Dio ukú, mo̧ro̧jä̧nä̧ kkü̧, kui̧mi̧mä̧ ukuo kkü̧nä̧tä̧ juoächa pä'ätüjä̧,

San Mateo 5:16

Ja̧'wa̧nü̧ jü̧ta̧'a̧nü̧, ukutu'i̧nä̧ kui̧tȩya̧u̧tu̧ku̧mä̧ ttü̧ja̧ ttä'ka jo̧mȩ kkä̧dȩpü̧nä̧ kka̧kuä̧tu̧kui̧, adiu jȩ'kuä̧tu̧ku̧ topü, o'katoi'ünä̧ Kuä'otuku mo̧ro̧jä̧nä̧ kkü̧rü̧ ttesewäkua'anü̧.

San Mateo 18:13

Isopäi'ünä̧ pädäu̧jä̧ ja̧'wa̧nü̧ usú i̧'chä̧ja̧'a̧ jua̧u̧ oweja-rü ü̧'o̧kui̧'omȩnä̧mä̧, jitü noventa y nueve-nü wotü re'tewächokotü päjätüttü'i̧nä̧ abonä̧nü̧ eseu jua̧u̧ ü̧'o̧kui̧'ä̧ku̧ oweja-rümä̧.

San Mateo 18:15

Kua̧wa̧ru̧wa̧ kui̧jä̧wa̧ ukuru suronä̧ jȩü̧ttü̧mä̧, kkatärütä o'ipächü ro̧'ȩpü̧nü̧ ukuokuirü u̧wo̧jui̧pü̧nä̧; u̧wo̧jui̧pü̧ttü̧mä̧, kua̧wa̧ru̧wa̧rü̧ esekujä̧.