San Mateo 17:4 - Nuevo Testamento Uwotjüja

⁴ Ja̧'wa̧nü̧ jä̧ji̧ o'ka'a Peduru-mä̧ Jesú-ru pä'inü̧: —Chu̧ru̧wa̧, ¡pȩnȩ́ tü̧jü̧ttü̧tä̧ adiu'anü̧ ja̧'a̧! odewiyä ppo̧ü̧ wäbodekuä chadita pä'üsä: yodetemä̧ uku ku̧jä̧kuode, kkorodemä̧ Moisé ü̧jä̧kuode, kkorodetä Elía ü̧jä̧kuode jü̧nä̧ ja̧'wa̧nü̧ ja̧'a̧nä̧ uku wekuttütä.

TÄ̧DO Ä̧CUÄ̧ I̧HUȨNȨ

⁴ Ja̧'hua̧ ja̧'a̧ Pedro pä'inödo Jesúsru: —Chu̧ru̧hua̧, pȩnȩmä̧ eseunu ka̧cuä̧tö̧jä̧. Ucuru pä̧huä̧ rö̧jö̧ttö̧mä̧ odehuiyä huäbodecuä taditö'a̧nö̧ ja̧'a̧, korode ucutä cuojusode'inä, korode Moisés ojusode'inä, korode Elías ojusode'inä.

San Mateo 17:4 Referans Kwoze

San Lucas 9:33

Ja̧'wa̧nü̧ ja̧'a̧ juätü u̧mä̧tü̧ Jesú-ttü 'kȩtti̧pä̧cha̧'a̧nä̧, Peduru-mä̧ Jesú-ru pä'inü̧: —Chu̧ru̧wa̧, ¡Pȩnȩ́ tü̧ja̧ pä'ü, juiyo adiwomȩ jä̧ttü̧! odewiyä ppo̧ü̧, wäbodekuä aditätüjä̧: Yodetemä̧ uku ku̧jä̧kuode, kkorodemä̧ Moisé ü̧jä̧kuode, kkorodetä Elía ü̧jä̧kuode, jü̧nä̧. Ja̧'wa̧nü̧ ja̧'a̧nä̧, Peduru ukuokumä̧, u̧wo̧jui̧po̧ka̧'a̧nä̧tä̧ ukuokuinü̧.

San Juan 17:24

Chä'o juätü ttürü kui̧yi̧nä̧u̧mä̧, ttü chü̧jo̧mȩ ttü̧ja̧kua̧ pä'üsä, ttürü kuiyinü̧ chukuo jäwä tottäkua'anü̧; Isopäi'ünä̧ ttürümä̧ pi̧jä̧ adikui'äkua'a ä'kojitä päi'ünä̧ eseu repe'inü̧jä̧.

Apocalipsis 21:23

Ütawiyämä̧ mo̧ro̧ kkä̧wa̧'i̧nä̧, yodó kkä̧wa̧'i̧nä̧, itejäda pä'ümä̧ rekuä rü̧jo̧ka̧'a̧ ji̧na̧'a̧, jua'amä̧ Dio i̧tȩya̧u̧tä̧ ja̧'wa̧ta̧nü̧ oweja mü̧ä̧ya̧ jü̧nä̧ wa̧ i̧tȩya̧u̧tä̧ ja̧'a̧ttü̧.

1 Juan 3:2

Chawaruwä chi̧jä̧wa̧tü̧, täkü jitämä̧ Dio i̧tti̧mü̧jä̧ ja̧'wa̧nü̧ ja̧'a̧nä̧, ji̧nä̧ yodoji tä̧kuȩmä̧ wokotüjä̧, Jesucrito ichomȩnä̧mä̧ chutä jü̧ta̧'a̧nü̧ täkuotüjä̧, jua'amä̧ churutä tota'attü̧.

Filipenses 1:23

Todärekue'ü rekuä rü̧jä̧ku̧sä̧, ji̧yȩtȩmä̧, Crito-ku chü̧ja̧ pä'ü, 'korujuodächa päda'anä̧, jua'amä̧ kkorottü'i̧nä̧ abonä̧nü̧ adiwa'attü̧;

San Mateo 17:3

Ja̧'wa̧nü̧ päi'omȩnä̧, Elía'i̧nä̧, Moisé'i̧nä̧ rättoa'attü̧ Jesú-ku ukuoku kka̧kui̧nä̧tü̧.

San Juan 7:2

Ja̧'wa̧ta̧nü̧ judío jȩttä̧'i̧jü̧ Tabenákuro pä'käri pättü tü'küwächi'iyä̧u̧,