San Mateo 17:27 - Nuevo Testamento Uwotjüja

²⁷ Ja̧'wa̧nü̧ ja̧'a̧nä̧, ttü̧ra̧wä̧rü̧ juiyäkua'anü̧ rü̧ä̧ duborara̧'a̧ täi, kua̧juä̧ isa'che kuikua, kuikuomȩnä̧ ä̧kuo̧mȩnä̧ rü̧'i̧pü̧rü̧mä̧ ä ba'epü to'kuajä̧, to'kuomȩnä̧ pä̧rä̧tä̧bi̧ ȩkä̧kua̧'a̧; juä̧bi̧nä̧mä̧ kui̧mi̧tajä̧ ttü jäwä'i̧nä̧ uku jäwä'i̧nä̧, jü̧nä̧.

TÄ̧DO Ä̧CUÄ̧ I̧HUȨNȨ

²⁷ Ja̧'hua̧nö̧ ja̧'a̧nä̧, korotö suronä ttucuocu juiya pä'ö, duborara̧'a̧ po̧i̧rö̧ 'chocuhua täi. Äcuomenä 'chocuhuäcuru 'cho'ö icui. Ja̧u̧ po̧i̧ i̧sa̧ änä pärätä̧bi̧ cu̧'o̧cui̧'ä̧cua̧jä̧. Ja̧u̧ pärätä ȩmi̧pö̧, ruhuotörö cuimita täi, ttö chimippotö'inä, ucu cuimippotö'inä, —pä'inödo Jesús.

San Mateo 17:27 Referans Kwoze

2 Corintios 6:3

Ya̧tȩ'i̧nä̧ suronä̧ ukuokua pä'okotüjä̧ ujutu taditäwämä̧ ja̧'wa̧nü̧ ji̧yä̧u̧ adiutä aditätüjä̧ suronä̧ ti̧jȩpü̧ juiya pä'ü.

2 Corintios 8:9

Täkü, ukutumä̧ wo̧juä̧tü̧jä̧ Tu̧ru̧wa̧ Jesucrito, ru̧wa̧ ja̧'a̧nä̧ ukuturu repe'ü usurä i̧sa̧ juoinü̧mä̧; Jua̧u̧ usurä i̧sa̧ juoinü̧nä̧mä̧, ukutu ruwotü juokuätukua pä'ü ji̧na̧'a̧.

1 Corintios 8:9

Ja̧'wa̧nü̧ ja̧'a̧nä̧, ukutu unichä̧rü̧ jȩpü̧ ku̧jä̧tu̧ku̧mä̧, jiyüpätürü kkä'ü kuikuätuku juiyünä̧ kka̧kuä̧tu̧kui̧.

1 Corintios 8:13

Ja̧'wa̧nü̧ ja̧'a̧ttü̧, chu̧kuȩ jäwänä̧ chi̧jä̧wa̧rü̧ surojünä̧ ma̧ä̧chü̧nä̧ jȩchü̧ttü̧mä̧, idepämä̧ yorisotä chuku juiyü'anü̧ ja̧'a̧.

Romanos 14:21

Idepä'i̧nä̧, vino awäwä'i̧nä̧, jȩ'kuä̧'chä̧ kua̧wa̧ru̧wa̧ kui̧jä̧wa̧ ijuiyuwächi'ünä̧ jü̧ jü̧ttü̧mä̧.

Santiago 2:5

Chawaruwä chü̧jä̧wa̧tü̧ pi̧yȩ adiu ä̧ju̧kuä̧tu̧kui̧: Dio-mä̧ pi̧jä̧nä̧ttü̧ usurä isotürü pojopü ȩmi̧nü̧ tta̧'kua̧ wȩnä̧rä̧kuä̧wä̧nä̧ ruwotü juotta pä'ü, ja̧'wa̧ta̧nü̧ eseu rȩpȩä̧u̧ru̧ Ru̧wa̧ Dio iäre ju'to uruwotü pätti'ünä̧, chi̧yä̧kua̧sä̧ päinü̧ ji̧nü̧ ttȩma̧ pä'ümä̧;

1 Tesalonicenses 5:22

Surojümä̧ o'kajuiyütä mȩkuä̧tu̧kuä̧.

San Juan 6:61

Ja̧'wa̧nü̧ yä̧wȩi̧nä̧ ttukuokuäkuäwa'a wo̧jui̧'ü̧, Jesú-mä̧ jä'epü ä̧ju̧kui̧nä̧u̧: —¿Pi̧yȩ pädomȩnä̧, kuju'kätuku juiyünä̧ päia'a?

San Mateo 5:29

Ja̧'wa̧nü̧ ja̧'a̧ttü̧ ku̧wo̧jua̧'a̧ku̧nä̧ kui'äre, surojünä̧ ma̧kuä̧chü̧nä̧ jȩü̧ttü̧mä̧ baroku iku, ukuttütä otó do'opü ikui. Kuidepättü ji̧yȩtȩ toe'omȩnä̧mä̧ adiwa'a ja̧'wa̧nü̧ jo̧ka̧'a̧, kuidepä jättäji okurära̧'a̧ do'opü ikuäwi'üttütä, juiyo surojü'anü̧ ja̧'a̧.

San Mateo 5:30

Ja̧'wa̧ta̧nü̧ ku̧wo̧jua̧'a̧ku̧nä̧ ku̧mü̧ surojünä̧ ma̧kuä̧chü̧nä̧ jȩü̧ttü̧mä̧, 'kui'oku iku ukuttütä otó do'opü ikui; ja̧'wa̧nü̧ jo̧ka̧'a̧ jü̧ttü̧mä̧, kuidepä o'kajuiyünä̧ okurära̧'a̧ do'opü ikuäwi'äkua̧jä̧.

San Mateo 17:26

Peduru-mä̧, ädätinä̧ku̧: —Tti̧tti̧mü̧ wokotürütä. Päomȩnä̧ Jesú-mä̧, päinä̧ku̧: —Ja̧'wa̧nü̧tä̧ ja̧'a̧, iweye tti̧tti̧mü̧rü̧mä̧ jä'epokotü.

San Mateo 18:6

Ja̧'wa̧nü̧ ja̧'a̧nä̧, pitü ppo̧'ä̧tü̧ttü̧ ttürü esetätürü, ya̧tȩrü̧ ma̧ä̧chü̧nä̧ jȩpü̧rü̧mä̧, molino pättäyu i̧nä̧yunä̧ u̧ru̧pä̧'kȩnä̧ ti̧'ä̧dü̧ rü̧ä̧ duboranä̧ täkuomȩku̧, ya'uteku do'opü ttiku'anü̧tä̧ wotü.

San Mateo 18:8

Ja̧'wa̧nü̧ ja̧'a̧ttü̧ ku̧mü̧'i̧nä̧, ku̧jä̧pü̧'i̧nä̧ surojünä̧ ma̧kuä̧chü̧nä̧ jȩü̧ttü̧mä̧ 'kui'opü iku, ukuttümä̧ do'opü ikui; adiu'anü̧ ja̧'a̧ ku̧mü̧pi̧yä̧'i̧nä̧, kui̧jä̧pi̧yä̧'i̧nä̧ juikua'anä̧ ä̧'kua̧rä̧kuä̧wä̧ra̧'a̧ dokuächüttümä̧ ja̧'wa̧nü̧ jo̧ka̧'a̧ jü̧ttü̧mä̧ ku̧mü̧ pi̧yä̧'i̧nä̧, kui̧jä̧pi̧yä̧'i̧nä̧ jättäjiku okurä na̧wi̧pokorära̧'a̧ iku ikuäwä̧kua̧jä̧.

San Marcos 9:42

Ya̧tȩ, pitü ppo̧'ä̧tü̧rü̧, ttürü esetätürü suronä̧ jȩä̧kuä̧wä̧nä̧ ma̧ttä̧chü̧nä̧ jȩpü̧rü̧mä̧, molino ido'kiku u̧ru̧pä̧'kȩnä̧ ti̧'ä̧dü̧, rü̧ä̧ duboranä̧ do'opü ttikuttütä adiu'anü̧ ja̧'a̧.

San Marcos 9:43

Ja̧'wa̧ta̧nü̧ ku̧mü̧ suronä̧ jȩä̧kuä̧wä̧nä̧ ma̧kuä̧chü̧nä̧ jȩü̧ttü̧mä̧ 'kui'oku ikuí; a̧'kua̧rä̧kuä̧wä̧ra̧'a̧ ji̧mü̧tȩ jui̧'a̧ dokuächüttütä adiu'anü̧ ja̧'a̧; ja̧'wa̧nü̧ jü̧ juiyüttümä̧ ku̧mü̧pi̧yä̧ to̧mü̧rȩkue'ü ku̧ju̧nä̧ra̧ja̧ pä'üdä̧jä̧ okurä na̧wi̧pokorära̧'a̧ iku ikuäwäkua̧jä̧.

San Lucas 17:2

Ttü cho'ka'anä̧ ichätü ppo̧'ä̧tü̧ttü̧, ya̧tȩrü̧ Dio-rü esetä'ija'a ma̧ä̧chü̧nä̧ jȩpü̧rü̧mä̧, ya'utettü u̧ru̧pä̧'kȩnä̧, trigo kkäräwä ido'ki ti̧'ä̧dü̧, rü̧ä̧ duboranä̧ do'opü ttikuarü pä'ütä adiwa ja̧'a̧.