San Mateo 17:22 - Nuevo Testamento Uwotjüja

²² Galirea rȩjȩnä̧, yo̧mȩtȩnä̧ tti̧'cho̧mȩnä̧ Jesú-mä̧ päinä̧u̧: —Ttümä̧ kuä'ü ttikuattü pä'ü iyü tti̧kuä̧kua̧sä̧,

TÄ̧DO Ä̧CUÄ̧ I̧HUȨNȨ

²² Galilea rȩjȩnä̧ cuettächomenä, Ubo I̧tti̧rö̧ ttö̧ja̧rö̧ iyö tticuä̧cuȩ huȩnȩ ji'ähuinödo u̧huo̧juȩtä̧u̧ru̧.

San Mateo 17:22 Referans Kwoze

San Mateo 16:21

Jua̧u̧nu̧tä̧ kkä̧mä̧dü̧ Jesú-mä̧ u̧wo̧juȩtä̧u̧rü ji'äwinü̧ Jerusarȩ́-ra̧'a̧ i̧'cha̧ pä'ü rekuä rü̧jü̧mä̧, jua'attü judío-ttü a̧ci̧a̧nu̧ wotü'i̧nä̧, sacerdote-tü̧ tturuwotü'i̧nä̧ weäwänä̧ usurä ȩmä̧wi̧'ü̧'ka̧, kuä'ü ttiku o'ka'a wäbodäkuä mo̧ro̧ päi'omȩnä̧ ttoächä̧kuȩ wȩnȩmä̧.

San Marcos 8:31

Ja̧'wa̧nü̧ ja̧'a̧ Jesú-mä̧ kkä̧mä̧dü̧ u̧wo̧juȩtä̧u̧rü pä'inü̧: Ttü, Ubo I̧tti̧mä̧ rü̧ȩnä̧ usurä chȩmä̧wä̧kua̧sä̧. Ttürü kkü'kü jui'ü, a̧ci̧a̧nu̧tu̧'i̧nä̧, sacerdote tturuwotü'i̧nä̧, weäwä wȩnȩ wo̧juȩtä̧tü̧'i̧nä̧ kuä'ü ttikunä̧ wȩttä̧kua̧sä̧. Ja̧'wa̧nü̧ ja̧'a̧nä̧ wäbodäkuä mo̧ro̧ päi'omȩnä̧ tto̧dä̧chä̧kua̧sä̧.

San Mateo 17:23

ja̧'wa̧nü̧ kuä'ü ttikua'anä̧, wäbodäkuä mo̧ro̧ päi'omȩnä̧ wa'arettü tto̧dä̧chä̧kua̧sä̧. Ja̧'wa̧nü̧ jiäwa'a ä̧ju̧ku̧ rü̧ȩnä̧ tta̧'kua̧ tta̧'ȩkui̧pi̧nä̧tü̧.

San Lucas 24:46

Ja̧'wa̧nü̧ jȩpü̧ päinä̧u̧: —Wȩyu̧kuä̧mä̧ wȩyu̧tu̧ rütäwa'a pa̧'a̧, rekuä rü̧ja̧'a̧, Crito-mä̧ usurä ȩmä̧wi̧'ü̧'ka̧, wäbodäkuä mo̧ro̧ päi'omȩnä̧, wa'arettü tto̧ä̧chä̧kua̧ pä'ü.

San Lucas 24:26

¿Isopäi'ünä̧ Crito uruwo jäwänä̧ doächi'a pä'ümä̧, jua̧u̧ o'kajuiyünä̧ usurä ȩmä̧u̧ 'kuäopa pä'ümä̧ rekuä rü̧jo̧ka̧'a̧ ji̧na̧'a̧ tä̧jí̧?

San Lucas 9:22

Pa̧'a̧nü̧ pä'ünü̧: —Ttü Ubo I̧tti̧ rü̧ȩnä̧ usurä chȩmä̧wa̧ pä'ü rekuä rü̧ja̧'a̧, judío-ttü a̧ci̧a̧nu̧ wotüttü'i̧nä̧, sacerdote wotü tturuwotüttü'i̧nä̧, weäwä wȩnȩ wo̧juȩkuä̧ isotüttü'i̧nä̧, weäwänä̧ usurä ȩmä̧wi̧'i̧pü̧, kuä'ü'i̧nä̧ ttiku o'ka'a, wäbodäkuä mo̧ro̧ päi'omȩnä̧ tto̧dä̧chä̧kua̧sä̧.

Hechos 7:52

Juätümä̧ profetas winä̧tü̧rü̧ kuä'ü ttikua pä'ütä jȩpi̧nä̧tü̧, Jesú, Dio wȩ'ä̧wa̧ ichü wȩnȩ ji'äwätürü kuä'ü ikuinä̧tü̧, ukutu'i̧nä̧ Jua̧u̧ru̧ iyü ikú kuä'ü ikuinä̧tü̧jä̧;

San Mateo 26:46

Ä̧rä̧mi̧'ä̧tu̧kui̧, ti̧'chä̧tu̧kua̧; täkü ttürü iyü iku ichümä̧ tü'kü pä'i'ü.

San Mateo 24:10

Ji̧yȩnü̧ mo̧ro̧mä̧ ttesetä'ijü'i̧nä̧ kä'ädi'ü kkä̧nü̧, rowäkuäu mi̧kuä̧ri̧yä̧kuä̧u̧ iyä'chäkuäu ttikuäkuotü.

San Mateo 16:28

—Isopäi'ünä̧ pä'üsä ukuturu, pȩnȩ́ kka̧kuä̧tü̧ttü̧ yotütemä̧ ubo I̧tti̧ ruwo we'ü icha'a tottomȩbü päi'ünä̧ wa'ü ttikua pä'ü ttüjü'kokäkuotü.

1 Corintios 11:23

Isopäi'ünä̧ ttümä̧, Tu̧ru̧wa̧ttü̧ chemi̧nü̧mä̧, ukuturu'i̧nä̧ wo̧juȩti̧nü̧sä̧: Tu̧ru̧wa̧ Jesú-mä̧, iyü ttikuinü̧ yodomä̧, trigo i̧ri̧si̧ ȩmo̧po̧'ü̧;

San Mateo 26:16

Jua̧u̧nu̧tä̧ päi'ünä̧ kkä̧mä̧dü̧, Juda-mä̧ Jesú-ru iyu ikua pä'ü usinü̧.

San Mateo 17:9

Ja̧'wa̧nü̧ jä̧ja̧'a̧ mü̧ä̧'kattü tti̧mȩyȩwo̧mȩnä̧, Jesú-mä̧ ro̧'ȩpü̧nü̧ päinä̧u̧: —I̧jȩkua̧'a̧ to'kuäjätukumä ya̧tȩrü̧'i̧nä̧ jikuäwätukuä, ubo I̧tti̧ wa'arettü ttoächomȩbü päi'ünä̧.

San Mateo 17:12

Ja̧'wa̧nü̧ ja̧'a̧nä̧, ukuturu pä'üsä, Elía-mä̧ täkü ichinü̧; ichina̧'a̧nä̧ ttesetajü jueimä̧ pä̧wä̧rü̧ja̧'a̧ku̧tä̧ jȩtti̧nä̧ku̧. Ja̧'wa̧nü̧ ji̧nü̧ta'anü̧, ubo I̧tti̧mä̧ juätütä ttu̧mü̧nä̧ usurä ȩmä̧wä̧kua̧.

San Lucas 9:43

Ja̧'wa̧nü̧ aditü ikuiyä̧u̧mä̧, o'katoi'ünä̧ Dio ü̧rü̧ä̧ rü̧ȩnä̧ eseäkuäwinä̧tü̧. Jesú jȩä̧ji̧ rü̧ȩnä̧ tteseäkuäwa'anä̧, u̧wo̧juȩtä̧u̧rü pä'inü̧: