San Mateo 17:12 - Nuevo Testamento Uwotjüja

¹² Ja̧'wa̧nü̧ ja̧'a̧nä̧, ukuturu pä'üsä, Elía-mä̧ täkü ichinü̧; ichina̧'a̧nä̧ ttesetajü jueimä̧ pä̧wä̧rü̧ja̧'a̧ku̧tä̧ jȩtti̧nä̧ku̧. Ja̧'wa̧nü̧ ji̧nü̧ta'anü̧, ubo I̧tti̧mä̧ juätütä ttu̧mü̧nä̧ usurä ȩmä̧wä̧kua̧.

TÄ̧DO Ä̧CUÄ̧ I̧HUȨNȨ

¹² Ja̧'hua̧nö̧ ja̧'a̧nä̧ ucuturu pä'ösä, Elíasmä täcö ichinödo. Ja̧u̧mä̧ ttu̧huo̧juo̧co̧cu̧ pi̧nö̧do. Jitörötä pä̧huä̧ rö̧jo̧mȩnä̧tä̧ jȩpi̧nä̧tö̧do ja̧u̧ru̧. Ja̧'hua̧ta̧nö̧ jȩtto̧mȩnä̧, Ubo I̧tti̧'i̧nä̧ ubara ttu̧huä̧cua̧, —pä'inödo Jesús.

San Mateo 17:12 Referans Kwoze

San Mateo 16:21

Jua̧u̧nu̧tä̧ kkä̧mä̧dü̧ Jesú-mä̧ u̧wo̧juȩtä̧u̧rü ji'äwinü̧ Jerusarȩ́-ra̧'a̧ i̧'cha̧ pä'ü rekuä rü̧jü̧mä̧, jua'attü judío-ttü a̧ci̧a̧nu̧ wotü'i̧nä̧, sacerdote-tü̧ tturuwotü'i̧nä̧ weäwänä̧ usurä ȩmä̧wi̧'ü̧'ka̧, kuä'ü ttiku o'ka'a wäbodäkuä mo̧ro̧ päi'omȩnä̧ ttoächä̧kuȩ wȩnȩmä̧.

Hechos 4:10

Pi̧yȩmä̧ o'katoi'ünä̧ kuä̧ju̧kuä̧tu̧kua̧ pä'ü ja̧'a̧ ukuturumä̧ ja̧'wa̧ta̧nü̧ Irae ttü̧ja̧'i̧nä̧, pide kuä'katuku jo̧mȩnü̧ adiwächäji̧'ka̧ ü̧ja̧'a̧mä̧, ukutu ü̧jo̧kä̧ jäinä̧ kuä'ü kuikuinä̧tu̧kuä̧ku̧, wa'arettü Dio ttoädinä̧ku̧ Jesucrito i̧mi̧nä̧ adiwächäji.

Hechos 7:52

Juätümä̧ profetas winä̧tü̧rü̧ kuä'ü ttikua pä'ütä jȩpi̧nä̧tü̧, Jesú, Dio wȩ'ä̧wa̧ ichü wȩnȩ ji'äwätürü kuä'ü ikuinä̧tü̧, ukutu'i̧nä̧ Jua̧u̧ru̧ iyü ikú kuä'ü ikuinä̧tü̧jä̧;

Hechos 2:23

Ja̧'wa̧nü̧ wa̧rü̧, aboja̧'a̧nä̧ ukuokuäkuäu jȩpü̧ iyü ikú, kuä'ü ikuinä̧tü̧jä̧, ü̧jo̧kä̧nü̧ toe'ächünä̧, suronä̧ jȩpä̧tü̧ ttu̧mü̧nä̧.

San Juan 1:11

Chutä rȩpȩä̧u̧ ttü̧ja̧rü̧ ä̧tȩkuä̧nä̧ ichina̧'a̧nä̧; chutä rȩpȩä̧u̧mä̧ yattokuinä̧ku̧.

San Lucas 7:33

Isopäi'ünä̧ bautizo jȩä̧kuä̧wä̧ i̧sa̧, Ju̧a̧-mä̧, u̧kuȩ'i̧nä̧ kuokü, vino'i̧nä̧ awokürümä̧, ukutumä̧ pä'inä̧tü̧jä̧: «Äwettärü kku̧nä̧rü̧,» pä'ü.

San Mateo 21:32

Isopäi'ünä̧ Ju̧a̧-mä̧ adiu kkä̧kuä̧wä̧ mä̧nä̧ ji'äu ichinü̧, ja̧'wa̧nü̧ ja̧'a̧nä̧ ukutumä̧ esetokotü pinä̧tü̧jä̧; pärokuotü, Roma-ra̧'a̧ iyäwä pärätä ka̧ka̧tä̧'i̧jä̧tü̧tä̧ ja̧'wa̧ta̧nü̧ nä̧tü̧ u̧mä̧tu̧ku̧ surojuo'ächinä̧tü̧tä̧ ttesetinä̧ku̧. Ja̧'wa̧nü̧ ja̧'a̧nä̧, ukutumä̧ jua̧u̧ to'kuätukua'anä̧'i̧nä̧ esetokotü pinä̧tü̧jä̧.

San Mateo 11:2

Ju̧a̧-mä̧, kärenä̧ pänü̧kkä̧nü̧, Crito jȩü̧ wȩnȩ ukuowa'a ä̧ju̧kuä̧ji̧'ka̧, u̧wo̧juȩtä̧u̧ttü̧ ta̧ju̧ru̧ we'inü̧

San Mateo 8:20

Päku, Jesú-mä̧ ädätinü̧: —A̧wa̧ri̧tü̧mä̧ ttäjuwiyä kku̧nä̧rä̧tü̧ ja̧'wa̧ta̧nü̧ ppi̧yu̧'i̧nä̧ ttä̧'ti̧yu̧ kku̧nä̧rä̧tü̧. Ja̧'wa̧nü̧ ja̧'a̧nä̧, ubo I̧tti̧mä̧ ä'ü ü̧jo̧mȩ'i̧nä̧ jui̧'a̧.

San Mateo 17:9

Ja̧'wa̧nü̧ jä̧ja̧'a̧ mü̧ä̧'kattü tti̧mȩyȩwo̧mȩnä̧, Jesú-mä̧ ro̧'ȩpü̧nü̧ päinä̧u̧: —I̧jȩkua̧'a̧ to'kuäjätukumä ya̧tȩrü̧'i̧nä̧ jikuäwätukuä, ubo I̧tti̧ wa'arettü ttoächomȩbü päi'ünä̧.

San Mateo 17:11

Jättepäku, Jesú-mä̧ ädätinä̧u̧: —Isopäi'ünä̧tä̧, Elía-mä̧ ä̧kuo̧mȩnä̧ i̧chä̧kua̧ o'kajuiyünä̧ pä'äji jä̧ji̧ta̧'a̧nü̧ jo̧mȩnü̧ aditü u̧ju̧na̧ pä'ü.

San Mateo 17:13

Ja̧'wa̧nü̧ ja̧'a̧ u̧wo̧juȩtä̧u̧mä̧, bautizo jȩä̧kuä̧wä̧ i̧sa̧ Ju̧a̧ ütü'kü ukuoku pä'ü wo̧jui̧'i̧nä̧tü̧.

San Mateo 17:22

Galirea rȩjȩnä̧, yo̧mȩtȩnä̧ tti̧'cho̧mȩnä̧ Jesú-mä̧ päinä̧u̧: —Ttümä̧ kuä'ü ttikuattü pä'ü iyü tti̧kuä̧kua̧sä̧,