San Mateo 16:6 - Nuevo Testamento Uwotjüja

⁶ Jesú-mä̧ päinä̧u̧: —Fariseo wotürü'i̧nä̧, saduceo wotürü'i̧nä̧ jȩttü̧ levadura pä'ü mikuttü ttu̧'ȩpä̧rä̧kuäu̧nu̧ tta̧'a̧rä̧kuä̧wä̧tu̧kui̧.

TÄ̧DO Ä̧CUÄ̧ I̧HUȨNȨ

⁶ Ja̧'hua̧ ja̧'a̧ Jesús pä'inödo jahuätörö: —Ä̧ju̧cuä̧tu̧cui̧. Fariseos huotö'inä, saduceos huotö'inä ttu̧cuȩ pan ppö̧ä̧mö̧ juäi ttu̧ȩcuä̧nä̧ ka̧cuä̧tu̧cui̧.

San Mateo 16:6 Referans Kwoze

San Lucas 12:1

Ja̧'wa̧nü̧ ja̧'a̧ jakuänä̧, ttü̧ja̧ rekuätü ka̧ka̧kui̧nä̧tü̧, rü̧ȩnä̧ ppi̧ttä̧chä̧rü̧nä̧ päi'ünä̧. Ä̧kuo̧mȩnä̧mä̧, u̧wo̧juȩtä̧u̧rü kkä̧mä̧dü̧ ji'äwinü̧: Fariseo wotü ttu̧ju̧nä̧rü̧ levadura-nä̧mä̧ ppäkuächi'ätukuä, jua̧u̧mä̧ ä'koyättü esetü jȩä̧kuä̧wä̧tä̧ ja̧'a̧ pä'ü.

Gálatas 5:9

«Levadura pättü jueimä̧ ji̧'ki̧cha̧nü̧tä̧ ja̧'a̧nä̧, pan isäwa jättäwatä ppü̧ä̧mi̧'ü̧nä̧ päia'a.»

San Marcos 8:15

Ja̧'wa̧nü̧ ja̧'a̧ Jesú-mä̧ ro̧ȩpi̧nä̧u̧: —To̧pä̧rä̧kuä̧u̧ tta̧'a̧rä̧kuä̧wä̧tu̧kui̧, fariseo wottü ttu̧ju̧nä̧rü̧ levadura-ttümä̧ ja̧'wa̧ta̧nü̧ Herode u̧ju̧nä̧rü̧ levadura-ttü'i̧nä̧.

San Mateo 16:12

Ja̧'wa̧nü̧ pä̧u̧tä̧, Jesú-mä̧ fariseo wotü'inä̧, saduceo wotü'i̧nä̧ wotü ttu̧wo̧juetü̧ttü̧ tta̧'a̧rä̧kuä̧wä̧tu̧kui̧ pä'ü pä'a, pä'ü wo̧jui̧'i̧nä̧tü̧, trigo ire o̧si̧ jäwä levadura tü'kümä̧ päoka'a jä̧ja̧'a̧dä̧ pä'ü.

San Lucas 12:15

Ja̧'wa̧ta̧nü̧ päinä̧u̧: —Tta̧'a̧rä̧kuä̧u̧ kka̧kuä̧tu̧kui̧, pi̧jä̧ttü̧ kku̧nä̧rä̧kuä̧wä̧ kkü'kekunä̧ usäwänä̧ ma̧kuä̧mä̧tu̧ku̧ juiyäkua'anü̧; isopäi'ünä̧ ttiäre rü̧ȩnä̧ ttu̧ju̧nä̧ra̧ja̧ pä'üdä̧jä̧, tta̧'kua̧rü̧mä̧ kku̧nä̧rä̧kuä̧wo̧kü̧ ja̧'a̧.

San Mateo 3:7

Ja̧'wa̧nü̧ ja̧'a̧nä̧, rekuätü fariseo wotü'i̧nä̧, saduceo wotü'i̧nä̧, Ju̧a̧ bautizo jȩa̧'a̧ topü ttichäja'a, päinä̧u̧. «¡Ukutumä̧ ä̧ka̧tü̧ isotü wotüjä̧!» ¿Dí jiäwinä̧tu̧kuä̧ku̧ttü̧ usurä ttȩmä̧u̧nä̧ ro̧ȩpä̧kuȩttü̧ tü'ipächü ku̧ji̧pä̧tu̧kua̧ pä'ümä̧?

San Mateo 16:1

Fariseo wotü'i̧nä̧, saduceo wotü'i̧nä̧ Jesú ü̧jo̧mȩku̧ 'chä̧wi̧'ü̧, ji̧nä̧ ttiweyettü jȩtto̧kü̧ juei mo̧ro̧jä̧ jäwä i̧jȩpa̧tü̧ pä'ü jättepinä̧ku̧.

San Mateo 16:5

Jesú u̧wo̧juȩtä̧u̧mä̧ rü̧ä̧ dubora ji̧jä̧ku̧nä̧ tti̧rȩbȩwi̧'ä̧ja̧'a̧, trigo ire o̧si̧ u̧ni̧chi'ü ttȩpo̧ka̧'a̧ jä̧jo̧mȩtä̧mä̧,

San Mateo 16:7

Päomȩnä̧, u̧wo̧juȩtä̧u̧mä̧ pä'äkuäwinä̧tü̧: —Trigo ire o̧si̧ ti'chächoka'a jä̧ji̧yä̧ku̧ pä'ü 'kua̧ra̧'a̧, jü̧nä̧.

San Mateo 16:11

¿Tta̧'a̧nü̧ pä'ü trigo ire o̧si̧ tü'kü ukuokuokü pä'ümä̧, ku̧wo̧jui̧pä̧tu̧ku̧ juiyünä̧ wotüjä̧ttü̧? ¡fariseo wotürü'i̧nä̧, saduceo wotürü'i̧nä̧ ttu̧ju̧nä̧rü̧ levadura-ttümä̧ ttu̧'ȩpä̧rä̧kuä̧u̧ kka̧kuä̧tu̧kui̧ pä'ü pä'äjisä!

San Juan 4:33

päomȩnä̧, u̧wo̧juȩtä̧u̧mä̧ ukuokuäkuäwinä̧tü̧: —¿Kkorotüdí̧ tti'chächäjiyäku? pä'ü.