San Mateo 16:3 - Nuevo Testamento Uwotjüja

³ Ja̧'wa̧ta̧nü̧ yo̧ȩi̧ ja̧'a̧ku̧, mo̧ro̧jä̧ tuwa'a, ajiya isoppa'i̧nä̧ ra̧'a̧ topümä̧ pä'ätüjä̧, jitä mo̧ro̧mä̧ kkä̧rü̧'ko̧wä̧kua̧'a̧, jü̧nä̧. ¡Ä'koyättütä esetäkuäwä isotüjä̧! mo̧ro̧jä̧ jäwämä̧ adiu ku̧wo̧juä̧tu̧kua̧'a̧nä̧ ¿Tta̧'a̧nü̧ pä'ü jitä mo̧ro̧ 'kuäopümä̧ jerupätüjä̧ttü̧?

TÄ̧DO Ä̧CUÄ̧ I̧HUȨNȨ

³ Ja̧'hua̧ta̧nö̧ mo̧ro̧ juomenä, mo̧ro̧jä̧ra̧'a̧ topö pä'ätöjä: “Mo̧ro̧jä̧mä̧ tuhua'a. Ajiya isoppa'inä ra̧'a̧. Jitä mo̧ro̧ ajiya ichäcua'a.” ¡Yapareu ttö̧ja̧jä̧! Mo̧ro̧jä̧ra̧'a̧ topö huo̧juä̧tö̧jä̧ ajiya ichä̧cuȩmä̧. Ja̧'hua̧nö̧ ja̧'a̧nä̧ jitämä pi̧jä̧nä̧ 'cuäopömä yoröiso jerupätöjä.

San Mateo 16:3 Referans Kwoze

San Lucas 12:56

¡Ä'koyättütä jȩpä̧tü̧jä̧! Adiu wo̧juȩku̧nä̧ pi̧jä̧ jäwä'i̧nä̧, mo̧ro̧jä̧nä̧ jäwä'i̧nä̧ to'kuätukua'anä̧; ¿tta̧'a̧nü̧ pä'ü, pi̧yȩ mo̧ro̧ 'kuäopümä̧ wo̧juo̧ko̧tü̧jä̧ttü̧?

San Lucas 13:15

Päiyäku, Jesú-mä̧ ädätinä̧ku̧: —Ä'koyättütä esetätüjä̧, ¿ukutu'i̧nä̧ kuä̧ji̧mu̧tu̧ku̧ buey-rü'i̧nä̧, Buro-rü'i̧nä̧ ajiya ttawa pä'ümä̧, Sawaru mo̧ro̧ ȩpo̧ko̧tü̧ pä'ijä̧tü̧jä̧ tä̧jí̧?

San Mateo 11:5

Ä̧to̧kä̧'i̧jä̧tü̧'i̧nä̧ topätü, tti̧'chü̧ juiyünä̧ wotü'i̧nä̧ kue'ächätü, Repra na̧nȩpä̧tü̧'i̧nä̧ pȩji̧pä̧tü̧, ttä̧ju̧ku̧ juiyünä̧ wotü'i̧nä̧ ä̧ju̧kuä̧tü̧, 'korujuo'ächätü'inä̧ tto'ächätü ja̧'wa̧ta̧nü̧ usurä isotürü'i̧nä̧ jareü wȩnȩ ji'äkuäwia'a.

San Lucas 11:44

«¡Ukutuwe, wa'are wattomȩ totta'anä̧ Ja̧'wa̧ta̧nü̧ ttü̧ja̧ jerupü tti̧jȩda̧'a̧ jä̧'i̧nü̧'a̧nü̧ wotüjä̧!»

San Mateo 23:13

¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ mo̧ro̧jä̧ ru̧wa̧ weünä̧ dodettü juiyünä̧ tto̧'ȩpä̧rä̧tü̧jä̧. Ukututä'i̧nä̧ dode'kuätukuoka'anä̧, kkorotürü'i̧nä̧ dottächa pä'ätürü dodettü juiyünä̧ jȩpä̧tü̧jä̧.

San Mateo 22:18

Jesú-mä̧ suronä̧ jȩtta̧rü̧ pä'ü tta̧mü̧kuädü wo̧jui̧'ü̧ päinä̧u̧: —¡Ä'koyättü esetäkuäwä isotüjä̧! ¿Suronä̧ pädiyätukuaku pä'ü päkuätukua'a tä̧jí̧?

San Mateo 15:7

¡Ä'koyättütä esetätüjä̧! Isopäi'ünä̧tä̧ kutü'kütuku, profeta Isaía-mä̧ pä'inü̧:

San Mateo 7:5

¡Ä'koyättü jȩä̧kuä̧wä̧ isotü̧jä̧! Ä̧kuo̧mȩnä̧mä̧ kua̧mü̧nä̧ kui'ärenä̧ ȩjä̧'ka ikui'ka ȩmä̧u̧ ikui, ȩmä̧u̧ ikuipü'ka̧tä̧ adiu to̧'kuä̧kua̧jä̧ kui̧jä̧wa̧ i'ärenä̧ ȩjo̧'ki ȩmü̧ kuikua pä'ümä̧.

San Mateo 4:23

Jesú-mä̧, Galirea rȩjȩ o'kajuiyünä̧, sinagogas odewiyä jü̧'a̧kuä̧ kue'ächü wo̧juȩti̧nü̧. Wo̧juȩtü̧mä̧ ji'äwinü̧ jareünä̧ Ru̧wa̧ Dio weü wȩnȩ, ji'äu kkä̧nü̧mä̧ na̧nȩttü̧ttü̧'i̧nä̧, ubara ttu'u usurä ttȩmä̧u̧'i̧nä̧ aditü ikuinü̧.

Hebreos 5:14

Ja̧'wa̧nü̧ ja̧'a̧nä̧ ttu̧kuȩ 'kiyümä̧, tä̧mü̧ juo'inä̧tü̧ ttu̧kuȩ ja̧'a̧, adiu'i̧nä̧, surojü'i̧nä̧ pojokunä̧ amükuädätü.