Biblia Todo Logo
Bib sou entènèt

- Piblisite -




San Mateo 16:27 - Nuevo Testamento Uwotjüja

27 Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

Gade chapit la Kopi

TÄ̧DO Ä̧CUÄ̧ I̧HUȨNȨ

27 Ubo I̧tti̧mä̧ Jä'o esehua'attö, i̧chä̧cua̧ ángelescu o'ca toi'önä jȩtti̧nö̧ ji'äu. Adiu jȩpi̧nä̧tö̧rö̧'i̧nä̧ adiu pä̧cua̧. Suronä jȩpi̧nä̧tö̧rö̧'i̧nä̧ suronä pä̧cua̧.

Gade chapit la Kopi




San Mateo 16:27
45 Referans Kwoze  

Isopäi'ünä̧ o'katoi'ünä̧tä̧ ujutumä̧ Crito ä'ka jo̧mȩ (tribunal) pättomȩ ti̧'chi̧'ä̧kuo̧tü̧jä̧; pi̧jä̧ttü̧ ttidepänä̧ ttü̧jä̧i̧ adiunä̧ jȩti̧na̧ja̧ pä'ü'i̧nä̧, surojü jȩti̧na̧ja̧ pä'ü'i̧nä̧, jua̧u̧ mikuä tȩma̧ pä'ü iyomȩ.


Isopäi'ünä̧ Dio-mä̧ yotukunä̧ jȩtti̧nü̧'a̧kuä̧ i̧mi̧tä̧kua̧.


Ja̧'wa̧nü̧ ja̧'a̧ttü̧, ujutumä̧ o'katoi'ünä̧ ti̧jȩkuä̧kuo̧tü̧jä̧, Dio-rü; Chutä päatü pä'ü.


Isopäi'ünä̧ yotukunä̧ adiu jȩ'kuä̧tu̧ku̧mä̧, Tu̧ru̧wa̧ttü̧ mikuä kuȩmä̧kuo̧tü̧jä̧, pi̧jä̧nä̧ttü̧ u̧ru̧wa̧ kku̧nä̧rü̧ ja̧ pä'ü'i̧nä̧, u̧ru̧wa̧ to̧'a̧ ja̧ pä'ü'i̧nä̧, jü̧nä̧.


Ja̧'wa̧ta̧nü̧ mo̧ täbokütä päi'ünä̧, Adá̧ o'komenä̧ttü̧ kko̧ro̧mü̧ttü̧nü̧ todärenä̧ päi'ünä̧ winü̧ Enoc pinü̧mä̧, juätü ttütü'kü pä'inü̧: «Topätukui, Tu̧ru̧wa̧ rekuätü á̧gȩrȩ-ku̧ icha'a,


Ja̧'wa̧nü̧ ja̧'a̧ topinü̧sä̧ wa'ü ikuinä̧tü̧rü̧'i̧nä̧, tä̧mü̧rü̧'i̧nä̧, ppo̧'ä̧tü̧rü̧'i̧nä̧, ruwo dȩä̧kä̧ ä'ka jo̧mȩ ttü̧ja̧kua̧'a̧; kuyäru o'tä bawekuächina̧'a̧, ja̧'wa̧ta̧nü̧ kkoro'tä, kkä̧kuä̧wä̧ kuyäru'tä'i̧nä̧ bawekuächina̧'a̧. Wa'inä̧tü̧mä̧ jȩtti̧nü̧'a̧kuä̧ päwi'inä̧u̧, jua̧u̧ kuyäru o'tänä̧ pä'ü rütäwuö'akuä.


Ja̧'wa̧ta̧nü̧ kki̧tti̧mü̧rü̧mä̧ wa'ü ttikunä̧ jȩchä̧kua̧sä̧. Ja̧'wa̧nü̧ jo̧mȩnä̧ igresia wotümä̧ o'katoi'ünä̧ ttu̧wo̧juä̧kuo̧tü̧, tta̧mü̧kuädü'i̧nä̧, tta̧mi̧ iso'kinä̧ kka̧ku̧'i̧nä̧ chu̧wo̧juö̧mä̧; ja̧'wa̧nü̧ ja̧'a̧ttü̧ yotukunä̧rü̧ chi̧yä̧'chä̧kua̧sä̧ jȩpü̧ ttü̧ji̧nü̧'a̧kuä̧.


Ubo I̧tti̧ uruwoku ichomȩnä̧mä̧, umüwäyotü á̧gȩrȩ-ku̧ o'katoi'ünä̧ ichi'ü, uruwo dȩä̧kä̧nä̧ ü̧'ä̧mä̧dä̧kua̧.


Ja̧'wa̧nü̧ päi'omȩnä̧, ubo I̧tti̧rü̧ ajiya isoppanä̧ uruwoku, ujuruku icha'a tottäkuotü.


Jäepäku Jesú-mä̧ päinä̧ku̧: —A̧, ttütäsä. Ja̧'wa̧nü̧ ja̧'a̧ttü̧, ukutumä̧ ubo I̧tti̧rü̧ o'kajuiyünä̧ ujuru kku̧nä̧rü̧ u̧wo̧jua̧'a̧ku̧nä̧ ü̧'a̧'a̧'i̧nä̧, mo̧ro̧jä̧ttü̧ ajiya isoppanä̧ icha'a'i̧nä̧ to'kuäkuotüjä̧.


Ja̧'wa̧nü̧ ja̧'a̧ttü̧ ya̧tȩ ttü chütü'kü'i̧nä̧, chi̧wȩnȩ'i̧nä̧, pitü ukuotokotü, suronä̧ jȩpä̧tü̧ ttü̧ja̧ ttä'ka jo̧mȩttü̧ udäpekuttümä̧ ja̧'wa̧nü̧ jü̧ta̧'a̧nü̧ Ttü Ubo I̧tti̧'i̧nä̧ chä'o uruwoku, á̧gȩrȩ-ku̧ chichomȩnä̧ chüdä̧pȩkuä̧kua̧sä̧ jua̧u̧rü̧mä̧.


Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ ubo I̧tti̧ icha'a ä'kanä̧ jäwä i̧jȩkuä̧chä̧kua̧'a̧ ja̧'wa̧nü̧ päia'a topü rü̧ȩnä̧ ye'ekue'i'ü pi̧jä̧ ttü̧ja̧ o'katoi'ünä̧ ttajäkuäwäkuotü ja̧'wa̧nü̧ päi'omȩnä̧ ubo I̧tti̧ mo̧ro̧jä̧ra̧'a̧ttü̧ ajiya isoppanä̧ uruwoku, ujuruku icha'a tottäkuotü.


¡Crito-mä̧ ajiya isoppanä̧ i̧chä̧kua̧! O'katoi'ünä̧ tottä̧kua̧, Churutä dakuodänä̧ ta'inä̧tü̧'i̧nä̧ tottä̧kua̧; Ja̧'wa̧ta̧nü̧ o'katoi'ünä̧ pi̧jä̧ ttü̧ja̧mä̧ jua̧u̧ru̧ topü ttajuäkuäwäkuotü. Ja̧'wa̧nü̧ ji̧yä̧u̧. Amȩ́.


Pättinä̧u̧: —Galirea ttü̧ja̧, ¿tta̧'a̧nü̧ pä'ü mo̧ro̧jä̧ra̧'a̧ to̧pä̧rü̧ ku̧ja̧kuä̧tu̧kua̧'a̧jä̧ttü̧? Pide Jesú, ukutu ku'kä̧tȩtu̧ku̧ttü̧ mo̧ro̧jä̧ra̧'a̧ ȩmä̧wi̧'ä̧jä̧ku̧mä̧, käekuächa'a to'kuäjätukuta'anü̧, pä'äjita'anü̧'i̧nä̧ ja̧'wa̧nü̧tä̧ i̧chä̧kua̧.


Päiyäku Jesú-mä̧ ädätinä̧ku̧: —Ukutäjä̧, A̧, pä'ümä̧. Ja̧'wa̧ta̧nü̧ ttü'i̧nä̧ pä'üsä, porütä kkä̧mä̧dü̧ ukutumä̧ to'kuäkuotüjä̧ Ttürümä̧ Dio u̧wo̧jua̧'a̧ku̧nä̧ chü̧'a̧'a̧ ja̧'wa̧ta̧nü̧ mo̧ro̧jä̧ra̧'a̧ttü̧ ajiya isoppanä̧ chicha'a'i̧nä̧ to'kuäkuotüjä̧.


Ukutu Dio-rü, «Chä'o» pä'ü okuätukuttümä̧ yotukunä̧ ttaditäwä jü̧'a̧kuä̧, yoräteunä̧tä̧ pä'ätukuitü, pi̧jä̧nä̧ ku̧jä̧tu̧kuä̧i̧mä̧ kukuotätukumä̧ i̧jȩpä̧tu̧kui̧.


Ja̧'wa̧nü̧ ja̧'a̧nä̧, jitätä kkä̧mä̧dü̧ ubo I̧tti̧rü̧mä̧, ju̧ru̧wa̧ Dio u̧wo̧jua̧'a̧ku̧nä̧ ü̧'a̧'a̧ to'kuäkuotüjä̧.


Ja̧'wa̧ta̧nü̧ ya̧tȩ ttü chütü'kü'i̧nä̧, chi̧wȩnȩ'i̧nä̧ udäpekuttümä̧ ja̧'wa̧ta̧nü̧ Ttü ubo I̧tti̧'i̧nä̧ jua̧u̧ ütü'kümä̧ chü̧dä̧pȩkuä̧kua̧, Chä'o ujuruku, uruwoku, á̧gȩrȩ-ku̧ chichomȩnä̧.


Ja̧'wa̧nü̧ jü̧ta̧'a̧nü̧ jä̧kua̧'a̧ pi̧jä̧ rȩjȩ beipächü mo̧ro̧ päi'omȩnä̧mä̧: A̧gȩrȩ-mä̧ ichi'ü Dio-rü ukuotätü ttü̧'kä̧tȩttü̧ suropätürümä̧ 'kȩ'ȩpȩ'ü̧ ttikuäkuotü,


Ja̧'wa̧ta̧nü̧ juätümä̧ wo̧juä̧tü̧ mo̧ro̧jä̧ra̧'a̧ttü̧ i̧chä̧kua̧rü̧, wa'arettü tto'ächinü̧rü̧, Dio ro̧ȩpä̧kuȩttü̧ rä'epü ikuäwä i̧sa̧ Jesucrito ichakua'a tta̧kuä̧rä̧tu̧kua̧'a̧mä̧.


Chutä Tu̧ru̧wa̧tä̧ mo̧ro̧jä̧ra̧'a̧ttü̧ i̧wȩnȩku̧ we'ünü̧, Á̧gȩrȩ-tü̧ ttu̧ru̧wa̧ i̧wȩnȩku̧ ja̧'wa̧ta̧nü̧ Dio we'äwotü ttiäre trompeta rä̧mi̧pü̧nä̧ i̧mȩyȩwä̧kua̧. Ja̧'wa̧nü̧ päi'omȩnä̧, Crito-nä̧ 'korujuo'ächinä̧tü̧mä̧, ä̧kuo̧mȩnä̧ ttottächipäkuotü;


Ubó I̧tti̧mä̧ umüwäyotü á̧gȩrȩ-rü wȩä̧kua̧, chutä ru̧wa̧ jü̧nä̧ weomȩttü̧ kkorotürü ma̧ttä̧chü̧nä̧ jȩpi̧nä̧tü̧rü̧'i̧nä̧, suronä̧ jȩpä̧tü̧rü̧'i̧nä̧ o'katoi'ünä̧rü̧ ttü̧ka̧ka̧ta̧ pä'ü.


Ja̧'wa̧nü̧ ja̧'a̧ttü̧, tu̧kuȩ tukú jäwättümä̧ Dio-mä̧ ȩmo̧ko̧ujä̧; tu̧kuȩ tukuajá pä'ü'i̧nä̧ adiwämä̧ isotü pokotüjä̧, tukú juiyajá pä'ü'i̧nä̧ suropokotüjä̧.


Päku, Jesú-mä̧ ädätinü̧: —A̧wa̧ri̧tü̧mä̧ ttäjuwiyä kku̧nä̧rä̧tü̧ ja̧'wa̧ta̧nü̧ ppi̧yu̧'i̧nä̧ ttä̧'ti̧yu̧ kku̧nä̧rä̧tü̧. Ja̧'wa̧nü̧ ja̧'a̧nä̧, ubo I̧tti̧mä̧ ä'ü ü̧jo̧mȩ'i̧nä̧ jui̧'a̧.


Päiyäku, Jesú-mä̧ ädätinä̧ku̧: —Jua̧u̧mä̧ ttü ppa̧dä̧chomȩbü päi'ünä̧ ü̧ja̧ pädüttümä̧ttü̧, ¿ja̧'wa̧nü̧ ja̧'a̧nä̧ ukú jäwämä̧kü̧? Ukumä̧, cho'ka'anä̧tä̧ ichi.


Ja̧'wa̧nü̧ päjiyä̧u̧, jua̧u̧ u̧mü̧wä̧ya̧ pä'ijü ütü'kümä̧, jitütä u̧wo̧juȩtä̧u̧mä̧ juo'ekuinä̧tü̧, jua̧u̧mä̧ wa'ü ikuoküdo pä'ü. Ja̧'wa̧nü̧ ja̧'a̧nä̧ Jesú-mä̧ 'korujuoächokä̧kua̧ pä'ümä̧ pä'okü pinü̧, ji̧nä̧somä̧ pä'inü̧: «Jua̧u̧rü̧mä̧, ttü chichomebü päi'ünä̧ ü̧ja̧ pädüttümä̧ttü̧, ¿Ukú jäwämä̧kü̧?», jü̧nä̧tä̧.


Ttaditäwämä̧ wäjuönä̧ i̧jȩkuä̧chä̧kua̧'a̧ jȩtti̧nü̧'a̧kuä̧ ü'ojo'ü mo̧ro̧ päi'omȩnä̧; isopäi'ünä̧ jua̧u̧nü̧ mo̧ro̧mä̧ okuränä̧tä̧ i̧jȩkuä̧chä̧kua̧'a̧; ja̧'wa̧nü̧ ja̧'a̧ttü̧ yotukunä̧ jȩtti̧nü̧mä̧ okuränä̧tä̧ kka̧kuä̧mü̧ toäkuäwäkua'a.


Ja̧'wa̧nü̧ ja̧'a̧nä̧ yotukunä̧rü̧ pä'ü rütäu'akuä jä̧kua̧'a̧: Ä̧kuo̧mȩnä̧mä̧ Crito ji̧na̧'a̧, jua̧u̧nü̧ o'ka'amä̧ Crito-rü esetätürü jä̧kua̧'a̧, Chutä ichomȩnä̧.


Ja̧'wa̧nü̧ ja̧'a̧nä̧, surojü jȩpü̧rü̧mä̧ ro̧ȩkuä̧kua̧'a̧, jȩi̧nü̧'a̧kuä̧, isopäi'ünä̧ Dio-mä̧ yoräteunä̧tä̧ jȩa̧'a̧ttü̧.


Ja̧'wa̧nü̧ ja̧'a̧nä̧ chawaruwä chü̧jä̧wa̧tü̧, ukutumä̧ tü̧ä̧nä̧wa̧ ichomȩbü päi'ünä̧ kua̧mi̧'ki'ächi'ü tta̧'a̧rä̧tu̧kui̧. Kuäwä kku̧nä̧wä̧ i̧sa̧ u̧wä̧ju̧ adiu jo̧mȩnü̧ ja̧'a̧ ü̧ka̧ka̧ta̧ pä'ümä̧ a̧'ȩ juwa'anä̧ a̧mi̧ 'ki'ächi'ü tta̧'a̧rü̧ kkü̧


Ja̧'wa̧nü̧ ja̧'a̧ttü̧, chi̧tti̧mü̧ wotü, Chutä Crito-nä̧ kka̧kuä̧tu̧kui̧. Jua̧u̧ ichü mo̧ro̧ päi'omȩnä̧ jo̧mȩnü̧ kua̧'kua̧ wȩnä̧rü̧ kui̧jȩkuä̧tu̧kuä̧kua̧'a̧nü̧, dä'ä ttukuätuku juiyäkua'anü̧.


Swiv nou:

Piblisite


Piblisite