San Mateo 16:19 - Nuevo Testamento Uwotjüja

¹⁹ Ukurumä̧ mo̧ro̧jä̧ ru̧wa̧ weü bawekuä llawi o̧kä̧ chi̧yä̧kua̧jä̧; pi̧jä̧nä̧ttü̧ uku ku̧nü̧'kümä̧ mo̧ro̧jä̧nä̧ttü̧'i̧nä̧ nü̧'kächi'äkua'a; ja̧'wa̧ta̧nü̧ pi̧jä̧nä̧ttü̧ kuejädümä̧, mo̧ro̧jä̧nä̧ttü̧'i̧nä̧ ejächi'äkua'a.

TÄ̧DO Ä̧CUÄ̧ I̧HUȨNȨ

¹⁹ Dios ö̧jo̧mȩ äpate bahuecuahui chi̧yä̧cua̧jä̧. Pi̧jä̧nä̧ cuä̧ppö̧tä̧rö̧mä̧, mo̧ro̧jä̧nä̧'i̧nä̧ Dios ä̧ppö̧tä̧rä̧cua̧. Pi̧jä̧nä̧ huecumä, mo̧ro̧jä̧nä̧'i̧nä̧ Dios huȩä̧cua̧.

San Mateo 16:19 Referans Kwoze

San Mateo 18:18

Isopäi'ünä̧ pädäu̧jä̧ pi̧jä̧nä̧ttü̧ ku̧nü̧'kätukumä̧ mo̧ro̧jä̧ra̧'a̧ttü̧'i̧nä̧ nü̧'kächi'äkua'a; ja̧'wa̧ta̧nü̧ pi̧jä̧nä̧ttü̧ kuejädätükumä̧ mo̧ro̧jä̧ttü̧'i̧nä̧ ejächi'äkua'a.

Apocalipsis 1:18

ja̧'wa̧ta̧nü̧ jitämä̧ a̧'kua̧rü̧sä̧, ya'utenä̧mä̧ 'korujuo'ächinü̧sä̧; ja̧'wa̧nü̧ ji̧na̧'a̧nä̧ jitämä̧, mo̧ro̧ kki̧ä̧mü̧nä̧ kkü̧sä̧. Ja̧'wa̧ta̧nü̧ wa'are ujuru u̧wä̧mȩnä̧ wa̧sä̧, chujurumä̧.

Apocalipsis 3:7

«Ja̧'wa̧ta̧nü̧ Firadefia-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü surojü jui̧'a̧mä̧ ja̧'wa̧ta̧nü̧ jueü wȩnȩ ukuokumä̧, ru̧wa̧ Dawi üäre yäwi kku̧nä̧rü̧mä̧, bawepomȩnä̧'i̧nä̧ ya̧tȩ'i̧nä̧ mü̧'ȩpü̧ juiyünä̧ wa̧mä̧ ja̧'wa̧ta̧nü̧ mü̧ȩpo̧mȩnä̧'i̧nä̧ ya̧tȩ'i̧nä̧ bawepü juiyünä̧ wa̧mä̧ pä'ü:

San Juan 20:23

Suronä̧ jȩtto̧mȩnä̧, mikuä pä'ü jȩ'kuä̧tu̧ku̧ juiyüttü̧mä̧, ukuturu'i̧nä̧ mikuä jo̧ka̧'a̧ jä̧kua̧'a̧; ja̧'wa̧nü̧ ja̧'a̧nä̧ surojü jȩtto̧mȩnä̧ mikuä jȩpü̧rü̧mä̧, churutä'i̧nä̧, mikuä jȩä̧kuä̧wä̧kua̧'a̧.

Apocalipsis 11:6

Pitümä̧ ttujuru kku̧nä̧rä̧tü̧, mo̧ro̧jä̧ttü̧ ajiya ichü juiyünä̧ jȩtta̧ pä'ü'i̧nä̧, jü̧nä̧, jittäu mo̧ro̧mä̧; ja̧'wa̧ta̧nü̧ ajewiyänä̧'i̧nä̧ ttujuru kku̧nä̧rä̧tü̧, ttukuojatä päi'ünä̧ jȩtta̧ pä'ümä̧. Ja̧'wa̧ta̧nü̧ pi̧jä̧nä̧ttü̧ surojünä̧ jȩtta̧ pä'ü'i̧nä̧, ttujuru kku̧nä̧rä̧tü̧, jȩttü̧nä̧tä̧ pä̧wä̧rü̧jo̧mȩnä̧mä̧.

2 Corintios 2:10

Ja̧'wa̧nü̧ ja̧'a̧ttü̧, ukutu'i̧nä̧ eseku kuikuätukuäkurumä̧, ttü'i̧nä̧ chesekuäku. Ttümä̧ chesekuinä̧ku̧, ukutu jäwänä̧, Crito ä'ka jo̧mȩttü̧mä̧.

Apocalipsis 9:1

Ji̧mü̧tȩ jäwä i̧sa̧ á̧gȩ üäre trompeta ppüomȩnä̧, mo̧ro̧jä̧ra̧'a̧ttü̧ pi̧jä̧ra̧'a̧ku̧ ma̧'ä̧ji̧ siri'korü topinü̧sä̧; jua̧u̧ru̧, dȩa̧'a̧ku̧ 'kuȩya̧ppa̧ jäjú rejú llawi iyäwi'ina̧'a̧.

1 Tesalonicenses 4:8

Ja̧'wa̧nü̧ ja̧'a̧ttü̧, pi̧yȩ kkü'kokümä̧, ttü̧ja̧sa̧rü̧mä̧ ya'okuokü; Dio-rütä ya'oku, Epíritu Sa̧tu̧rü̧ iyinü̧rü̧.

Hechos 15:7

Ja̧'wa̧nü̧ pȩjä̧mä̧jä̧'kotü, rekuätü ttukuokuäji o'ka'a, Peduru ä̧rä̧mi̧'ü̧ päinä̧u̧: Chawaruwä chi̧jä̧wa̧tü̧ ukutumä̧ wo̧juä̧tü̧jä̧, ukutu ku̧'kä̧tȩtu̧ku̧ttü̧, judío pokotürü, jareü wȩnȩ, Dio i̧wȩnȩ juätü'i̧nä̧ ttesetünä̧ jidäwiyarü pä'ü, ttürü ȩmi̧nü̧mä̧.