San Mateo 15:32 - Nuevo Testamento Uwotjüja

³² Jesú-mä̧ u̧wo̧juȩtä̧u̧rü wopo'ü pä'inü̧: —Täkü wäbodäkuä mo̧ro̧ päi'ünä̧ ttüku ttü̧jä̧ja̧'a̧, ttu̧kuȩ juiya'a topü pitü ttü̧ja̧rü̧ rȩrü̧jü̧ topüsä. Ttukua ppäinä̧mä̧ ttojusodera̧'a̧ tti̧wa̧ pä'ümä̧ wedü juiyü'anü̧ jä̧ku̧sä̧ ja̧'wa̧nü̧ wedüttümä̧ mä̧nä̧ttü̧ ttidiyawächi'ü 'kua̧ra̧'a̧.

TÄ̧DO Ä̧CUÄ̧ I̧HUȨNȨ

³² Ja̧u̧nu̧ o'ca'a Jesús u̧huo̧juȩtä̧u̧ru̧ huopö pä'inödo: —Pitörö cha̧'cua̧ tta̧ jö̧nä̧ topösä. Täcö huäbodäcuä mo̧ro̧ ja̧'a̧ ttöcu cuettächäja'amä ttu̧cuȩ beipächäja'a. Ttojusodera̧'a̧ ttu̧cuȩ ttucuoca'amä hueda pä'ocösä. Ja̧'a̧tä̧ tti̧'chö̧ttö̧mä̧ mä̧nä̧nä̧ 'chä̧nö̧ ttijuiyuhuächi'ö'a̧nö̧ ja̧'a̧.

San Mateo 15:32 Referans Kwoze

San Mateo 9:36

Ja̧'wa̧nü̧ ja̧'a̧ ttü̧ja̧ rekuätürü topü, rȩrü̧jü̧nü̧ toinä̧u̧, usurä ȩmä̧u̧ ttipperekuächini̧yä̧ku̧, oweja-tü̧ ttu̧ru̧wa̧ pató to'ätü 'kua̧rü̧nä̧ ttü̧ja̧kui̧yä̧ku̧.

Hechos 27:33

Täkü, mo̧ro̧ juomȩnä̧, Pauru-mä̧ o'katoi'ünä̧rü̧ ukuokuinü̧ ttu̧kuȩ ttukuiyarü pä'ü:

Hebreos 4:15

Isopäi'ünä̧ ujutu tijuiyüwa'a rettü ppädü'anü̧ wa̧mä̧ to'ätüjä̧ ukuo i̧sa̧ sacerdote-tü̧ ttu̧ru̧wa̧mä̧. Ja̧'wa̧nü̧ ja̧'a̧nä̧, Jua̧u̧tä̧tä̧ ja̧'a̧, ujutu ta̧'a̧nü̧ wa̧rü̧ kka̧kuä̧mȩ'ü̧ toinä̧ku̧mä̧; ja̧'wa̧nü̧ ja̧'a̧nä̧ yoriso surojümä̧ jȩpo̧kü̧ pinü̧.

San Lucas 7:13

Toomȩnä̧, Jesú-mä̧ rȩrü̧jä̧chi̧'ä̧ku̧, juäjuru pä'inü̧: —Täkü kuajuäwä.

San Marcos 9:22

Ja̧'wa̧ta̧nü̧ kkoronü̧mä̧ epíritu su̧ro̧pa̧mä̧ okuränä̧'i̧nä̧, ajiyanä̧'i̧nä̧ kuä'ü ikua pä'ü jȩä̧'i̧jä̧ku̧. Ja̧'wa̧nü̧ ja̧'a̧ttü̧ ji̧yȩtȩ jȩ'kua̧'a̧nü̧ jü̧ttü̧mä̧ ujuturu rȩrü̧jü̧nü̧ topü ppä'äditü.

San Mateo 27:63

'chä̧jä̧'kotümä̧ pä'inä̧tü̧: —Tu̧ru̧wa̧, chupinü̧ yaparewinü̧mä̧, ji̧nä̧ pi̧jä̧nä̧ ü̧jä̧i̧mä̧ wäbodäkuä mo̧ro̧ päi'omȩnä̧ tto̧dä̧chä̧kua̧sä̧ pä'inü̧ ji̧nü̧, amükuädätüjä̧.

San Mateo 20:34

Rȩrü̧jü̧nü̧ topü, Jesú-mä̧ tti'ärenä̧ mȩo̧mȩnä̧ yotäku tottünä̧ päi'inä̧u̧. Täkü, jua̧u̧nu̧tä̧ chutäku 'chi̧nä̧tü̧.

San Mateo 12:40

Ja̧'wa̧nü̧ ja̧'a̧ttü̧, wäbodäkuä mo̧ro̧ jo̧mȩnä̧, wäbodäkuä yodó jo̧mȩnä̧ büó po̧i̧sa̧ üakuä jakuä Joná ȩki̧nü̧ta̧'a̧nü̧, ubo I̧tti̧'i̧nä̧ rȩjȩ jakuä ȩkä̧kua̧.

San Mateo 14:13

Jesú-mä̧ Ju̧a̧ toeächäji jittäwa'a ä̧ju̧kui̧'i̧pü̧tä̧, juorümä̧ woi'kanä̧ rä'opächü 'chi̧nü̧ dȩ'a̧ra̧'a̧ ttü̧ja̧ tomȩku̧. Ja̧'wa̧nü̧ i̧'chä̧ja̧'a̧ ä̧ju̧ku̧ ttü̧ja̧mä̧ ütawiyä pünä̧ttü̧ rä'opü rȩjȩnä̧ rutti'inä̧ku̧.

San Mateo 15:33

U̧wo̧juȩtä̧u̧mä̧ pättinä̧ku̧: —Jua̧u̧nu̧mä̧, ¿torü tü̧'o̧kui̧'ä̧kua̧'a̧jä̧ttü̧, pa̧'a̧nü̧ ttü̧ja̧ rekuätü ttukua pä'ümä̧, ttü̧ja̧'i̧nä̧ toächomȩ ja̧'a̧mä̧?