San Mateo 15:31 - Nuevo Testamento Uwotjüja

³¹ Ttü̧ja̧mä̧ to̧o̧ to̧ttä̧rü̧nä̧tä̧ päi'ünä̧ ukuokuokotü päjätümä̧ ukuokuinä̧tü̧, ttidepättü ji̧yȩtȩ jui'ätü'i̧nä̧ adiwächinä̧tü̧, ppi̧sä̧ ppi̧sä̧ 'chä̧jä̧tü̧'i̧nä̧ adiu kue'ächinä̧tü̧ ja̧'wa̧ta̧nü̧ ä̧to̧kä̧jä̧tü̧'i̧nä̧ topinä̧tü̧. Ja̧'wa̧nü̧ ji̧yä̧u̧ Irae ttü̧ja̧ ttü̧ä̧nä̧wa̧ Dio-rütä esewinä̧tü̧.

TÄ̧DO Ä̧CUÄ̧ I̧HUȨNȨ

³¹ Ja̧'hua̧ ja̧'a̧ ttö̧ja̧ to̧pä̧rö̧ ka̧cui̧nä̧tö̧do tti̧huȩnȩ jui'ätö ttucuocua'a topö. Ttöjo jui'ätö'inä adiu päi'inä̧u̧do. Cue'ächocotö cuettächa'a'inä, ä̧to̧cä̧tö̧ totta'a'inä to̧pä̧rö̧ ka̧cui̧nä̧tö̧do. Jahuätömä Israel ttö̧jä̧ Diosrö eseunu ucuocuinätödo.

San Mateo 15:31 Referans Kwoze

San Mateo 9:8

Ja̧'wa̧nü̧ ja̧'a̧ topü ttü̧ja̧mä̧ ukuo te'äunu̧, Dio-rü esewinä̧tü̧, ttü̧ja̧rü̧ ttukuo iyini̧yä̧u̧.

San Lucas 18:43

Päüta'anü̧, yotäku ü'äremä̧ ye'ädü topü, Dio-rü rü̧ȩnä̧ eseunu̧, Jesú o'ka'anä̧ 'chi̧nü̧. Ja̧'wa̧nü̧ ja̧'a̧ topü ttü̧ja̧mä̧, Dio-rü rü̧ȩnä̧ eseäkuäwinä̧tü̧.

San Lucas 7:16

Ja̧'wa̧nü̧ ja̧'a̧ topü o'katoi'ünä̧tä̧ ye'ünü̧, Dio-rü eseäkuäu, pä'inä̧tü̧: —Ujutu tü̧'kä̧tȩnä̧ttü̧, rü̧ȩnä̧ profeta wa̧ rä'opü. Pä'ükkä̧nü̧ pä'inä̧tü̧: —Dio-mä̧ ujutu u̧mü̧wä̧yotürü ppä'ädü ichäji ja̧'a̧.

San Mateo 18:8

Ja̧'wa̧nü̧ ja̧'a̧ttü̧ ku̧mü̧'i̧nä̧, ku̧jä̧pü̧'i̧nä̧ surojünä̧ ma̧kuä̧chü̧nä̧ jȩü̧ttü̧mä̧ 'kui'opü iku, ukuttümä̧ do'opü ikui; adiu'anü̧ ja̧'a̧ ku̧mü̧pi̧yä̧'i̧nä̧, kui̧jä̧pi̧yä̧'i̧nä̧ juikua'anä̧ ä̧'kua̧rä̧kuä̧wä̧ra̧'a̧ dokuächüttümä̧ ja̧'wa̧nü̧ jo̧ka̧'a̧ jü̧ttü̧mä̧ ku̧mü̧ pi̧yä̧'i̧nä̧, kui̧jä̧pi̧yä̧'i̧nä̧ jättäjiku okurä na̧wi̧pokorära̧'a̧ iku ikuäwä̧kua̧jä̧.

San Mateo 9:33

Jesú epíritu su̧ro̧pa̧rü̧ rä'epü ikuomȩnä̧; i̧wȩnȩ jui'äjimä̧ jua̧u̧nu̧tä̧ kkä̧mä̧dü̧ ukuokuinü̧. Ukuokuiyä̧u̧ ttü̧ja̧mä̧ rü̧ȩnä̧ amükuädünü̧ pä'inä̧tü̧: —¡Iraettümä̧ pa̧'a̧nü̧ jü̧mä̧ yorisotä topokotü pä'ijätüjä̧!

San Juan 9:24

Pä'äji jä̧ji̧ta̧'a̧nü̧ ä̧to̧ki̧nü̧ päjirü judío-mä̧ wopo'ü pättinä̧ku̧: —¡Isopäi'ünä̧ Dio jäwä ja̧'a̧ pä'ü, Dio-rü esewi. Ujutumä̧, jua̧u̧ru̧mä̧ surojü kku̧nä̧rü̧ pä'ätüjä̧!

San Lucas 14:21

U̧mü̧wä̧ya̧mä̧ jua'attü ppa̧'ä̧chi̧'ü̧, o'kajuiyünä̧tä̧ u̧ru̧wa̧rü̧ ji'äwinü̧. Jiäwäku, a̧mi̧surächi'äku u̧ru̧wa̧mä̧, u̧mü̧wä̧ya̧rü̧ pä'inü̧: Jitätä ütawiyära̧'a̧ rä'opächü mä̧ni̧yä̧ bäreunä̧'i̧nä̧, ppo̧ü̧nä̧'i̧nä̧ kue'ächü o'äji usurä isotürü, tti̧'chü̧ juiyünä̧ wotürü, ä̧tokä̧tü̧rü̧, kkoppe kkoppenü̧ kue'ächätürü'i̧nä̧, jü̧nä̧.

San Lucas 14:13

Ja̧'wa̧nü̧ ja̧'a̧ttü̧, pä'käri jȩ'kuo̧mȩnä̧mä̧ ä̧tȩpi̧, usurä isotürü, tti̧'chü̧ juiyünä̧ wotürü, ttüjowiyä jui'ätürü, ä̧to̧kä̧tü̧rü̧;

San Marcos 9:43

Ja̧'wa̧ta̧nü̧ ku̧mü̧ suronä̧ jȩä̧kuä̧wä̧nä̧ ma̧kuä̧chü̧nä̧ jȩü̧ttü̧mä̧ 'kui'oku ikuí; a̧'kua̧rä̧kuä̧wä̧ra̧'a̧ ji̧mü̧tȩ jui̧'a̧ dokuächüttütä adiu'anü̧ ja̧'a̧; ja̧'wa̧nü̧ jü̧ juiyüttümä̧ ku̧mü̧pi̧yä̧ to̧mü̧rȩkue'ü ku̧ju̧nä̧ra̧ja̧ pä'üdä̧jä̧ okurä na̧wi̧pokorära̧'a̧ iku ikuäwäkua̧jä̧.

San Marcos 7:37

Isoo pä'ü kkä̧nü̧ pä'inä̧tü̧; o'kajuiyünä̧tä̧ adiu jȩpü̧, ä̧ju̧kuo̧ko̧tü̧rü̧'i̧nä̧ ttä̧ju̧ku̧nä̧tä̧ ja̧'wa̧ta̧nü̧ tti̧wȩnȩ jui'ätürü'i̧nä̧ ttukuokunä̧tä̧ jȩa̧'a̧ttü̧, pä'inä̧tü̧.

San Marcos 2:12

Ja̧'wa̧nü̧ päku, na̧'ä̧chä̧ji̧mä̧, yotäku ä̧rä̧mi̧'ü̧ ttü̧ja̧ o'katoi'ünä̧ ttä'ka jo̧mȩttü̧ ü̧'ä̧bä ȩmi̧pü̧, juorümä̧ rä'opächü, 'chi̧nü̧. Ja̧'wa̧nü̧ ji̧yä̧u̧, o'katoi'ünä̧, Dio-rü eseäkuäu, pä'inä̧tü̧: —Yoriso, pa̧'a̧nü̧ jü̧mä̧ topokotü pä'ijä̧tü̧jä̧, jü̧nä̧.

San Mateo 21:14

Ja̧'wa̧nü̧ ja̧'a̧, Dio-rü ukuokuäkuäwodettümä̧ ä̧to̧kä̧tü̧'i̧nä̧, ppi̧sä̧ ppi̧sä̧ 'chä̧tü̧'i̧nä̧ Jesú ü̧ja̧'a̧ku̧ tticha'a, aditü ikuinä̧u̧:

San Mateo 8:10

Ja̧'wa̧nü̧ pä'a ä̧ju̧ku̧, Jesú-mä̧ rü̧ȩnä̧ amükuädünü̧ chutäku 'chä̧tü̧rü̧ pä'inü̧: —Isopäi'ünä̧ pädäu̧jä̧, Iraettümä̧ ya̧tȩrü̧'i̧nä̧ po̧kui̧po̧kü̧ pä'ijüsä, pa̧'a̧nü̧ rü̧ȩnä̧ a̧'kua̧ wȩnä̧rü̧rü̧mä̧.

San Mateo 9:32

Juätümä̧ rättopächa'anä̧, kkorotümä̧ Jesú ü̧jo̧mȩku̧ i̧wȩnȩ jui̧'a̧rü̧, epíritu su̧ro̧pa̧ ü̧jä̧ku̧ru̧ i'kächipinä̧tü̧.

San Mateo 15:30

Ttü̧ja̧ rekuätü ka̧ka̧kui̧nä̧tü̧, tti̧'chü̧ juiyünä̧ wotürü'i̧nä̧, ä̧tokä̧tü̧rü̧'i̧nä̧, kuächo̧kä̧u̧ru̧'i̧nä̧, ukuokuokotürü i'chächinä̧tü̧ ja̧'wa̧ta̧nü̧ kkorotü rekuätü na̧nȩpä̧tü̧rü̧ i'chächü Jesú ü̧jä̧pü̧ kkada'ka ttü̧tä̧u̧rü̧mä̧ aditü ikuini̧yä̧u̧.