San Mateo 15:28 - Nuevo Testamento Uwotjüja

²⁸ Ja̧'wa̧nü̧ ja̧'a̧ Jesú-mä̧ päinä̧kua̧: —¡Isoo tta̧'kua̧ wȩnä̧rä̧kuä̧wä̧ rü̧ȩnä̧ kku̧nä̧rä̧ju̧jä̧ttü̧! jua̧u̧nu̧mä̧ kuju'komȩnä̧ 'kuäopä̧kua̧jä̧. Päomȩnä̧, kkittijumä̧ jua̧u̧tä̧ hora-nä̧ na̧jä̧chä̧ji̧ttü̧mä̧ pi̧'i̧nä̧ju̧.

TÄ̧DO Ä̧CUÄ̧ I̧HUȨNȨ

²⁸ Ja̧'hua̧ ja̧'a̧ttö̧ Jesús päinäcuado: —Isaju, rö̧ȩnä̧ esetäjujä. Ucu cuesetö ta'anö, cuittiju adiu kö̧'i̧pä̧cua̧ju̧, —pä'inödo. Ja̧'hua̧nö̧ päomenä, kittiju pi̧'i̧nä̧ju̧do.

San Mateo 15:28 Referans Kwoze

San Mateo 8:13

Jua̧u̧ o'ka'a Jesú-mä̧ su̧ro̧do̧u̧ ttu̧ru̧wa̧rü̧ pä'inü̧: —Täkü kuojusodera̧'a̧ täi, kuesetäji'a̧kuä̧ 'kuäopä̧kua̧jä̧. Päomȩnä̧ su̧ro̧do̧u̧ ttu̧ru̧wa̧ u̧mü̧wä̧ya̧mä̧, jua̧u̧nu̧tä̧ kkä̧mä̧dü̧ na̧wä̧chä̧ji̧mä̧ pi̧'i̧nü̧.

San Marcos 5:34

Ja̧'wa̧nü̧ jijäwäku, Jesú-mä̧, päinä̧kua̧: —Chittiju, kua̧'kua̧ ku̧wȩnä̧ra̧'a̧ttü̧ na̧kuä̧chü̧ttü̧mä̧ pi̧'ä̧ju̧jä̧. Kua̧'kua̧ tta̧kuȩkuo̧ka̧'a̧ täi, täkü kumä̧richeittümä̧ pi̧'ä̧jä̧ju̧jä̧.

San Mateo 9:22

Ja̧'wa̧nü̧ jä̧ku̧ Jesú-mä̧ aboja̧'a̧ku̧ kkärächi'ü, topü päinä̧kua̧: —Chittiju esewipi, kua̧'u̧ ku̧wȩnä̧ro̧mȩttü̧ na̧kuä̧chü̧ttü̧mä̧ pi̧'ä̧jä̧ju̧jä̧. Päüta'anü̧, yotäku na̧ja̧chä̧'i̧jü̧ttü̧mä̧ pi̧'i̧nä̧ju̧.

San Mateo 8:10

Ja̧'wa̧nü̧ pä'a ä̧ju̧ku̧, Jesú-mä̧ rü̧ȩnä̧ amükuädünü̧ chutäku 'chä̧tü̧rü̧ pä'inü̧: —Isopäi'ünä̧ pädäu̧jä̧, Iraettümä̧ ya̧tȩrü̧'i̧nä̧ po̧kui̧po̧kü̧ pä'ijüsä, pa̧'a̧nü̧ rü̧ȩnä̧ a̧'kua̧ wȩnä̧rü̧rü̧mä̧.

San Lucas 17:5

Apótore-mä̧ ttu̧ru̧wa̧rü̧ pä'inä̧tü̧: —Yabonü̧ ta̧'kua̧ tu̧wȩnä̧rü̧nä̧ ppä'äditü.

San Lucas 7:50

Ja̧'wa̧nü̧ ja̧'a̧nä̧, Jesú-mä̧ yabonü̧ juäjuru pä'inü̧: —Kua̧'kua̧ ku̧wȩnä̧ro̧mȩttü̧ kki̧'ä̧ju̧jä̧. Wȩnȩ juiyünä̧tä̧ täi.

San Lucas 7:9

Ja̧'wa̧nü̧ pätta'a ä̧ju̧ku̧, Jesú-mä̧, to̧o̧ to̧ä̧ra̧'a̧ttü̧ esewipünä̧nü̧, o'ka'anä̧ 'chä̧tü̧ ttü̧ja̧rü̧ kkärächi'ü pä'inü̧: —Isopäi'ünä̧ pä'üsä ukuturu: Irae ttü̧ja̧ttü̧'i̧nä̧ pa̧'a̧nü̧ rü̧ȩnä̧ tta̧'kua̧ ttu̧wȩnä̧ra̧'a̧mä̧ topokü pä'ijüsä.

2 Tesalonicenses 1:3

Chi̧jä̧wa̧tü̧, 'kuäopünä̧tä̧ Dio-rümä̧ teseu'anü̧ ja̧'a̧, ukutunä̧mä̧; isopäi'ünä̧ kua̧'kua̧ ku̧wȩnä̧rä̧tu̧ku̧mä̧ yabokutä rü̧ä̧cha̧'a̧ ja̧'wa̧ta̧nü̧ ujutu ya̧ku̧nä̧ kkorotürü teseäkuäumä̧ yabokutä rü̧ä̧cha̧'a̧.

San Mateo 14:31

Woäku, Jesú-mä̧ yotäku u̧mü̧ttü̧ 'chu'ädü päinä̧ku̧: —¡Tta̧'u̧ wȩnä̧rä̧kuä̧wä̧ a̧'u̧kua̧jä̧! ¿Tta̧'a̧nü̧ pä'ü esetoküjä̧ttü̧?

San Mateo 15:27

Päomȩnä̧ kkädätinä̧ku̧: —Isopäi'ünä̧tä̧ ja̧'a̧ Chu̧ru̧wa̧; ja̧'wa̧nü̧ ja̧'a̧nä̧ ä̧wi̧ri̧tü̧'i̧nä̧ tturuwotü ttukuomenä̧ mesa isodättü ttawäu kuätü.