San Mateo 15:26 - Nuevo Testamento Uwotjüja

²⁶ Päjomȩnä̧ ädätinä̧kua̧: —adiwoka'a tti̧tti̧mü̧ ttu̧kuȩ jä̧ji̧, ä̧wi̧ri̧tü̧rü̧ iyäwänä̧mä̧.

TÄ̧DO Ä̧CUÄ̧ I̧HUȨNȨ

²⁶ Jesús päinäcuado: —Iso päi'önä ppo̧'ä̧tö̧ ttu̧cuȩ i̧ri̧si̧ ȩmi̧pö̧, ä̧hui̧ri̧tö̧rö̧ iyähuocö.

San Mateo 15:26 Referans Kwoze

San Mateo 7:6

Dio jäwämä̧ ä̧wi̧ri̧tü̧rü̧mä̧ kuiyätukuä, ukuturutä ttaboiyotü juo'epü yü̧yü̧pü̧ ttikuiyätukuäku ja̧'wa̧ta̧nü̧ ido'ki rü̧ȩnä̧ mikuäwo'kimä̧ ku̧chi̧tü̧ ttä'kamä̧ kuikuätukuä 'kuȩ'ku̧ ttikuiyätukuäku.

Filipenses 3:2

Rü̧ȩnä̧ tta̧'ä̧rä̧kuä̧u̧ kka̧kuä̧tu̧kui̧ ä̧wi̧ri̧tü̧ 'kua̧rü̧nä̧ jȩpä̧tü̧rü̧, surojünä̧ aditätürü, circuncisión pättü jȩpä̧tü̧rü̧;

Efesios 2:12

Amükuädätukui ji̧yȩnü̧ mo̧ro̧mä̧ Crito-ttümä̧ otó winä̧tü̧jä̧, Irae ttü̧ja̧ttü̧'i̧nä̧ ikuikuotü winä̧tü̧jä̧. Ja̧'wa̧ta̧nü̧ Dio iya pä'ü esekuinü̧ttü̧'i̧nä̧ otó winä̧tü̧jä̧, tta̧'ä̧rü̧ kuamükuä̧rä̧tu̧ku̧'i̧nä̧ jui'inä̧tü̧jä̧, Dio-rü'i̧nä̧ pi̧jä̧ttü̧mä̧ to'inä̧tü̧jä̧.

Gálatas 2:15

Ujutumä̧ judío-jä̧ tuwäpächinü̧tä̧ päi'ünä̧, ja̧'wa̧nü̧ ja̧'a̧ttü̧ surojümä̧ jȩpo̧ko̧tü̧jä̧ judío pokotü jȩttü̧'a̧nü̧mä̧.

Apocalipsis 22:15

Ja̧'wa̧nü̧ ja̧'a̧nä̧ suropätü'i̧nä̧, märipä jȩpä̧'chä̧tü̧'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧ttü̧'i̧nä̧, ttü̧ja̧rü̧ kuä'äwätü'i̧nä̧, tätäwä'kiyu esetätü'i̧nä̧ ja̧'wa̧ta̧nü̧ o'katoi'ünä̧ eseu, yapareäkuäwänä̧ kka̧kuä̧tü̧'i̧nä̧ u̧mi̧nä̧tä̧ ttü̧ja̧kui̧'ä̧kuo̧tü̧.

Romanos 9:4

Juätümä̧ Irae i̧tti̧mü̧ isotü ttomȩttü̧ ja̧'wa̧ta̧nü̧ Dio i̧tti̧mü̧ jü̧nä̧ ȩmi̧nä̧u̧ tta'attü̧; Dio-mä̧ juätütäku kki̧nü̧, ujuru'i̧nä̧ i̧jȩpi̧nä̧u̧ ja̧'wa̧ta̧nü̧ juätütäku eseku, jȩttä̧kuȩ wȩnȩ'i̧nä̧ iyinä̧u̧. Isopäi'ünä̧ ttesewarü pä'ü wo̧juȩtü̧ kkä̧nü̧, i̧yä̧kuȩ'i̧nä̧ ukuokuinä̧u̧.

San Mateo 15:25

Ja̧'wa̧nü̧ ja̧'a̧nä̧ ä'ka jo̧mȩ 'chä̧wi̧'ü̧ kkiwe'kiyunä̧ pä̧mä̧dü̧ pä'inä̧ju̧: —¡Chu̧ru̧wa̧, ppä'ädittü!

San Mateo 15:27

Päomȩnä̧ kkädätinä̧ku̧: —Isopäi'ünä̧tä̧ ja̧'a̧ Chu̧ru̧wa̧; ja̧'wa̧nü̧ ja̧'a̧nä̧ ä̧wi̧ri̧tü̧'i̧nä̧ tturuwotü ttukuomenä̧ mesa isodättü ttawäu kuätü.