San Mateo 15:22 - Nuevo Testamento Uwotjüja

²² Ja̧'wa̧nü̧ ja̧'a̧ juä̧jä̧ rȩjȩttü̧ canaá̧ ttü̧ja̧saju ü̧jo̧mȩku̧ ichi'ü wojinä̧ku̧: —¡Dawi I̧tti̧, Chu̧ru̧wa̧ rȩrü̧jü̧ topittü! ¡epíritu su̧ro̧pa̧ chittijünä̧ ü̧ja̧'a̧ rü̧ȩnä̧ usurä kkȩmä̧u̧nä̧ jȩi̧yä̧kua̧sä̧!

TÄ̧DO Ä̧CUÄ̧ I̧HUȨNȨ

²² Yajute isaju, cananea ttö̧ja̧ isaju, juhua'a ki̧nä̧ju̧do. Jahuäju Jesúsru ichi'ö huopinäjudo: —¡Chu̧ru̧hua̧, David I̧tti̧, ttörö re rö̧jö̧nä̧ topittö! Chittijumä espíritu su̧ro̧pa̧rö̧ ku̧nä̧rä̧ju̧. Rö̧ȩnä̧ ubara ttu'äju.

San Mateo 15:22 Referans Kwoze

San Mateo 9:27

Jesú juorü räopächomȩnä̧, ä̧to̧kä̧tü̧ ta̧ju̧ o'ka'anä̧ ru'u wottinä̧ku̧: —¡Ujuturu re kkä̧wi̧, Dawi i̧tti̧!

San Mateo 17:15

—Chu̧ru̧wa̧, chi̧tti̧rü̧ re kkä̧wi̧yi̧ttü̧, jue'ipä̧rü̧ na̧'ä̧chü̧ usurä ȩmä̧wi̧yä̧ku̧sä̧; kko̧ro̧nü̧ pünä̧mä̧ okuränä̧'i̧nä̧, ajenä̧'i̧nä̧ ma̧ä̧chä̧'chä̧'i̧jiyä̧ku̧sä̧.

San Lucas 18:13

Ja̧'wa̧nü̧ ja̧'a̧nä̧, Roma-ra̧'a̧ weäwä pärätä ka̧ka̧kuä̧ i̧sa̧mä̧, otonä̧tä̧ kkä̧nü̧, u'i̧nä̧ kä'epü mo̧ro̧jä̧ra̧'a̧ku̧mä̧ toa päoka'atä, a̧mü̧kanä̧ 'ta'tapäkuäu pä'inü̧: Chü̧ä̧nä̧wa̧ Dio, rȩrü̧jü̧ topittü, ttümä̧ surojütä jȩä̧kuä̧wä̧ i̧sa̧sä̧.

San Lucas 17:13

wopinä̧tü̧: ¡Jesú, wo̧juȩkuä̧ i̧sa̧, ujuturu re kkä̧wi̧tü̧!

San Mateo 4:24

Ja̧'wa̧nü̧ ja̧'a̧, Siria rȩjȩ o'kajuiyünä̧ Jesú-mä̧ ukuowi'omȩnä̧ o'katoi'ünä̧ kkorottü'i̧nä̧, kkorottü'i̧nä̧ na̧nȩpä̧tü̧rü̧ i'chächinä̧tü̧. Barau na̧nȩpä̧tü̧rü̧'i̧nä̧, epíritu-tu̧ suropätü ttü̧ja̧kuä̧u̧ru̧'i̧nä̧, epilépcia mä̧richei na̧nȩpä̧tü̧rü̧'i̧nä̧ ja̧'wa̧ta̧nü̧ parárisi mä̧richei na̧nȩpä̧tü̧rü̧'i̧nä̧, Jesú-mä̧ aditü ikuinä̧u̧.

San Mateo 1:1

Jesucrito-mä̧, Dawi-ttü'i̧nä̧, Abraha̧-ttü̧'i̧nä̧ isotü i̧sa̧ ji̧na̧'a̧ttü̧, ü̧tä̧mü̧ mi̧nä̧ttü̧ kkä̧mä̧dü̧ tti̧mi̧ pi̧yȩmä̧, pa̧'a̧nü̧ ji̧na̧'a̧:

San Mateo 15:23

Ja̧'wa̧nü̧ woja'anä̧ Jesú-mä̧ ädätokokua pinä̧ju̧. Ja̧'wa̧nü̧ ji̧yä̧u̧ u̧wo̧juȩtä̧u̧mä̧ ü̧jo̧mȩku̧ 'chä̧wi̧'ü̧ jä'epü pättinä̧ku̧: —Kki̧wa̧ we'ü ikuiju to'ka'anä̧ ru̧'ä̧rü̧ wopäju.

San Lucas 6:18

ja̧'wa̧nü̧ ja̧'a̧ttü̧ epíritu-tu̧ttü̧ surojuo'ächinä̧tü̧'i̧nä̧ aditü ikuinä̧u̧.