San Mateo 15:1 - Nuevo Testamento Uwotjüja

¹ Ja̧'wa̧nü̧ ja̧'a̧ Jerusarȩ́-ra̧'a̧ttü̧ ichi'äjä'kotü fariseo wotüttü'i̧nä̧, weäwä wȩnȩ wo̧juȩtä̧tü̧ttü̧'i̧nä̧, yotüte Jesú-ru jä'epü ä̧ju̧kui̧nä̧tü̧:

TÄ̧DO Ä̧CUÄ̧ I̧HUȨNȨ

¹ Jerusalén ötahuiyära̧'a̧ttö̧ ichö korotömä fariseos huotö'inä, hueähuä huȩnȩ huo̧juȩtä̧tö̧'i̧nä̧ Jesúsru jä'epinätödo:

San Mateo 15:1 Referans Kwoze

Hechos 23:9

Ja̧'wa̧nü̧ ja̧'a̧ rü̧ȩnä̧ wopinä̧tü̧; ja̧'wa̧ta̧nü̧ Fariseo wotü, weäwä wȩnȩ wo̧juȩkuä̧ isotüttü, ä̧rä̧mi̧'ü̧ pä'inä̧tü̧: —Pidemä̧ suronä̧mä̧ jȩpo̧kü̧ päji ja̧'a̧; Epíritu ja̧ pä'ü'i̧nä̧, á̧gȩ ja̧ pä'ü'i̧nä̧ ttukuokuäjittümä̧. Dio-rümä̧ to'ija̧'a̧ku̧mä̧ pätü juiyü'anü̧ ja̧'a̧.

San Lucas 5:30

Ja̧'wa̧nü̧ ji̧yä̧u̧ fariseo wotümä̧ ja̧'wa̧ta̧nü̧ weäwä wȩnȩ wo̧juȩkuä̧ isotü'i̧nä̧ Jesú u̧wo̧juȩtä̧u̧rü ttüjü'kü juiyünä̧ jä̧u̧ pä'inä̧tü̧: —¿Tta̧'a̧nü̧ pä'ü ukutumä̧ impuesto ka̧ka̧kuä̧ isotüku, suronä̧ jȩä̧kuä̧wä̧ isotüku kuänü̧'i̧nä̧, au'i̧nä̧ pȩjä̧tü̧jä̧ttü̧?

San Lucas 5:21

Ja̧'wa̧nü̧ pä̧i̧yä̧u̧, weäwä wȩnȩ wo̧juȩkuä̧ isotü'i̧nä̧, fariseo wotü'i̧nä̧ ukuokuinä̧tü̧: ¿Díjä̧ttü̧ ja̧'wa̧nü̧ Dio-rü suronä̧ pä'ümä̧? ¡suronä̧ jȩttü̧ jȩpü̧ iku Dio-mä̧, ya̧tȩtä̧ ja̧'a̧!, pä'ü

San Lucas 5:17

Ya'ute mo̧ro̧ Jesú u̧wo̧juȩto̧mȩnä̧, Galirea rȩjȩ ütawiyättü'i̧nä̧, Judea rȩjȩ ütawiyättü'i̧nä̧, Jerusarȩ́ ütawiyättü'i̧nä̧ ichäjä'kotü fariseo wotü'i̧nä̧, weäwä wȩnȩ wo̧juȩkuä̧ isotü'i̧nä̧ pȩji̧nä̧tü̧. Tu̧ru̧wa̧ ujurumä̧ kki̧na̧'a̧ na̧'ä̧chä̧tü̧rü̧ aditü ikua'a i̧jȩkuä̧chü̧nä̧.

San Marcos 3:22

Ja̧'wa̧nü̧ ja̧'a̧nä̧, weäwä wȩnȩ wo̧juȩkuä̧ isotü, Jerusarȩ́-ra̧'a̧ttü̧ ichäjätü'i̧nä̧, pättä'chinä̧ku̧: «Beelzebú ü̧jä̧ku̧, epíritu-tu̧ suropätü ttu̧ru̧wa̧, jua̧u̧tä̧ ujurunä̧tä̧ rä'epä'chü iku pättinä̧ku̧.»

San Mateo 23:2

Weäwä wȩnȩ wo̧juȩtä̧tü̧'i̧nä̧, fariseo wotü'i̧nä̧ Moisé weinü̧'a̧kuä̧ dȩä̧kä̧nä̧ wo̧juä̧tü̧ ja̧'a̧ttü̧ pȩjä̧mä̧'i̧jä̧tü̧.

San Mateo 5:20

Ja̧'wa̧ta̧nü̧ isopäi'ünä̧ pädäu̧jä̧ weäwä wȩnȩ wo̧juȩtä̧tü̧'i̧nä̧, fariseo wotü'i̧nä̧ adiwäjuei jȩttä̧'i̧jü̧ u̧wä̧mȩnä̧ jȩ'kuä̧tu̧ku̧ juiyüttümä̧, mo̧ro̧jä̧ ru̧wa̧ weomȩmä̧ do'ächokotü kuäkuotüjä̧.

San Juan 1:19

Ju̧a̧-mä̧ pi̧yȩ ji'äwinü̧, Jerusarȩ́-ra̧'a̧ttü̧ judío tturuwotü, sacerdote wotü'i̧nä̧, Levitas pä̧ttä̧u̧'i̧nä̧, ¿Ukumä̧ dí kua'ajä̧ttü̧? pä'ü jä'epü ttä̧ju̧kua̧rü̧ pä'ü wettäjäkumä̧.

Hechos 25:7

Ja̧'wa̧nü̧ jä̧ja̧'a̧, Pauru doächi'omȩnä̧, judío-mä̧ Jerusarȩ́-ra̧'a̧ttü̧ ichäjätümä̧, surojü rü̧ȩnä̧ ji'äwinä̧tü̧ Pauru ütü'kümä̧; ja̧'wa̧nü̧ ja̧'a̧nä̧ jueünä̧mä̧ ttukuoku juiyünä̧ winä̧tü̧;