San Mateo 14:9 - Nuevo Testamento Uwotjüja

⁹ Päjomȩnä̧ Ru̧wa̧ Rey Herode-mä̧ rü̧ȩnä̧ a̧'kua̧ tta̧'ȩkui̧pinü̧; ja̧'wa̧nü̧ ja̧'a̧nä̧ a̧tȩpä̧jä̧u̧ ttä'ka jo̧mȩttü̧ juramento pättü jȩä̧ja̧'a̧ jä̧ku̧, jäjepäjimä̧ iyätukuiju pä'ü we'inü̧.

TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ päjomenä, ru̧hua̧ Herodes a̧'cua̧ tta̧'ȩcui̧nö̧do. Ja̧'hua̧ ja̧'a̧ korotö ttä'ca jo̧mȩ päji ta'anö, hue'inödo jäjepäjimä ttiya pä'ö.

San Mateo 14:9 Referans Kwoze

San Lucas 13:32

Pättäku Jesú-mä̧ ädätinä̧u̧: Jua̧u̧ awarirümä̧ ji'äwäjätukui: —Jitä mo̧ro̧'i̧nä̧, yo̧i̧mo̧ro̧'i̧nä̧ epíritu-tu̧ suropätürü rä'epe'ü iku kkä̧nü̧, na̧nȩpä̧tü̧rü̧'i̧nä̧ aditü ikusä, ja̧'wa̧nü̧ ja̧'a̧nä̧ wäbodäkuä mo̧ro̧ päi'omȩnä̧ kädädäkua̧sä̧.

San Marcos 6:26

Ja̧'wa̧nü̧ jäjepäku ru̧wa̧ Rey-mä̧ rü̧ȩnä̧ a̧'kua̧ tta̧'ȩkui̧pinü̧ ja̧'wa̧nü̧ ja̧'a̧nä̧ o'katoi'ünä̧ ttä'ka jo̧mȩttü̧ juramento pättünä̧ jȩpü̧ päja'attü̧, iyoküsä päü juiyünä̧ ji̧nä̧ku̧.

San Marcos 6:20

Herode-mä̧ surojü jui̧'a̧ adiwä i̧sa̧ pä'ü u̧wo̧jua̧'a̧ttü̧ adiunä̧tä̧ tta̧wä̧ri̧nä̧ku̧. Ja̧'wa̧nü̧ ja̧'a̧ttü̧ Ju̧a̧ jiäu ä̧ju̧kuo̧mȩnä̧mä̧ eseunä̧tä̧ ä̧ju̧kui̧nä̧ku̧, yabokutä ja̧'wa̧nü̧ jä̧ku̧ ä̧ju̧kua̧rü̧ pä'inü̧.

San Marcos 6:14

Ru̧wa̧ Rey Herode-mä̧ Jesú ütü'kü rü̧ȩnä̧ ukuowa'a ä̧ju̧kui̧nü̧. Yotukupünä̧mä̧ pä'inä̧tü̧, bautizo jȩä̧kuä̧wä̧ i̧sa̧ Ju̧a̧-mä̧ tto'ächäji ja̧'wa̧nü̧ ja̧'a̧ttü̧ ujuru kku̧nä̧rü̧ jȩttü̧ juiyünä̧ jü̧'i̧nä̧ jȩa̧'a̧mä̧.

San Mateo 14:5

Herode-mä̧, Ju̧a̧-rü̧ kuä'ü ikua pä'ü amükuäda'anä̧ jȩpo̧kü̧ pinü̧, ttü̧ja̧rü̧ yekua'attü̧, jua̧u̧mä̧ profeta pä'ü ttesetiyäku.

San Mateo 14:1

Jua̧u̧nu̧tä̧ pä̧nä̧ Herode Antipas-mä̧, Galirea rȩjȩnä̧ ru̧wa̧ pä̧nü̧, Jesú rü̧ȩnä̧ ukuota'a ä̧ju̧kui̧nü̧.

San Mateo 14:8

Ja̧'wa̧nü̧ ja̧'a̧ Juajumä̧, ä'kanä̧ kka̧ju̧ ro̧ȩkuä̧nä̧ Herode-rü pä'inä̧ju̧: —Sä̧rä̧bä̧nä̧ ȩnä̧wa̧'a̧ bautizo jȩä̧kuä̧wä̧ i̧sa̧ pä'ijü, Ju̧a̧ u iyittü.

San Mateo 14:10

Ja̧'wa̧nü̧ ja̧'a̧ttü̧ Ju̧a̧-rü̧mä̧ kärenära̧'a̧ttü̧ «u» 'kui'opü ttikuarü pä'ü we'inü̧;