San Mateo 14:3 - Nuevo Testamento Uwotjüja

³ Pa̧'a̧nü̧ pä'amä̧, Herode-mä̧ Ju̧a̧-rü̧ kä̧rȩnä̧sa̧nä̧ nü̧'kü kärenä̧ ttütünä̧ weina̧'a̧ ji̧na̧'a̧, i̧jä̧wa̧ Filipo irekua Herodía jäwänä̧.

TÄ̧DO Ä̧CUÄ̧ I̧HUȨNȨ

³ Herodes Juanrö cärenä rötinödo. Ja̧'hua̧nö̧ cärenä ö̧'a̧'a̧ cuoräusanä nö̧'cä̧rö̧ ttu̧ju̧na̧rö̧ pä'ö hue'inödo, Herodías pä'ö micuaju kesehua pä'ö. Yajutä Herodíasmä, Herodes ö̧jä̧hua̧ Felipe irecua pi̧nä̧ju̧do.

San Mateo 14:3 Referans Kwoze

San Marcos 6:17

Jua'amä̧, Jua̧u̧ Herode-mä̧, Herodía jäwänä̧, Ju̧a̧-rü̧, 'chu'ädü kä̧rȩnä̧sa̧nä̧ nü̧'kü kärenä̧ ttüta pä'ü weina̧'a̧ ji̧na̧'a̧. Herodía-mä̧, Herode ü̧jä̧wa̧ Filipo irekua ji̧na̧'a̧. Ja̧'wa̧nü̧ ja̧'a̧nä̧ Herode-mä̧ juäjuru irekua päi'ünä̧ ȩmi̧na̧'a̧ ji̧na̧'a̧.

San Mateo 4:12

Ju̧a̧-rü̧ kärenä̧ ttütäja'a ä̧ju̧kuä̧ji̧'ka̧, Jesú-mä̧ Galirea rȩjȩra̧'a̧ku̧ 'chi̧nü̧.

San Marcos 6:22

Ja̧'wa̧nü̧ ja̧'a̧, pä'kärinä̧ Herodía kkittiju do'ächi'ü baira tü'inä̧ju̧. Ja̧'wa̧nü̧ tüjomȩnä̧ Herodes'i̧nä̧ ja̧'wa̧ta̧nü̧ chutäku ttu̧kuȩ kuä̧nü̧ pȩjä̧tü̧'i̧nä̧ ttesewipünä̧ päi'ünä̧, ru̧wa̧mä̧ juäjuru päinü̧: —Pä̧wä̧rü̧jü̧mä̧ o'kajuiyünä̧ jä'epittü, jäkuepümä̧ chiyäkuajujä̧.

San Marcos 6:19

Ja̧'wa̧nü̧ ja̧'a̧ttü̧ Herodía-mä̧ Ju̧a̧-rü̧ kka̧mi̧suräkua kuä'ü kkikua päja'anä̧ jȩjü̧juiyü̧nä̧ ji̧nä̧kua̧.

San Mateo 11:2

Ju̧a̧-mä̧, kärenä̧ pänü̧kkä̧nü̧, Crito jȩü̧ wȩnȩ ukuowa'a ä̧ju̧kuä̧ji̧'ka̧, u̧wo̧juȩtä̧u̧ttü̧ ta̧ju̧ru̧ we'inü̧

San Lucas 13:1

Ji̧yȩnü̧ pä̧nä̧, yotäku ichi'ü Jesú-ru ji'äwinä̧tü̧, gobernador Pilato-mä̧ Galirea ttü̧ja̧rü̧ sacrificio jȩpü̧ Dio-rü ttukuokua'a jakuänä̧ kuä'äu ttikunä̧ we'äji, pä'ü.

San Mateo 14:6

Ja̧'wa̧nü̧ ja̧'a̧nä̧ Herode uwäpächinü̧ mo̧ro̧ pätekuächü pä'kärinä̧, Herodía kkittiju baira tü'inä̧ju̧ ttü̧ja̧ o'katoi'ünä̧ ttä'ka jo̧mȩttü̧, Herodes'i̧nä̧ esewächi'ünä̧.

San Marcos 6:14

Ru̧wa̧ Rey Herode-mä̧ Jesú ütü'kü rü̧ȩnä̧ ukuowa'a ä̧ju̧kui̧nü̧. Yotukupünä̧mä̧ pä'inä̧tü̧, bautizo jȩä̧kuä̧wä̧ i̧sa̧ Ju̧a̧-mä̧ tto'ächäji ja̧'wa̧nü̧ ja̧'a̧ttü̧ ujuru kku̧nä̧rü̧ jȩttü̧ juiyünä̧ jü̧'i̧nä̧ jȩa̧'a̧mä̧.

San Marcos 8:15

Ja̧'wa̧nü̧ ja̧'a̧ Jesú-mä̧ ro̧ȩpi̧nä̧u̧: —To̧pä̧rä̧kuä̧u̧ tta̧'a̧rä̧kuä̧wä̧tu̧kui̧, fariseo wottü ttu̧ju̧nä̧rü̧ levadura-ttümä̧ ja̧'wa̧ta̧nü̧ Herode u̧ju̧nä̧rü̧ levadura-ttü'i̧nä̧.

San Lucas 3:1

Tiberio ru̧wa̧ emperador jü̧nä̧mä̧, ttü̧jä̧pü̧ttü̧ ji̧mü̧tȩ año jo̧mȩnä̧ päi'ünä̧ wea'a, Poncio Pilato-mä Judea rȩjȩttü̧ ru̧wa̧ gobernador ji̧na̧'a̧. Ja̧'wa̧ta̧nü̧ Herode-mä̧ Galirea rȩjȩnä̧ ru̧wa̧ gobernador pinü̧, i̧jä̧wa̧ Filipo-mä̧ Iturea rȩjȩnä̧'i̧nä̧ ja̧'wa̧ta̧nü̧ Traconite rȩjȩnä̧'i̧nä̧ ru̧wa̧ gobernador ü̧'a̧'a̧; ja̧'wa̧ta̧nü̧ Lisanias-mä̧ Abilene rȩjȩnä̧ ru̧wa̧ pi̧nü̧.

San Lucas 8:3

Ja̧'wa̧ta̧nü̧ Herode iare pärätä tta̧wä̧rä̧kuä̧wä̧ i̧sa̧, Chuza irekua Juana'i̧nä̧ ji̧na̧'a̧; ja̧'wa̧ta̧nü̧ Susana'i̧nä̧; ja̧'wa̧ta̧nü̧ kkorotü nä̧tü̧'i̧nä̧ rekuinä̧tü̧ ttu̧ju̧nä̧rü̧nä̧ Jesú-ru iyü ppä'ädä̧rä̧tü̧mä̧.

San Lucas 13:31

Ja̧'wa̧ta̧nü̧ ji̧yȩnü̧ mo̧ro̧, fariseo wotü ichi'ü Jesú-ru pä'inä̧tü̧: —Porümä̧ tü'ipächi, ru̧wa̧ Herode-mä̧ kuä'ü ikua pä'ü usäkujä̧.

San Lucas 23:7

Ja̧'wa̧nü̧ jä'epü ä̧ju̧kuo̧mȩnä̧, Herode wȩä̧jä̧ i̧sa̧ ji̧yä̧ku̧, Herodes'i̧nä̧ Jerusarȩ́-nä̧, jua̧u̧ mo̧ro̧mä̧ ichäja'a jo̧mȩtä̧mä̧, jua'atä we'ü ikuinä̧ku̧.

San Lucas 23:11

Ja̧'wa̧nü̧ jo̧mȩnä̧ Herode-mä̧, umüwäyotü su̧ro̧do̧u̧ku̧ ttüjü'kü juiyünä̧ topü, ya̧'a̧wä̧'chü̧mä̧, ru̧wa̧ rey 'kua̧rü̧nä̧ adiwä juei i̧sä̧ta̧, ü̧'ka̧tä̧wä̧ta̧ 'ka̧tü̧ jȩtti̧nä̧ku̧. Ja̧'wa̧nü̧ jȩpä̧ji̧'ka̧ Herode-mä̧, pä'äjita'anü̧ Pilato ü̧ja̧'a̧ we'ü ikuinä̧ku̧.

Hechos 4:27

«Isopäi'ünä̧ ukú kui̧tti̧ surojü jui̧'a̧rü̧ suronä̧ jȩtta̧ pä'ü ka̧ka̧kui̧nä̧tü̧, Herodes'i̧nä̧, Poncio Pilato'i̧nä̧, Irae ttü̧ja̧ wokotü'i̧nä̧, Irae ttü̧ja̧'i̧nä̧, jü̧nä̧.

Hechos 12:1

Ji̧yȩnü̧ pä̧nä̧ rey Herode ru̧wa̧ pä̧nü̧ ra̧wä̧rü̧, igresia jü̧nä̧ wotü, yotukunä̧rü̧ suronä̧ jȩttü̧nä̧ we'inü̧.