San Mateo 14:23 - Nuevo Testamento Uwotjüja

²³ Ttü̧ja̧ rekuäjätürü we'ü ikuäji̧'ka̧, Jesú-mä̧ mü̧'ä̧'kara̧'a̧ kkatätä 'cha'ächinü̧ Dio-rü ukuoku 'chä̧nü̧. Jua'atä ni̧'ȩkuä̧chä̧ji̧'ka̧ kkatätä kki̧nü̧,

TÄ̧DO Ä̧CUÄ̧ I̧HUȨNȨ

²³ Ttö̧ja̧rö̧ röji jiähuäji o'ca'a, möä'cara̧'a̧ katä huä̧mi̧pi̧nö̧do Diosrö ucuocua pä'ö. Ni̧pä̧cho̧mȩnä̧, Jesús katä ki̧nö̧do möä'canä.

San Mateo 14:23 Referans Kwoze

San Lucas 6:12

Ji̧yȩnü̧ mo̧ro̧, Jesú-mä̧ mü̧ä̧'kara̧'a̧ Dio-rü ukuoku 'chä̧ji̧'ka̧, yodó 'kuäo'ünä̧ ukuokuinü̧.

San Marcos 6:46

Ja̧'wa̧nü̧ ttijäwa pä'ü we'ü ikuäji̧'ka̧, mü̧'ä̧'kara̧'a̧ Dio-rü ukuoku 'chi̧nü̧.

San Mateo 26:36

Ja̧'wa̧nü̧ ja̧'a̧ Jesú-mä̧ u̧wo̧juȩtä̧u̧ku Gesemaní pä'ü mi̧kuomȩ 'chä̧wi̧'o̧po̧'ü̧, juätürü pä'inü̧: —Pȩnȩtä̧ pȩjä̧tu̧kui̧, yorü Dio-rü ukuoku chi̧'cha̧'a̧nä̧.

San Mateo 6:6

Ja̧'wa̧nü̧ ja̧'a̧nä̧, uku Dio-rü kukuokuomȩnä̧mä̧, do'ächi'ü kuo̧ju̧so̧ka̧ äpate mü̧'ȩku̧ ikuipü'ka̧ jua̧u̧ru̧ yä̧wo̧mȩ kkü̧rü̧, yä̧wä̧i̧nä̧ ukuokui. Ja̧'wa̧nü̧ kukuokuomȩnä̧, Kuä'o Dio yä̧wä̧i̧nä̧ jü̧'i̧nä̧ topü ja̧'a̧ttü̧ premio pättümä̧ i̧yä̧kua̧jä̧.

Hechos 6:4

Ujutumä̧ Dio-rü yabonü̧ ukuokuätüjä̧ ja̧'wa̧ta̧nü̧ Dio i̧wȩnȩ ji'äwätüjä̧.

San Lucas 9:28

Pi̧yȩ ukuokuäji o'ka'attümä̧, kko̧ro̧mü̧ttü̧nü̧ wäbodäkuä mo̧ro̧ päi'omȩnä̧, mü̧ä̧'ka ju'toju jä'kara̧'a̧ Dio-rü ukuoku 'chä̧nü̧, Peduru-rütä, Sa̧ti̧a̧ku̧rü̧tä̧, Ju̧a̧-rü̧tä̧ o'ipächü 'chi̧nü̧.

San Marcos 1:35

Pä'ü mo̧ro̧ juoa'a, ji̧nä̧ yo̧a̧'a̧nä̧, Jesú-mä̧ ütawiyättü rä'opächü, ttü̧ja̧ toächomȩku̧, Dio-rü ukuoku 'chi̧nü̧.

San Lucas 3:21

O'katoi'ünä̧ bautizo jȩpä̧kuä̧u̧ kättäda'anä̧, Jesú'i̧nä̧ bautizo jȩi̧nä̧ku̧; Dio-rü ukuokua'a jakuänä̧ mo̧ro̧jä̧ bawekuächa'attü,

San Lucas 5:16

Ja̧'wa̧nü̧ ja̧'a̧nä̧ Jesú-mä̧, 'kuäopünä̧tä̧ Dio-rü ukuoku 'chä̧nü̧ ttü̧ja̧ tomȩku̧ 'kȩ'i̧pä̧chä̧ri̧nü̧.

San Lucas 9:18

Ja̧'wa̧nü̧ ja̧'a̧, ya'utenä̧ Jesú-mä̧ u̧wo̧juȩtä̧u̧kutä i̧mi̧ku̧nä̧ Dio-rü ukuoku 'chä̧ji̧'ka̧, u̧wo̧juȩtä̧u̧rü jä'epü ä̧ju̧kui̧nü̧: —¿Ttü̧ja̧mä̧, ttürümä̧ disädo pättä'ijä̧ttü̧?