San Mateo 13:48 - Nuevo Testamento Uwotjüja

⁴⁸ Juä̧sa̧ suwädi'omȩnä̧, po̧i̧ woäwä isotümä̧ rȩba̧ra̧'a̧ku̧ ȩmi̧pü̧ pȩjä̧mü̧; adiwätürütä püttäwäkänä̧ ȩno̧pä̧rü̧ suropätürümä̧ do'opä̧rü̧ iku ttü'oja'a jä̧'i̧nü̧'a̧nü̧ ja̧'a̧.

TÄ̧DO Ä̧CUÄ̧ I̧HUȨNȨ

⁴⁸ Ja̧u̧ ma'ayä suhuädi'omenä, po̧i̧ 'cho'ätö rȩba̧cu̧ do'ätödo. Juhua'atä rȩba̧nä̧ pä̧nö̧, po̧i̧rö̧ ȩmä̧tö̧ ma'ayättö, adihuätörö ppappanä rötö, suropätörö do'opö icu.

San Mateo 13:48 Referans Kwoze

San Mateo 13:30

Ja̧'a̧tä̧ topätukui yoräteunä̧ büó juoa'anä̧, u̧wä̧ju̧ jo̧mȩnü̧ päi'omȩbü päi'ünä̧; jua̧u̧ ttü̧ka̧ka̧tü̧ mo̧ro̧ päi'omȩnä̧, ka̧ka̧tä̧tü̧rü̧ wȩdä̧kua̧sä̧: Ä̧kuo̧mȩnä̧mä̧ surojü adiyä ka̧ka̧tü̧, obanä̧ juä'ü ttu̧ju̧na̧ pä'ü, kkuwü ikuäwäkuomȩtä̧ päi'ünä̧. Jua̧u̧nü̧ o'ka'a trigo-mä̧ ka̧ka̧kuo̧ka̧nä̧ ka̧ka̧tü̧ tu̧ju̧na̧ pä'ü.

San Mateo 3:12

Trigo pojäwäkä u̧mü̧nä̧ 'chu̧'ä̧rü̧ kkü̧, surojä'kua do'opü iku, adiutätä ü'ojo'a pä'ü; u̧kuȩ trigo-mä̧ ka̧ka̧kuo̧ka̧nä̧ ka̧ka̧tü̧ u̧ju̧nä̧kua̧, ja̧'wa̧nü̧ ja̧'a̧nä̧ o'ko'kuamä̧ okurä na̧wi̧po̧karänä̧ kkuwü.

San Mateo 4:18

Ja̧'wa̧ta̧nü̧ Jesú-mä̧, Galirea rü̧ä̧ dubora jäyänä̧ i̧'cho̧mȩnä̧, po̧i̧ ȩmä̧wä̧ isotü ta̧ju̧ru̧ topinü̧: André'i̧nä̧, ubüo Simón ja̧'a̧nä̧, Peduru pä'ü ottinä̧ku̧'i̧nä̧ po̧i̧ wo̧ä̧wä̧sa̧ ikuäu kka̧kui̧nä̧tü̧.

San Mateo 13:47

Ja̧'wa̧ta̧nü̧ mo̧ro̧jä̧ ru̧wa̧ weümä̧ po̧i̧ wo̧ä̧wä̧sa̧ rü̧ä̧ duboranä̧ ttikuomȩnä̧ kkorojuo'otü po̧i̧'i̧nä̧ o'katoi'ünä̧ wottokuächa'a jä̧'i̧nü̧'a̧nü̧ ja̧'a̧.

San Mateo 13:49

Ja̧'wa̧nü̧ jü̧ta̧'a̧nü̧ jä̧kua̧'a̧ pi̧jä̧ rȩjȩ beipächü mo̧ro̧ päi'omȩnä̧mä̧: A̧gȩrȩ-mä̧ ichi'ü Dio-rü ukuotätü ttü̧'kä̧tȩttü̧ suropätürümä̧ 'kȩ'ȩpȩ'ü̧ ttikuäkuotü,