San Mateo 13:47 - Nuevo Testamento Uwotjüja

⁴⁷ Ja̧'wa̧ta̧nü̧ mo̧ro̧jä̧ ru̧wa̧ weümä̧ po̧i̧ wo̧ä̧wä̧sa̧ rü̧ä̧ duboranä̧ ttikuomȩnä̧ kkorojuo'otü po̧i̧'i̧nä̧ o'katoi'ünä̧ wottokuächa'a jä̧'i̧nü̧'a̧nü̧ ja̧'a̧.

TÄ̧DO Ä̧CUÄ̧ I̧HUȨNȨ

⁴⁷ “Ja̧'hua̧ta̧nö̧ Dios hueömä koro juäi ma'ayä jacuotocu icu, recuätö po̧i̧ 'chuhuäda'a jä̧'i̧nö̧'a̧nö̧ ja̧'a̧.

San Mateo 13:47 Referans Kwoze

San Juan 15:6

Ttünä̧ kko̧kü̧rü̧mä̧, ä̧na̧jui̧yä̧ u̧mi̧ do'opü ttikuomȩnä̧, joipächa'a; ka̧ka̧tü̧ okuränä̧ kku ttikua'a jä̧'i̧nü̧'a̧nü̧ jä̧kua̧'a̧.

Apocalipsis 3:1

«Sadira̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Epíritu-tu̧ kko̧ro̧mü̧ttü̧nü̧ ta̧ju̧ wotü Dio isotürü kku̧nä̧rü̧mä̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ si̧ri̧'kü̧rü̧ kku̧nä̧rü̧mä̧ pa̧'a̧nü̧ pä'ü: Kuaditäwämä̧ o'kajuiyünä̧ wo̧jua̧sä̧, kui̧mi̧mä̧ a̧'kua̧rä̧tü̧ 'kua̧rü̧nä̧ kukuowa'anä̧ wa'ü kuikuina̧'a̧tä̧ wa̧jä̧.

San Marcos 1:17

Jesú-mä̧, pä'inü̧: —Ttüku ichätukui, ttü̧ja̧rü̧ ȩmä̧wä̧ isotü jü̧nä̧, chü'ärotätukuaku.

Gálatas 2:4

Jua'akumä̧, yä̧wȩi̧nä̧ tü̧'kä̧tȩnä̧ to̧ttä̧ri̧nä̧u̧jä̧ Crito-rü esetätüjä̧ pä'ätümä̧, Crito ujuturu rä'epü ikuinü̧nä̧ tü̧ja̧ku̧ttü̧ rä'epü iku, pä'äjita'anü̧ weäwä wȩnȩku̧ esclavo pättünä̧ tü̧ja̧ku̧nä̧ jȩtta̧ pä'ümä̧.

2 Corintios 11:26

rü̧ȩnä̧ kue'ächä'ijüsä; ajewiyättü ra̧wä̧pi̧ja̧'a̧'i̧nä̧, nä̧u̧kuä̧rä̧tü̧ttü̧ ra̧wä̧pi̧ja̧'a̧'i̧nä̧, ttütä chi̧rȩjä̧ isotüttü ra̧wä̧pi̧ja̧'a̧'i̧nä̧, judío pokotüttü ra̧wä̧pi̧ja̧'a̧'i̧nä̧, ütäwiyättü ra̧wä̧pi̧ja̧'a̧'i̧nä̧, rȩba̧ dȩ'a̧ra̧'a̧ttü̧ ra̧wä̧pi̧ja̧'a̧'i̧nä̧, rü̧ä̧ ajera̧'a̧ttü̧ ra̧wä̧pi̧ja̧'a̧'i̧nä̧, chawaruwä chi̧jä̧wa̧tü̧ yapareäkuäwä isotüttü ra̧wä̧pi̧ja̧'a̧'i̧nä̧;

Hechos 20:30

Ja̧'wa̧ta̧nü̧ ukututtütä'i̧nä̧ rättopäkuotü, yapareu wȩnȩ wo̧juȩtä̧tü̧, Jesucrito-rü esetätürü 'kȩ'ȩpü̧ iku ottipächa pä'ü.

San Lucas 5:10

Ja̧'wa̧ta̧nü̧ Simón jitüku aditä̧u̧, Zebedeo i̧tti̧mü̧'i̧nä̧: Sa̧ti̧a̧ku̧'i̧nä̧, Ju̧a̧'i̧nä̧ ye'inä̧tü̧. Ja̧'wa̧nü̧ ji̧yä̧ku̧ Jesú-mä̧ Simón-rü̧ pä'inü̧: —Yekuekuä; jitä porü yabokumä̧ ttü̧ja̧rü̧tä̧ 'choäwä i̧sa̧ kuä̧kua̧jä̧.

San Mateo 4:19

Jesú juätürü pä'inü̧: —Ttüku ichätukui, ttü̧ja̧rü̧ ȩmä̧wä̧ isotü jü̧nä̧tä̧ juodepätukuaku.

1 Corintios 11:19

¡Isopäi'ünä̧ ukutu pä'ä'chäkuäu 'kȩkui̧pä̧chä̧tu̧ku̧mä̧ ja̧'wa̧nü̧tä̧ 'kuäopa pä'ü ja̧'a̧, yotüku pünä̧ isopäi'ünä̧ Crito-rü kuesetätuku i̧jȩkuä̧cha̧ pä'ü!

San Juan 15:2

O'kajuiyünä̧, ä̧na̧jui̧yä̧, ttünä̧ u̧wä̧ju̧ wȩjo̧kü̧mä̧, ȩmü̧ i̧kuä̧kuȩ; ja̧'wa̧nü̧ ja̧'a̧nä̧, o'kajuiyünä̧ ji̧yȩ u̧wä̧ju̧ wȩjü̧mä̧, surojü juiyünä̧ aditü u̧ju̧nä̧kuȩ, yabonü̧ u̧wä̧ju̧ wȩja̧ pä'ü.

San Mateo 13:44

Ja̧'wa̧ta̧nü̧ mo̧ro̧jä̧ ru̧wa̧ weümä̧, pättanä̧ rȩjȩ dajü rütäwä pärätä jä̧'i̧nü̧'a̧nü̧ ja̧'a̧. Jua̧u̧ pärätä po̧kui̧pi̧'ü̧'ka̧, pä'äjita'anü̧ juȩnȩtä̧ dajü rütipü; rü̧ȩnä̧ eseunu̧ i̧wi̧'ü̧ u̧ju̧nä̧rü̧mä̧ o'kajuiyünä̧ mikuänä̧ iyä'chü ikuipü, juȩnȩ rȩjȩmä̧ ȩma̧'a̧ jä̧'i̧nü̧'a̧nü̧ ja̧'a̧.

San Mateo 13:46

Jua̧u̧ i̧nä̧ rü̧ȩnä̧ mikuäuttü yo'kite po̧kui̧pä̧ji̧'ka̧, chutä iäre u̧ju̧nä̧rü̧mä̧ o'kajuiyünä̧ mikuänä̧ iyä'chü ikuäji̧'ka̧; ji̧yȩnä̧tä̧ mitäu ȩmi̧na̧'a̧ jä̧'i̧nü̧'a̧nü̧ ja̧'a̧.

San Mateo 13:48

Juä̧sa̧ suwädi'omȩnä̧, po̧i̧ woäwä isotümä̧ rȩba̧ra̧'a̧ku̧ ȩmi̧pü̧ pȩjä̧mü̧; adiwätürütä püttäwäkänä̧ ȩno̧pä̧rü̧ suropätürümä̧ do'opä̧rü̧ iku ttü'oja'a jä̧'i̧nü̧'a̧nü̧ ja̧'a̧.