San Mateo 13:42 - Nuevo Testamento Uwotjüja

⁴² Juätürümä̧ okurä beipokaränä̧ kki'ope'ü ttikuäkuä̧u̧; jua'attümä̧ ttaku norü ttajuäkuäwäkuotü.

TÄ̧DO Ä̧CUÄ̧ I̧HUȨNȨ

⁴² Ocuränä do'opö tticuäcuotö ja̧'hua̧nö̧ jȩpä̧tö̧rö̧. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧.

San Mateo 13:42 Referans Kwoze

San Mateo 13:50

Juätürümä̧ okurä beipokaränä̧ kki'ope'ü ttikuäkuä̧u̧; jua'attümä̧ ttaku norü ttajuäkuäwäkuotü.

Apocalipsis 20:10

Jua̧u̧ äwettä, juätürü yaparewinü̧rü̧mä̧, okurä rü̧a̧rä azufre pättü jueittü kuoaränä̧ do'opü ikuinä̧ku̧, i̧sa̧ büó betia'i̧nä̧, ya̧pa̧rȩwa̧ profeta'i̧nä̧ ttü̧'ȩja̧ränä̧; Juorümä̧ usurä ttȩmä̧wä̧kuo̧tü̧, mo̧ro̧'i̧nä̧, yodo'i̧nä̧ kki̧ä̧mü̧nä̧tä̧.

San Mateo 8:12

Ja̧'wa̧nü̧ ja̧'a̧nä̧, uruwo weomȩ ttü̧'ä̧mä̧da̧ pä'ü ä̧tȩkuo̧tü̧mä̧, yo̧mȩku̧tä̧, do'opü ikuäwäkuotü. Jua'attümä̧, ttaku norü ttajuäwäkuäwäkuotü.

Apocalipsis 19:20

I̧sa̧ büó betia-rü 'chu'ädümä̧, jua̧u̧tä̧ku̧ yo̧mȩtȩnä̧ profeta yapareu, jȩtto̧kü̧ juei jȩpü̧, i̧sa̧ büó weü rütä'chü kkä̧nü̧ ja̧'wa̧ta̧nü̧ a̧'kua̧juä̧ isä'kanä̧ ttiwe'kiyunä̧ pȩjä̧mü̧ tteseunä̧ jȩpi̧nü̧rü̧'i̧nä̧ 'chu'ädinä̧tü̧. Pitü ta̧ju̧mä̧ tta̧'kua̧ra̧'a̧nä̧ do'opü ikuinä̧u̧, okurä rü̧a̧ränä̧, azufre pättünä̧ kuoaränä̧.

Apocalipsis 14:10

Dio-mä̧ rü̧ȩnä̧ ra̧wä̧ri̧pü̧nü̧ pä̧i̧ku̧nä̧ ro̧ȩpä̧kua̧ ja̧'wa̧nü̧ wa̧rü̧mä̧. A̧'u̧ku̧nä̧tä̧mä̧ ro̧ȩpo̧kä̧kua̧, okuränä̧'i̧nä̧, azufre-nä̧'i̧nä̧, á̧gȩrȩ tä'kattü ja̧'wa̧ta̧nü̧ oweja mü̧ä̧ya̧ jü̧nä̧ wa̧'i̧nä̧ ä'kattü.

San Mateo 25:41

Jua̧u̧nü̧ o'ka'a Ru̧wa̧ Rey-mä̧ ü'owekunä̧ kka̧kuä̧tü̧rü̧ pä̧kua̧: Suropätümä̧, ttüttümä̧ 'kȩ'i̧pä̧chä̧tu̧kui̧; okurä na̧wi̧pokorära̧'a̧, äwettä umüwäyotü á̧gȩrȩ-ku̧ ttä̧tȩkuarä päi'ünä̧ jȩpü̧ kku̧nä̧warära̧'a̧tä̧ tätukui.

San Mateo 22:13

Ja̧'wa̧nü̧ ji̧yä̧ku̧ ru̧wa̧ rey-mä̧ u̧mü̧wä̧yotürü pä'inü̧: «Ü̧jä̧pi̧yä̧nä̧'i̧nä̧, u̧mü̧pi̧yä̧nä̧'i̧nä̧ nü̧'kipü u̧mi̧ yo̧mȩku̧ do'opü ikuätukuirü. Jua'attümä̧ ttaku norü ajuäkuäwätä kkä̧kua̧'a̧.»

Apocalipsis 21:8

Ja̧'wa̧nü̧ ja̧'a̧nä̧ ye'ekuätü'i̧nä̧, esetokotü'i̧nä̧, kkü'kokotü'i̧nä̧, ttü̧ja̧rü̧ kuä'äwätü'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧tü̧'i̧nä̧, märipä jȩpä̧tü̧'i̧nä̧, tta̧'kua̧juä̧ jü̧'a̧kuä̧ tätäwä'ka esetätü'i̧nä̧ ja̧'wa̧ta̧nü̧ yaparewätü'i̧nä̧ o'katoi'ünä̧; okurä Azufre pättü kuoarära̧'a̧ tti̧'chä̧kuo̧tü̧, yȩnȩta̧'a̧nü̧ wa'ü ikuäwomȩ ja̧'a̧, juȩnȩmä̧.»

San Lucas 13:28

Ja̧'wa̧nü̧ ya'oku ikuomȩnä̧, jua'attümä̧ tta̧'kua̧ tta̧'ȩku̧, usurä ȩmä̧u̧ ajuäkuäu tottäkuotü, Abraha̧-rü̧'i̧nä̧, Isaa-rü'i̧nä̧, Jaco-rü'i̧nä̧, o'katoi'ünä̧ profetas winä̧tü̧rü̧'i̧nä̧, Ru̧wa̧ Dio weomȩ ttü̧ja̧kua̧'a̧. Ja̧'wa̧nü̧ ja̧'a̧nä̧ ukutumä̧, yorisotä u̧mi̧ku̧ rä'epü ikuäwäkuotüjä̧.

San Mateo 3:12

Trigo pojäwäkä u̧mü̧nä̧ 'chu̧'ä̧rü̧ kkü̧, surojä'kua do'opü iku, adiutätä ü'ojo'a pä'ü; u̧kuȩ trigo-mä̧ ka̧ka̧kuo̧ka̧nä̧ ka̧ka̧tü̧ u̧ju̧nä̧kua̧, ja̧'wa̧nü̧ ja̧'a̧nä̧ o'ko'kuamä̧ okurä na̧wi̧po̧karänä̧ kkuwü.

Apocalipsis 9:2

Ja̧'wa̧nü̧ ja̧'a̧ juäju 'kuȩya̧ppa̧ jäjú bawepomȩnä̧, rü̧ȩnä̧ kuoä'u iso'uttü käepä'inü̧'a̧nü̧ isoppa käepina̧'a̧; ja̧'wa̧nü̧ käepomȩnä̧ mo̧ro̧ kkä̧wa̧'i̧nä̧, juättoppa'i̧nä̧ yo̧i̧'i̧na̧'a̧.