San Mateo 13:35 - Nuevo Testamento Uwotjüja

³⁵ Pi̧yȩmä̧ profeta, pa̧'a̧nü̧ ukuokuinü̧ta'anü̧ 'kuäopina̧'a̧: «Chänä̧mä̧ wȩnȩtä̧rü̧tä̧ chu̧kuo̧kuä̧kua̧sä̧; Dio pi̧jä̧ uwäbe'inomȩttü̧ päi'ünä̧, yä̧wä̧i̧nä̧ jä̧'i̧jü̧mä̧ ttu̧wo̧jui̧pü̧nä̧ ji̧dä̧wä̧kua̧sä̧.»

TÄ̧DO Ä̧CUÄ̧ I̧HUȨNȨ

³⁵ Dios i̧huȩnȩ jiäcuähuä i̧sa̧ päinö ta'anö 'cuäopa'a pä'ö huo̧juȩti̧nö̧do ja̧'hua̧nö̧mä̧. Ja̧u̧ pä'inödo: Koro juäi jä̧'i̧nö̧'a̧nö̧ jö̧ huȩnȩnä̧ chu̧cuo̧cuä̧cua̧sä̧. Koro juäi, Dios pi̧jä̧ aditinö o'ca'a yä̧huä̧i̧nä̧ ji̧nö̧mä̧, chu̧cuo̧cuä̧cua̧sä̧.

San Mateo 13:35 Referans Kwoze

Efesios 3:9

Ja̧'wa̧ta̧nü̧ weinä̧ku̧sä̧ o'katoi'ünä̧ ttu̧wo̧juä̧chi̧'ü̧nä̧ jidäwa pä'ü, Dio amükuädü u̧ju̧ni̧nü̧, mo̧ täbokütä päi'ünä̧ yä̧wä̧i̧nä̧ chunä̧tä̧ kka̧kui̧nü̧, pi̧jä̧ ruwäkuiyä adikuä i̧sa̧nä̧.

1 Corintios 2:7

Ja̧'wa̧nü̧ ja̧'a̧ttü̧ ukuokuätüjä̧, Dio jäwä wo̧juä̧wä̧ wȩnȩ wo̧jui̧'ä̧kuä̧wo̧kü̧. Mo̧ täbokütä päi'ünä̧ ttieruwomȩnä̧ amükuädü u̧ju̧ni̧nü̧ chutä uruwo ujuturu iya pä'ü.

San Juan 17:24

Chä'o juätü ttürü kui̧yi̧nä̧u̧mä̧, ttü chü̧jo̧mȩ ttü̧ja̧kua̧ pä'üsä, ttürü kuiyinü̧ chukuo jäwä tottäkua'anü̧; Isopäi'ünä̧ ttürümä̧ pi̧jä̧ adikui'äkua'a ä'kojitä päi'ünä̧ eseu repe'inü̧jä̧.

San Mateo 25:34

Ja̧'wa̧nü̧ ja̧'a̧ Ru̧wa̧ Rey-mä̧ u̧wo̧jua̧'a̧ku̧nä̧ kka̧kuä̧tü̧rü̧ pä̧kua̧: Ichätukui Chä'o ppädinä̧u̧mä̧, pi̧jä̧ adikui'ino̧mȩttü̧ päi'ünä̧ ukuturu wekuätukua pä'ü jo̧mȩnü̧ jȩpü̧ u̧ju̧ni̧nü̧ kuȩmä̧tu̧kua̧.

Efesios 3:5

jua̧u̧mä̧ tü̧tä̧mü̧ mi̧nä̧ ttü̧ja̧kui̧nü̧mä̧ ttu̧wo̧jui̧pa̧ pä'ümä̧ iyäwi'okü ji̧nü̧; ja̧'wa̧nü̧ ji̧na̧'a̧nä̧ jitämä̧, Epíritu-nä̧ apótore-rü'i̧nä̧, profeta-rü'i̧nä̧ Dio-mä̧ i̧jȩpi̧nü̧.

Apocalipsis 13:8

Ja̧'wa̧nü̧ ja̧'a̧ttü̧, pi̧jä̧ ä̧kuo̧mȩnä̧ adikui'ino̧mȩttü̧ päi'ünä̧, usurä ȩmä̧u̧ to'e'ächinü̧, oweja mü̧ä̧ya̧ wa̧ üäre kuyäru'tä kkä̧kuä̧wä̧ kkä'tänä̧ tti̧mi̧ jui'ätümä̧, jua̧u̧ru̧ ttiwe'kiyunä̧ pȩjä̧mü̧ eseäkuäwinä̧tü̧.

San Mateo 13:14

Ja̧'wa̧nü̧ ja̧'a̧ttü̧, profeta Isaía pa̧'a̧nü̧ ukuokuinü̧tä̧ 'kuäopa'a: Ä̧ju̧ku̧'i̧nä̧, ttä̧ju̧kua̧'a̧nä̧, wo̧jui̧'o̧ko̧tü̧ ttäkuotü, Topü'i̧nä̧ totta'anä̧, tottoka'a 'kua̧rü̧nä̧ ttäkuotü,

Apocalipsis 17:8

Jua̧u̧ i̧sa̧ büó betia to'kuäjäkumä̧, ya̧tȩ kki̧nü̧ ja̧'a̧ ja̧'wa̧nü̧ ja̧'a̧nä̧ jitämä̧ täkü kko̧kü̧; ja̧'wa̧nü̧ ja̧'a̧nä̧, rȩjȩku̧ 'kuȩya̧ppa̧nü̧ ja̧'a̧ttü̧ räopä̧kua̧, jo̧mȩnü̧ kuä'ü ikuäwarü pä'ü. Pi̧jä̧ ttü̧ja̧, pi̧jä̧ uwäbeinomȩttü̧ kkä̧mä̧dü̧, kkä̧kuä̧wä̧ kuyäru'tänä̧ tti̧mi̧pi̧yä̧ jui'ätümä̧, jua̧u̧ i̧sa̧ büó betia, täbokü kki̧nü̧ ja̧'a̧nä̧, jitämä̧ kko̧kü̧rü̧, ja̧'wa̧ta̧nü̧ ü̧jä̧kua̧rü̧ topü, to̧o̧ to̧ttä̧rä̧kuo̧tü̧, jua̧u̧ru̧ topü.»

San Lucas 10:14

Ja̧'wa̧nü̧ ja̧'a̧ttü̧, ji̧yȩnü̧ ro̧ȩkuä̧ mo̧ro̧ päi'omȩnä̧mä̧, Tiro ütawiyä ttü̧ja̧ttü̧'i̧nä̧ ja̧'wa̧ta̧nü̧ Sidón ütawiyä ttü̧ja̧ttü̧'i̧nä̧ abonä̧nü̧ ro̧ȩkuä̧kua̧'a̧ ukuturumä̧.

Hechos 15:18

pä'ü Tu̧ru̧wa̧mä̧, pi̧yȩmä̧ mo̧ täbokütä päi'ünä̧, ttu̧wo̧juö̧nä̧ ukuokuinü̧ ja̧'a̧ttü̧.

Hebreos 1:1

Mo̧ täbokütä päi'ünä̧ Dio-mä̧ tü̧tä̧mü̧ mi̧nä̧rü̧mä̧, profeta-nä̧'i̧nä̧, kkoro jueinä̧'i̧nä̧, rü̧ȩnä̧ ukuokuinü̧'ka̧.

San Mateo 5:2

Ja̧'wa̧nü̧ ja̧'a̧ juätürü kkä̧mä̧dü̧ wo̧juȩti̧nü̧:

San Mateo 13:3

Ja̧'wa̧nü̧ ja̧'a̧, rü̧ȩnä̧ wȩnȩtä̧rü̧ jiäwinä̧u̧, päinä̧u̧: Ya̧tȩ kuäwä kku̧nä̧wä̧ i̧sa̧ kku̧nu̧ 'chä̧nü̧ rä'opinü̧.