San Mateo 13:33 - Nuevo Testamento Uwotjüja

³³ Ja̧'wa̧ta̧nü̧ kkoronä̧'i̧nä̧ wȩnȩtü̧ jiäwinä̧u̧: Mo̧ro̧jä̧ ru̧wa̧ weümä̧ levadura pättü, yajute isaju trigo i̧sa̧ppȩnä̧, wä̧bo̧'ta̧kuä̧ jo̧mȩnä̧ pa̧ja̧tü̧ kkȩno̧mȩnä̧ jättäyäwa ppü̧ä̧mi̧'a̧'a̧ jä̧'i̧nü̧'a̧nü̧ ja̧'a̧, pä'ü.

TÄ̧DO Ä̧CUÄ̧ I̧HUȨNȨ

³³ Koro juäi jä̧'i̧nö̧'a̧nö̧ jö̧ huȩnȩ'i̧nä̧ huo̧juȩti̧nö̧do Jesús. —Dios hueömä pan ppö̧ä̧mö̧ juäi jä̧'i̧nö̧'a̧nö̧ ja̧'a̧. Ja̧u̧ juäi yajute ji̧'qui̧cha̧nö̧tä̧ pan i̧sa̧ppȩnä̧ kȩno̧mȩnä̧, rö̧ȩnä̧ ppö̧ä̧mi̧'a̧'a̧, —huo̧juȩti̧nö̧do.

San Mateo 13:33 Referans Kwoze

Gálatas 5:9

«Levadura pättü jueimä̧ ji̧'ki̧cha̧nü̧tä̧ ja̧'a̧nä̧, pan isäwa jättäwatä ppü̧ä̧mi̧'ü̧nä̧ päia'a.»

San Lucas 13:21

Yajute isaju wäbodäkuänä̧ pa̧ja̧tü̧ trigo isäwanä̧ levadura kkȩno̧mȩnä̧, o'kajuiyünä̧tä̧ a̧'ti̧'a̧'a̧ jä̧'i̧nü̧'a̧nü̧ jü̧.»

2 Pedro 3:18

Ja̧'wa̧nü̧ ja̧'a̧nä̧ Tu̧ru̧wa̧ Jesucrito surojüttü kki̧'ä̧kuä̧wa̧rü̧tä̧ adiunä̧nü̧ wo̧juä̧tü̧kui̧ ja̧'wa̧ta̧nü̧ eseäkuäwänä̧ büó juo'ätukui. Jua̧u̧ru̧mä̧ jitä'i̧nä̧, yodoji'i̧nä̧ tesewarüjä̧. Amȩ́.

Filipenses 1:9

Ja̧'wa̧ta̧nü̧ Dio-rü chukuokuomȩnä̧mä̧ pi̧yȩ jä'epä'ijüsä: Ukutu eseu repekuäwätuku yaboku rü̧ä̧chä̧tu̧kua̧ku̧ pä'ü'i̧nä̧, o'katoi'ünä̧ yaboku adiwomȩnä̧ jȩä̧kuä̧wä̧ ku̧wo̧juä̧chä̧tu̧kua̧ pä'ü'i̧nä̧, jü̧nä̧.

Filipenses 1:6

Chu̧wo̧juä̧u̧nä̧ jä̧ku̧sä̧ isopäi'ünä̧ ukutunä̧ adiwä juei jȩpi̧nü̧mä̧, yabonü̧ aditü ikuäkua̧ pä'ü, Jesucrito ppa̧wä̧chä̧kuȩ mo̧ro̧bü päi'ünä̧.

San Juan 15:2

O'kajuiyünä̧, ä̧na̧jui̧yä̧, ttünä̧ u̧wä̧ju̧ wȩjo̧kü̧mä̧, ȩmü̧ i̧kuä̧kuȩ; ja̧'wa̧nü̧ ja̧'a̧nä̧, o'kajuiyünä̧ ji̧yȩ u̧wä̧ju̧ wȩjü̧mä̧, surojü juiyünä̧ aditü u̧ju̧nä̧kuȩ, yabonü̧ u̧wä̧ju̧ wȩja̧ pä'ü.

San Marcos 13:20

Isopäi'ünä̧ Tu̧ru̧wa̧ ji̧yȩnü̧ mo̧ro̧ be'ädü iku juiyüttümä̧ o'katoi'ünä̧ kki̧'o̧ko̧tü̧ pa̧ja̧tü̧; ja̧'wa̧nü̧ ja̧'a̧nä̧ jitü ȩmi̧nä̧u̧ jäwänä̧ mo̧ro̧mä̧ be'ädü i̧kuä̧kua̧.

San Mateo 13:24

Jesú-mä̧ kkoronä̧ wȩnȩtü̧ ji̧ä̧wi̧nä̧u̧: Mo̧ro̧jä̧ ru̧wa̧ weümä̧, ya̧tȩ ü'ättanä̧ adiwäjuei u̧wä̧ju̧ u̧ju̧ni̧nü̧'a̧nü̧ jü̧nä̧ wȩnȩkuä̧cha̧'a̧;