San Mateo 13:30 - Nuevo Testamento Uwotjüja

³⁰ Ja̧'a̧tä̧ topätukui yoräteunä̧ büó juoa'anä̧, u̧wä̧ju̧ jo̧mȩnü̧ päi'omȩbü päi'ünä̧; jua̧u̧ ttü̧ka̧ka̧tü̧ mo̧ro̧ päi'omȩnä̧, ka̧ka̧tä̧tü̧rü̧ wȩdä̧kua̧sä̧: Ä̧kuo̧mȩnä̧mä̧ surojü adiyä ka̧ka̧tü̧, obanä̧ juä'ü ttu̧ju̧na̧ pä'ü, kkuwü ikuäwäkuomȩtä̧ päi'ünä̧. Jua̧u̧nü̧ o'ka'a trigo-mä̧ ka̧ka̧kuo̧ka̧nä̧ ka̧ka̧tü̧ tu̧ju̧na̧ pä'ü.

TÄ̧DO Ä̧CUÄ̧ I̧HUȨNȨ

³⁰ Mä̧cuä̧ huäinä bahua'acuä. Ya̧mö̧ 'quiyächö o'ca'a chumöhuäyotörö huȩdä̧cua̧sä̧ ja̧u̧ surä'cuamä ä'canä que'ö tticua pä'ö. Ja̧u̧nu̧ o'ca'a ubanä nö'cädö rötö, ku tticua pä'ö huȩdä̧cua̧sä̧. Ja̧u̧nu̧ o'ca'atä ya̧mö̧ se'ö, hua'adö ttu̧ju̧nä̧cuo̧tö̧ chojusodenä”, —pä'ö huo̧juȩti̧nö̧do Jesús.

San Mateo 13:30 Referans Kwoze

San Mateo 3:12

Trigo pojäwäkä u̧mü̧nä̧ 'chu̧'ä̧rü̧ kkü̧, surojä'kua do'opü iku, adiutätä ü'ojo'a pä'ü; u̧kuȩ trigo-mä̧ ka̧ka̧kuo̧ka̧nä̧ ka̧ka̧tü̧ u̧ju̧nä̧kua̧, ja̧'wa̧nü̧ ja̧'a̧nä̧ o'ko'kuamä̧ okurä na̧wi̧po̧karänä̧ kkuwü.

1 Timoteo 5:24

Yotukunä̧ surojü jȩttü̧mä̧ ro̧ttȩpä̧kua̧'a̧ ä'kanä̧ wäjuönä̧ tottünä̧ i̧jȩkua̧'a̧, ja̧'wa̧nü̧ ja̧'a̧nä̧ kkoronü̧mä̧ täkü rekuo mo̧ro̧ o'ka'atä i̧jȩkuä̧cha̧'a̧.

1 Corintios 4:5

Ja̧'wa̧nü̧ ja̧'a̧ttü̧, ji̧nä̧ ä'kanä̧mä̧ jȩttä̧'i̧jü̧ wȩnȩmä̧ päkuätukuä, Tu̧ru̧wa̧ ichomȩnä̧tä̧ jiäwä̧kua̧ uwäwokü'i̧nä̧ ja̧'wa̧ta̧nü̧ jakuänä̧ tȩnä̧rü̧'i̧nä̧, jü̧nä̧. Ja̧'wa̧nü̧ jo̧mȩnä̧ yotukunä̧rü̧ jȩtti̧nü̧'a̧kuä̧ Dio-mä̧ ȩsȩwä̧kuä̧u̧.

San Juan 15:6

Ttünä̧ kko̧kü̧rü̧mä̧, ä̧na̧jui̧yä̧ u̧mi̧ do'opü ttikuomȩnä̧, joipächa'a; ka̧ka̧tü̧ okuränä̧ kku ttikua'a jä̧'i̧nü̧'a̧nü̧ jä̧kua̧'a̧.

San Mateo 25:32

Ja̧'wa̧nü̧ päi'omȩnä̧ tti̧wȩnȩ pa̧ja̧ku̧nä̧ o'katoi'ünä̧tä̧ ä'ka jo̧mȩ ttü̧ka̧ka̧kui̧'ä̧kuo̧tü̧, ja̧'wa̧nü̧ ttü̧ka̧ka̧kui̧'a̧'a̧ yotukunä̧rü̧ 'kȩ'chä̧u̧ u̧ju̧nä̧kua̧, ya̧tȩ pató, oweja-tü̧rü̧ cabra-tü̧ttü̧ pojope'ü u̧ju̧na̧jü̧'a̧nü̧.

San Lucas 3:17

U̧mü̧nä̧ 'chu̧ä̧rä̧nü̧ i'chachü trigo pojäwäkä, jua̧u̧ pojü ikua pä'ü. Jua̧u̧ trigo-mä̧ i̧so̧ka̧nä̧ wa'adü kku̧nu̧, wä̧mȩ isä'kuatä okurä yoriso na̧wi̧pokoränä̧ kkuwü i̧kuä̧kua̧.

San Mateo 25:41

Jua̧u̧nü̧ o'ka'a Ru̧wa̧ Rey-mä̧ ü'owekunä̧ kka̧kuä̧tü̧rü̧ pä̧kua̧: Suropätümä̧, ttüttümä̧ 'kȩ'i̧pä̧chä̧tu̧kui̧; okurä na̧wi̧pokorära̧'a̧, äwettä umüwäyotü á̧gȩrȩ-ku̧ ttä̧tȩkuarä päi'ünä̧ jȩpü̧ kku̧nä̧warära̧'a̧tä̧ tätukui.

San Mateo 13:25

Ja̧'wa̧nü̧ ja̧'a̧nä̧, ttü̧ja̧ ttä'ekua'anä̧, tta̧bo̧i̧ya̧ ichi'ü trigo 'kä̧tȩ jo̧mȩ suräjuei adiyä kku̧nä̧ji̧'ka̧ i̧wi̧'i̧nü̧.

San Mateo 13:29

Isokü̧: Surojuoepü adiyä ke'ü kuikuätukuomȩnä̧, trigo'i̧nä̧ ppächünä̧ ke'opü kuikuätuku 'kua̧ra̧'a̧.