San Mateo 13:23 - Nuevo Testamento Uwotjüja

²³ Ja̧'wa̧nü̧ ja̧'a̧nä̧, rȩjȩ adiwomȩ ma̧ä̧chi̧nü̧ jä̧ji̧mä̧ wȩnȩkuä̧cha̧'a̧, Dio i̧wȩnȩ ttä̧ju̧kuo̧mȩnä̧ adiu wo̧jui̧'ä̧tü̧rü̧ ja̧'wa̧nü̧ ja̧'a̧ jo̧mȩnü̧ u̧wä̧ju̧ wȩjä̧u̧ru̧, yotütenä̧mä̧ ciȩnü̧ pünä̧, kkorotünä̧mä̧ sesenta-nü̧ pünä̧, kkorotünä̧tä̧ treinta-nü̧ pünä̧, yotüku pünä̧mä̧.

TÄ̧DO Ä̧CUÄ̧ I̧HUȨNȨ

²³ Ja̧'hua̧ ja̧'a̧nä̧ koro rȩjȩ adihuome ma̧ä̧chi̧nö̧mä̧, korotö Dios i̧huȩnȩ adiunä ä̧ju̧cu̧ u̧huä̧ju̧ rö̧ȩnä̧ ku̧nä̧rä̧tö̧ jä̧'i̧nö̧'a̧nö̧ huotö. Korotömä koro jacuä jähuä ya'ute cien jo̧mȩnä̧ huȩji̧nö̧ ta'anö huotö. Korotömä sesenta jo̧mȩnä̧ huȩji̧nö̧ ta'anö huotö. Korotömä treinta jo̧mȩnä̧ huȩji̧nö̧ ta'anö huotö, —pä'inödo Jesús.

San Mateo 13:23 Referans Kwoze

Filipenses 1:11

Isopäi'ünä̧ Jesucrito ppäda'anä̧tä̧, adiwäjueimä̧ jȩ'kuä̧kuo̧tü̧jä̧ ttü̧ja̧ Dio-rü ukuotü tteseäkuäwarü pä'ümä̧.

San Juan 15:16

Ukutumä̧ ttürümä̧ pojopü ȩmo̧ko̧tü̧ pinä̧tü̧jä̧, ttütätä ji̧na̧'a̧ ukuturu pojopü ȩmi̧nü̧mä̧ ja̧'wa̧nü̧ jȩpü̧ wedinä̧u̧jä̧ u̧wä̧ju̧ rü̧ȩnä̧ ȩpü̧ kuiyätukua pä'ü, jua̧u̧ u̧wä̧ju̧ toe'ächoka'a kka̧ pä'ü. Ja̧'wa̧nü̧ ja̧'a̧, o'kajuiyünä̧ ttü chi̧mi̧nä̧ Chä'orü jäkuepätukumä̧, iyäkua'anü̧.

San Mateo 12:33

Adiwäjuei isäi daumä̧, u̧wä̧ju̧ adiwäjuei wȩjäi; ja̧'wa̧ta̧nü̧ suräjuei isäi daumä̧, u̧wä̧ju̧ surojütä wȩjäi; ja̧'wa̧nü̧ ja̧'a̧ttü̧ daumä̧ u̧wä̧ju̧ttü̧ topü wo̧juä̧wä̧ ja̧'a̧.

San Mateo 13:8

Ja̧'wa̧nü̧ ja̧'a̧nä̧ kkoro ppächämä̧, rȩjȩ adiwomȩ ma̧ä̧chi̧nü̧tä̧ ji̧na̧'a̧ u̧wä̧ju̧ adiu wȩji̧nü̧mä̧. Ji̧yȩtȩnä̧mä̧ ciȩnü̧ pünä̧, kkoronä̧mä̧ sesenta-nü̧ pünä̧, kkoronä̧tä̧ treinta-nü̧ pünä̧, jü̧nä̧.

Colosenses 1:6

jua̧u̧mä̧ ukuturu'i̧nä̧ rȩbȩwi̧na̧'a̧. Jua̧u̧mä̧ rü̧ȩnä̧ yo'äwi'ü rü̧ä̧cha̧'a̧ pi̧jä̧ o'kajuiyünä̧. Ukuturu Dio rȩrü̧jü̧ toü kuä̧ju̧kui̧nä̧tu̧kuo̧mȩttü̧ kkä̧mä̧dü̧.

San Mateo 3:8

Isopäi'ünä̧, surojü käkuädi'ätukuttümä̧, tottünä̧ jȩpü̧ kka̧kuä̧tu̧kui̧,

San Lucas 13:9

Ja̧'wa̧nü̧ jȩcho̧mȩnä̧, u̧wä̧ju̧ iyüttümä̧ adiwäkua'a; wȩjü̧ juiyüttümä̧, 'kui'opü kuikuäikuajä̧.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.

2 Pedro 3:18

Ja̧'wa̧nü̧ ja̧'a̧nä̧ Tu̧ru̧wa̧ Jesucrito surojüttü kki̧'ä̧kuä̧wa̧rü̧tä̧ adiunä̧nü̧ wo̧juä̧tü̧kui̧ ja̧'wa̧ta̧nü̧ eseäkuäwänä̧ büó juo'ätukui. Jua̧u̧ru̧mä̧ jitä'i̧nä̧, yodoji'i̧nä̧ tesewarüjä̧. Amȩ́.

Colosenses 1:10

Ja̧'wa̧nü̧ jo̧mȩnä̧, Tu̧ru̧wa̧rü̧ pä̧wä̧rü̧jo̧mȩnä̧ ku̧ja̧kuä̧kuo̧tü̧jä̧, adiwäjuei o'kajuiyünä̧ jȩ'kuä̧tu̧ku̧mä̧ u̧wä̧ju̧ kkü̧nä̧'i̧nä̧, Dio ütü'kü'i̧nä̧ yaboku ku̧wo̧jui̧'ä̧kuo̧tü̧jä̧.

Hebreos 8:10

Ji̧yȩnü̧ mo̧ro̧ o'ka'a, Irae ttü̧ja̧ku̧ chesekuä̧kuȩmä̧, pi̧yȩ ja̧'a̧, pä'inü̧ Tu̧ru̧wa̧mä̧: Ttü wedü wȩnȩmä̧, ttünä̧ ȩnü̧ kku̧nu̧ ja̧'wa̧ta̧nü̧ tta̧mi̧ iso'kinä̧ wȩyu̧tu̧ chu̧ju̧nä̧kua̧sä̧. Ttürümä̧ ttü̧ä̧nä̧wa̧ Dio jü̧nä̧tä̧, ja̧'wa̧ta̧nü̧ jitütämä̧ chi̧tti̧mü̧ jü̧nä̧tä̧ ttäkuotü, pä'inü̧.

Hebreos 4:2

Isopäi'ünä̧ ujutu'i̧nä̧ juätü Irae ttü̧ja̧ Egito-ttü rä'opinä̧tü̧ ji̧nü̧ta'anü̧ jareü adiwä wȩnȩ jittäwi̧nä̧u̧jä̧; ja̧'wa̧nü̧ ja̧'a̧nä̧ juätürümä̧ ppädoka'a ji̧na̧'a̧ ä̧ju̧ku̧tä̧ ttä̧ju̧kuo̧mȩnä̧mä̧, esetü tta̧'kua̧ ttu̧wȩnä̧ro̧ko̧mȩnä̧mä̧.

2 Tesalonicenses 2:10

Ja̧'wa̧ta̧nü̧ surojümä̧ o'kajuiyünä̧tä̧ jȩä̧kua̧ ro̧ȩkuä̧ra̧'a̧ tti̧'chä̧kuo̧tü̧rü̧ üyaparewa pä'ümä̧, Isopäi'ünä̧ juätümä̧ ra̧wäpi̧jü̧ttü̧ ttü̧ji̧pa̧ pä'ümä̧ isopäi'ünä̧ wȩnȩmä̧ ttesewoka'a ja̧'wa̧ta̧nü̧ tteseta pättoka'a ji̧na̧'a̧ttü̧.

1 Tesalonicenses 4:1

Ja̧'wa̧ta̧nü̧ chawaruwä chi̧jä̧wa̧tü̧ kkoro päi'ünä̧ ukuturu Tu̧ru̧wa̧ Jesucrito i̧mi̧nä̧ jätepümä̧. Ujututtü ku̧wo̧jui̧'i̧nä̧tu̧ku̧'a̧kuä̧, Dio-rü pä̧wä̧rü̧jo̧mȩnä̧ ku̧ja̧kuä̧tu̧kua̧ pä'ätüjä̧, jitä jȩpü̧ ku̧ja̧kuä̧tu̧ku̧ta̧'a̧nü̧.

Filipenses 4:17

Pi̧yȩ pädümä̧, pä'äjita'anü̧ kuiyätukuattü pä'ü jä'epümä̧ pädokü, ji̧nä̧somä̧ Dio yabonü̧ ppädätukuaku pä'ü pädü.

2 Corintios 9:10

Ya̧tȩ, kku̧nä̧wä̧ i̧sa̧rü̧, u̧wä̧ju̧ iyümä̧, ukua pä'ü u̧kuȩ iyü; ja̧'wa̧ta̧nü̧ jȩpü̧ kuäwä yoepä̧kua̧ ukutu adiwomȩnä̧ jȩ'kuä̧tu̧ku̧mä̧.

Hechos 17:11

Juätü judío-mä̧ Tesalónica-nä̧ kka̧kuä̧tü̧ttü̧'i̧nä̧ abonä̧nü̧ adiu eseäkuäwinä̧tü̧, Dio i̧wȩnȩmä̧ eseunu̧ ä̧ju̧kui̧nä̧tü̧, mo̧ro̧ ji̧nü̧'a̧kuä̧ wȩyu̧kuä̧ wȩnȩ topü wo̧jui̧pi̧nä̧tü̧, jittäumä̧ isopäi'ünä̧ ja̧ pä'ü.

Hechos 16:14

Ja̧'wa̧nü̧ ja̧'a̧, yajute Lidia pä'ü mi̧kuaju; púrpura pättü iyäwä isaju, Tiatira ütawiyä ttü̧ja̧saju, Dio-rü esetä'ijäju juȩnȩ ä̧ju̧kuä̧rü̧ pinä̧ju̧, Pauru jiäwa'a. Juäjuru kka̧mi̧so'ki ba'epinü̧ Tu̧ru̧wa̧mä̧, Pauru jiwa'a adiu kkä̧ju̧kua̧ pä'ü.

San Juan 8:47

Dio i̧tti̧mä̧, Dio i̧wȩnȩ ä̧ju̧ku̧; ja̧'wa̧nü̧ ja̧'a̧ttü̧, ukutumä̧ ä̧ju̧kuo̧ko̧tü̧jä̧, Dio i̧tti̧mü̧ kuätukuoka'attü̧.

San Lucas 8:15

Ja̧'wa̧ta̧nü̧ rȩjȩ adiwomȩ ma̧ä̧chi̧nü̧ jä̧ji̧mä̧, Dio i̧wȩnȩ tta̧mi̧so'kinä̧ adiu 'chu'ädü ä̧ju̧ku̧, ji̧yȩnä̧tä̧ ukuotü kkä̧nü̧, u̧wä̧ju̧ kku̧nä̧rä̧tü̧rü̧ wȩnȩkuä̧cha̧'a̧.

San Marcos 10:15

Isopäi'ünä̧ pädäu̧jä̧, ji̧'chi̧cha̧wa̧ jä̧'i̧nü̧'a̧nü̧ Dio weü ȩmo̧kü̧mä̧, juȩnȩ Dio weomȩmä̧ do'ächokü jä̧kua̧.

San Marcos 4:20

Ja̧'wa̧ta̧nü̧ rȩjȩ adiwomȩ kku̧nä̧wi̧'i̧nü̧ jä̧ji̧mä̧ wȩnȩkuä̧cha̧'a̧; Dio i̧wȩnȩ ä̧ju̧ku̧ adiu esetätürü, treinta-nü̧ pünä̧'i̧nä̧, sesenta-nü̧ pünä̧'i̧nä̧, ciȩnü̧ pünä̧'i̧nä̧ ttu̧wä̧jü̧ iyünä̧ kka̧kuä̧tü̧rü̧.

San Mateo 3:10

Ja̧'wa̧ta̧nü̧ i̧da̧pä̧'kȩmä̧, dauwiyä ujukäkänä̧ jo̧mȩnü̧ to̧'ü̧ kku̧nä̧wa̧'a̧ kka̧'a̧, adiwäjuei u̧wä̧ju̧ wȩjo̧kü̧ oi dauwiyä kku̧'u̧ ttikua pä'ü. Ja̧'wa̧nü̧ jü̧ oimä̧ o'kajuiyünä̧tä̧ kku̧'u̧ iku okuränä̧ kku ikuäwä oi ja̧'a̧.

Hebreos 6:7

Isopäi'ünä̧ ajiya rȩjȩra̧'a̧ ma̧ä̧mo̧mȩnä̧mä̧, rȩjȩmä̧ juoya 'ku̧o̧'o̧mȩnä̧mä̧, juorütä isä'kua adiwä'kua bawa'a, jua̧u̧ttü̧tä̧ kuäwä kku̧nä̧wä̧ isotü aditätü ja̧'wa̧nü̧ jȩpü̧ Dio ppädü ȩmä̧tü̧.

San Lucas 8:8

Ja̧'wa̧ta̧nü̧ kkoromä̧ rȩjȩ adiwomȩ ma̧ä̧chi̧na̧'a̧; ja̧'wa̧nü̧ ja̧'a̧ jua̧u̧mä̧ bä'ipü rü̧ä̧chi̧nü̧ o'ka'a, jíkunä̧ u̧wä̧ju̧mä̧ ciȩnü̧ pünä̧ wȩji̧na̧'a̧. Pi̧yȩ ji'äu kkä̧nü̧ Jesú-mä̧ yabonü̧ pä'inü̧: «¡Ä̧ju̧kua̧ pä'ü, ä̧ju̧kuä̧kuä̧wä̧ kku̧nä̧rü̧mä̧ ä̧ju̧kui̧!»