San Mateo 13:22 - Nuevo Testamento Uwotjüja

²² Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ u̧wä̧ju̧ jä̧ji̧mä̧, Dio i̧wȩnȩ ttä̧ju̧kua̧'a̧nä̧, pi̧jä̧ jäwänä̧tä̧, pärätä ruwonä̧tä̧ tta̧'kua̧ ro'ekuätürü wȩnȩkuä̧cha̧'a̧; ttä̧ju̧kuä̧ji̧mä̧ a̧ttä̧di̧'ä̧u̧ u̧wä̧ju̧ iyü juiyünä̧ wotürü.

TÄ̧DO Ä̧CUÄ̧ I̧HUȨNȨ

²² Koro so̧ä̧'cua̧nä̧ ma̧ä̧chi̧nö̧mä̧, korotö Dios i̧huȩnȩ ttä̧ju̧cuo̧mȩnä̧, pi̧jä̧ jähuä rö̧ȩnä̧ amöcuädätö jä̧'i̧nö̧'a̧nö̧ huotö. Ja̧u̧ juäi o'ca juiyönä rȩä̧cha̧'a̧ Dios i̧huȩnȩ ttesetomenä. U̧huä̧ju̧ jui'ätö.

San Mateo 13:22 Referans Kwoze

1 Timoteo 6:17

Pi̧jä̧nä̧ttü̧ pärätä ruwotürümä̧, kku̧nä̧rä̧tü̧jä̧ pä'ü ukuo tettäu juiyünä̧ ja̧'wa̧ta̧nü̧ tturuwonä̧ tta̧'kua̧ ttu̧wȩnä̧rü̧ juiyünä̧ we'itü, ja̧'wa̧nü̧ ja̧jü̧ jueimä̧ kkorojuei'i̧nä̧ o'kajuiyünä̧ rü̧ä̧nä̧ iyü Dio 'kuäopü kkü̧rü̧tä̧ tesewäkua'anü̧.

San Lucas 8:14

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ jä̧ji̧mä̧, Dio i̧wȩnȩmä̧ ttä̧ju̧kua̧'a̧nä̧, ji̧yȩnä̧tä̧ ttü̧jo̧mȩnä̧, 'kuo̧pa̧ja̧'a̧nä̧ tta̧'kua̧ roekuäkuäwänä̧, pärätänä̧, pi̧jä̧ üadiwänä̧, u̧wä̧ju̧ ttiyü juiyünä̧tä̧ ma̧'ä̧mä̧tü̧rü̧ wȩnȩkuä̧cha̧'a̧.

San Lucas 12:15

Ja̧'wa̧ta̧nü̧ päinä̧u̧: —Tta̧'a̧rä̧kuä̧u̧ kka̧kuä̧tu̧kui̧, pi̧jä̧ttü̧ kku̧nä̧rä̧kuä̧wä̧ kkü'kekunä̧ usäwänä̧ ma̧kuä̧mä̧tu̧ku̧ juiyäkua'anü̧; isopäi'ünä̧ ttiäre rü̧ȩnä̧ ttu̧ju̧nä̧ra̧ja̧ pä'üdä̧jä̧, tta̧'kua̧rü̧mä̧ kku̧nä̧rä̧kuä̧wo̧kü̧ ja̧'a̧.

2 Timoteo 4:10

ja̧'wa̧ta̧nü̧ Dema, pi̧jä̧ jäwä kkü'kekuienä̧ku̧'i̧nä̧ Tesalónica-ra̧'a̧ 'chä̧nü̧ kkatä u̧ju̧ni̧'i̧nä̧ku̧sä̧. Crecente-tä Galacia rȩjȩra̧'a̧ i̧'cha̧'a̧nä̧ Tito-mä̧ Dalmacia-ra̧'a̧ 'chi̧nü̧.

San Mateo 13:7

Kkoro u̧wä̧ju̧mä̧ so̧ä̧'kua 'kä̧tȩ jo̧mȩ ma̧ä̧chi̧na̧'a̧, jua̧u̧mä̧ so̧ä̧'kua büó juomȩnä̧ a̧ttä̧di̧'i̧nü̧.

San Lucas 12:21

Ja̧'wa̧nü̧ 'kuäopäku, a̧mü̧nä̧ pa̧ja̧tü̧ pärätä ka̧ka̧tü̧rü̧mä̧; ja̧'wa̧ta̧nü̧ Dio-ttümä̧ usurä i̧sa̧tä̧ wa̧.»

San Lucas 21:34

Ja̧'wa̧ta̧nü̧ kua̧mü̧nä̧ pa̧ja̧tü̧ ttu̧'ȩpä̧rä̧kuäu̧nu̧ kka̧kuä̧tu̧kui̧, abo 'kuäo'ünä̧ kuä̧nü̧mä̧, tä̧'ä̧mä̧kuä̧u̧mä̧ ja̧'wa̧ta̧nü̧ pi̧jä̧ jäwämä̧ rü̧ȩnä̧ amükuädümä̧ jȩ'kuä̧tu̧kuä̧ ja̧'wa̧nü̧ jȩ'kuä̧tu̧ku̧ttü̧mä̧ ku̧ni̧chä̧rä̧tu̧kua̧'a̧nä̧ jua̧u̧ mo̧ro̧ rȩbȩä̧kuä̧u̧ juiyäkua'anü̧.

Hechos 8:18

Ja̧'wa̧nü̧, apótore-mä̧ ttu̧mü̧ mȩ'ü̧ ttukuokuomȩnä̧, Epíritu Sa̧tu̧ ü̧jä̧mä̧da̧'a̧ topü, Simón-mä̧ pärätä iya pä'ü ukuokunü̧,

San Mateo 12:32

Ja̧'wa̧ta̧nü̧ yotüte Dio I̧tti̧rü̧ suronä̧ pättüttümä̧ surojü jȩpü̧ ikuäwäkuotü ttäkuotü; ja̧'wa̧nü̧ ja̧'a̧nä̧ Epíritu Sa̧tu̧rü̧ suronä̧ pä'ätürümä̧, surojü jȩpü̧ ikuäwokotü ttäkuotü jitä pä̧nä̧'i̧nä̧, yodoji mo̧ro̧'i̧nä̧, jü̧nä̧.

San Mateo 13:39

A̧bo̧i̧ya̧ surojü adiyä kku̧ni̧nü̧ päjimä̧, äwettä ja̧'a̧. U̧wä̧ju̧ 'kiyächomȩnä̧ ttü̧ka̧ka̧ti̧na̧'a̧ jä̧ji̧mä̧, rüjí mo̧ro̧ ü'ojo'äkuomȩ jä̧kua̧'a̧ ja̧'wa̧ta̧nü̧ u̧wä̧ju̧ ka̧ka̧ti̧nä̧tü̧ päjätümä̧ á̧gȩrȩ ja̧'a̧.

San Mateo 13:40

Ja̧'wa̧nü̧ ja̧'a̧ttü̧, surojuoepü adiyä ke'opü iku okuränä̧ kkuwü ttikua'a jä̧'i̧nü̧ta̧'a̧nü̧, jä̧kua̧'a̧ pi̧jä̧ beipächü mo̧ro̧mä̧.

Romanos 12:2

Jitä pä̧nä̧, pi̧jä̧ ttü̧ja̧ tta̧mü̧kuäda'akumä̧ ku̧ja̧kuä̧tu̧kuä̧; ja̧'wa̧nü̧ ja̧jü̧jueimä̧, pärokua'aku ku̧wo̧jui̧'ä̧tu̧kua̧'a̧ku̧tä̧ pärowächätukui, jȩpü̧ ku̧jä̧tu̧ku̧'i̧nä̧ pärowächünä̧ Dio-rü pä̧wä̧rü̧jü̧, Dio eseu, jo̧mȩnü̧ adiwä juei ku̧wo̧juä̧tu̧kuä̧kua̧'a̧nü̧.

1 Corintios 1:20

¿Tó tti̧rȩbȩä̧kuä̧wi̧nä̧ttü̧ wo̧juä̧wä̧ kku̧nä̧ri̧nä̧tü̧mä̧, wo̧juȩkuä̧ isotü pinä̧tü̧mä̧, pi̧jä̧ jäwä ukuokui'enä̧tü̧mä̧? ¡Dio-mä̧, pi̧jä̧ ttü̧ja̧ ttu̧wo̧juö̧ jerutu ikuinä̧u̧ ja̧'a̧!

1 Corintios 2:6

Ja̧'wa̧nü̧ ja̧'a̧nä̧, wo̧juä̧wä̧ wȩnȩ ukuokuätüjä̧ tta̧'kua̧ wȩnä̧rä̧kuä̧wä̧nä̧ büó juo'inä̧tü̧rü̧. Ja̧'wa̧nü̧ tukuokumä̧, pi̧jä̧ ttü̧ja̧ ttu̧wo̧juö̧mä̧kü̧ ja̧'wa̧ta̧nü̧ pi̧jä̧ ruwotü ttu̧wo̧juö̧ toe'ächümä̧kü̧.

1 Corintios 2:8

Pi̧yȩ wo̧juä̧wä̧mä̧ jitä pi̧jä̧nä̧ we'ätü ruwotümä̧ ttu̧wo̧jui̧po̧kü̧ ji̧nü̧ ja̧'a̧; ja̧'wa̧nü̧ jo̧ka̧'a̧ ta̧'kua̧rü̧ u̧ru̧wa̧rü̧ ttu̧wo̧jui̧pi̧nü̧ttü̧mä̧ ü̧jo̧kä̧nü̧ jäinä̧mä̧ kuä'ümä̧ ttikuokoku pi̧na̧jü̧.

1 Corintios 3:18

Kua̧mü̧nä̧ pa̧ja̧tü̧mä̧ kuyapareäkuäwätukuä: pi̧jä̧nä̧ttü̧ ya̧tȩ wo̧juä̧wä̧ wȩnȩ u̧ju̧nä̧rü̧ttü̧mä̧, wo̧juo̧kü̧ 'kua̧rü̧nä̧ kkä̧wi̧, isopäi'ünä̧ wo̧juä̧wä̧ wȩnȩ ku̧ju̧nä̧rä̧kua̧'a̧nü̧.

2 Corintios 4:4

Ja̧'wa̧nü̧ ja̧'a̧ttü̧, esetokotürümä̧, pi̧jä̧nä̧ttü̧ ttü̧ä̧nä̧wa̧mä̧ ttu̧wo̧juö̧ juiyünä̧ ä̧to̧dü̧ ikuinä̧u̧, jareü wȩnȩ i̧tȩya̧u̧ Crito üadiwä kkä̧dȩpü̧ juiyatü pä'ü, jua̧u̧mä̧ Dio a̧'kua̧juä̧ ja̧'a̧ttü̧.

Gálatas 1:4

Jä'o Dio-rü pä̧wä̧rü̧jo̧mȩnä̧, suronä̧ jȩtü̧ mikuäwächünä̧, pi̧jä̧ surojüttü rä'epü ikua pä'ü a̧mü̧nä̧ pa̧ja̧tü̧ iyäwinü̧rü̧tä̧,

Efesios 2:2

Mo̧ täbokümä̧ jua̧u̧nä̧tä̧ kue'ächinä̧tü̧jä̧, pi̧jä̧nä̧ isoppanä̧ we'ü wea'akutä. Epíritu jü̧nä̧ uwäpokü jua̧u̧mä̧ jitä'i̧nä̧ ukuotokotürü we'ü.