San Mateo 13:19 - Nuevo Testamento Uwotjüja

¹⁹ Mä̧nä̧nä̧ ma̧ä̧chi̧nü̧ u̧wä̧ju̧ jä̧ji̧mä̧, ru̧wa̧ Dio i̧wȩnȩ ttä̧ju̧kua̧'a̧nä̧, ttu̧wo̧jui̧pü̧juiyünä̧ wotürü wȩnȩkuä̧cha̧'a̧; tta̧mi̧so'kinä̧ kku̧nä̧wi̧'ä̧ji̧mä̧ su̧ro̧pa̧ ichi'ü 'choipä̧u̧ru̧.

TÄ̧DO Ä̧CUÄ̧ I̧HUȨNȨ

¹⁹ Korotömä Dios Ttu̧ru̧hua̧ päi'önä ö̧jä̧cuȩ huȩnȩ 'cucuächi'oca'a ä̧ju̧cuä̧tö̧mä̧ jacuä jähuä mä̧nä̧ jäyänä ma̧ä̧chö̧ jä̧'i̧nö̧'a̧nö̧ huotö. Ähuettä ichi'ö 'cho'ipö Dios i̧huȩnȩ ttami iso'quittö.

San Mateo 13:19 Referans Kwoze

San Mateo 13:38

pätta jä̧ji̧mä̧ pi̧jä̧ rȩjȩ ja̧'a̧. Adiwäjuei u̧wä̧ju̧ trigo jä̧ji̧mä̧ ru̧wa̧ Dio weünä̧ kka̧kuä̧tü̧ ja̧'a̧ ja̧'wa̧ta̧nü̧ surojü adiyä jä̧ji̧mä̧ su̧ro̧pa̧ i̧tti̧mü̧ ja̧'a̧.

Hebreos 2:1

Ja̧'wa̧nü̧ ja̧'a̧ttü̧, tä̧ju̧kuä̧'i̧jü̧mä̧ adiu ttu̧'ȩpä̧rü̧nü̧ tä̧ju̧kua̧ pä'ü rekuä rü̧ja̧'a̧. Jueü mä̧nä̧ttü̧ 'kȩtȩkuä̧chü̧ juiyäkua'anü̧.

1 Juan 5:18

O'katoi'ünä̧ Dio-ttü uwäpächinä̧tü̧mä̧ surojümä̧ jȩpȩ'ü̧ kko̧ko̧tü̧. Jua'amä̧ Dio I̧tti̧tä̧ tta̧wä̧ra̧'a̧ttü̧, äwettä mȩü̧ juiyünä̧.

San Mateo 4:23

Jesú-mä̧, Galirea rȩjȩ o'kajuiyünä̧, sinagogas odewiyä jü̧'a̧kuä̧ kue'ächü wo̧juȩti̧nü̧. Wo̧juȩtü̧mä̧ ji'äwinü̧ jareünä̧ Ru̧wa̧ Dio weü wȩnȩ, ji'äu kkä̧nü̧mä̧ na̧nȩttü̧ttü̧'i̧nä̧, ubara ttu'u usurä ttȩmä̧u̧'i̧nä̧ aditü ikuinü̧.

1 Juan 3:12

Caín, äwettä i̧tti̧ ja̧'a̧ ü̧jä̧wa̧rü̧ kuä'ü ikuinü̧'a̧nü̧mä̧kü̧. ¿Jua̧u̧mä̧ tta̧'a̧nü̧ pä'ü kuä'ü ikuina̧'a̧ jä̧ttü̧? Jua'amä̧ Chutä jȩü̧mä̧ surojü jä̧ku̧, i̧jä̧wa̧tä̧ jȩü̧tä̧ adiwä juei ji̧yä̧ku̧, kuä'ü ikuinü̧.

Romanos 1:28

Dio-rümä̧ ttu̧wo̧jua̧rü̧ pättokoku, surojü tta̧mü̧kuäda'aku jȩpü̧ ttü̧jü̧nä̧tä̧ iyipinä̧u̧, jȩä̧kuä̧wo̧kü̧nä̧ jȩpü̧ ttü̧jü̧nä̧tä̧.

2 Tesalonicenses 2:12

Dio-mä̧ ro̧ȩpä̧kua̧ o'katoi'ünä̧rü̧ isopäi'ünä̧ wȩnȩ tteseta pä'okotü pinä̧tü̧rü̧mä̧ ja̧'wa̧ta̧nü̧ surojütä jȩpü̧ ttü̧ja̧kuo̧mȩnä̧ tta̧'kua̧ a̧di̧wä̧u̧ru̧mä̧.

Romanos 14:17

Isopäi'ünä̧ Ru̧wa̧ Dio uruwo weümä̧ kuäkuäwämä̧kü̧ ja̧'a̧ ja̧'wa̧ta̧nü̧ awäwämä̧kü̧ ja̧'a̧ ja̧'wa̧nü̧ ja̧jü̧jueimä̧ adiu jȩä̧kuä̧wä̧tä̧, rowäkuäwä juiyünä̧ kkä̧kuä̧wä̧tä̧ ja̧'wa̧ta̧nü̧ Epíritu Sa̧tu̧nä̧ eseäkuäwätä ja̧'a̧.

Romanos 2:8

Ja̧'wa̧nü̧ ja̧'a̧nä̧ jarodi'ü, tturuwonä̧ ukuo te'äkuäu, jueü wȩnȩ ukuotü jui'ü, suronä̧ jȩä̧kuä̧wä̧tä̧ ukuotätürümä̧ Dio-mä̧ rü̧ȩnä̧ ra̧wä̧rü̧ ro̧ȩpä̧kuä̧u̧.

Hechos 28:23

Ja̧'wa̧nü̧ ja̧'a̧ttü̧, ji̧yȩtȩ mo̧ro̧ ttü̧ka̧ka̧kua̧ pä'ü, pätetü ttu̧ju̧nä̧ja̧'a̧ rekuätü ichinä̧tü̧ Pauru ü̧jodenä̧. Juodettü jiäwinä̧u̧ ru̧wa̧ Dio weü wȩnȩ yo̧ä̧i̧ ü̧jä̧mä̧dä̧ja̧'a̧mä̧ ni̧pä̧ro̧mȩbü päi'ünä̧. Pauru-mä̧ jiäwinä̧u̧ Moisé weäwä wȩnȩnä̧'i̧nä̧ ja̧'wa̧ta̧nü̧ profeta-tü̧ ttukuokuinü̧nä̧'i̧nä̧, jü̧nä̧; Jesú-ru tesetiyarü pä'ümä̧.

Hechos 20:25

Ja̧'wa̧nü̧ ja̧'a̧ttü̧, jitämä̧ wo̧jua̧sä̧, täkü ttürümä̧ topokotü kuäkuotüjä̧, ku̧'kä̧tȩtu̧ku̧nä̧ jareünä̧ ru̧wa̧ Dio weü wȩnȩ jidäwä'ija'amä̧.

Hechos 18:15

Ja̧'wa̧nü̧ ja̧'a̧nä̧, ukututä kukuokuätuku jäwä, i̧mi̧pi̧yä̧ jäwä ja̧'wa̧ta̧nü̧ weäwä wȩnȩ jäwä jü̧ttü̧mä̧, ukututä topätukui; Ttümä̧ jua̧u̧ jäwämä̧ weda pä'ümä̧ jui̧'a̧sä̧.

Hechos 17:32

Pi̧yȩ, wa'arettü ttoächäkuäwä ä̧ju̧ku̧, yotukunä̧mä̧ ya̧'ä̧wä̧'chi̧nä̧tü̧ ja̧'wa̧ta̧nü̧ kkorotümä̧ pä'inä̧tü̧: —Pi̧yȩmä̧ kko̧ro̧nü̧tä̧ adiu tä̧ju̧kuä̧kuo̧tü̧jä̧.

San Juan 18:38

Päiyäku, Pilato-mä̧ pä'inü̧; —¿Däjéjä̧ttü̧ jueü wȩnȩmä̧? pä'ü kä'ädü, pä'äjita'anü̧ rä'o'ü judío-rü pä'inü̧: Ttümä̧ piderümä̧, suronä̧ jȩä̧ji̧mä̧ chü̧'o̧kui̧'ü̧ juiyünä̧ jä̧ku̧sä̧.

San Juan 8:43

¿Tta̧'a̧nü̧ pä'ü ttü chukuokumä̧ wo̧jui̧'o̧ko̧tü̧jä̧ttü̧? Jua'amä̧ chi̧wȩnȩ kuä̧ju̧kuä̧tu̧ku̧ juiyünä̧ ja̧'a̧ttü̧.

San Lucas 10:9

Juȩnȩ na̧nȩpä̧tü̧ ttü̧ja̧ku̧ttü̧mä̧ aditü kuikuätukuajä̧ ja̧'wa̧nü̧ jȩpü̧mä̧ pa̧'a̧nü̧ päkuätukuajä̧: «Ru̧wa̧ Dio weü wȩnȩmä̧ ukuturu tü'kü kka̧'a̧,» jü̧nä̧.

San Lucas 9:2

Ja̧'wa̧ta̧nü̧ Dio weü wȩnȩ jittäwa pä'ü'i̧nä̧, na̧'ä̧chä̧tü̧rü̧ aditü ttikua pä'ü'i̧nä̧ we'ümä̧,

San Marcos 4:15

Ja̧'wa̧ta̧nü̧, mä̧nä̧nä̧ ma̧ä̧chi̧nü̧ u̧wä̧ju̧ jä̧ji̧mä̧ wȩnȩkuä̧cha̧'a̧: Dio i̧wȩnȩ ttä̧ju̧kua̧'a̧nä̧, ttä̧ju̧kuä̧ji̧ o'ka'a, tta̧mi̧ iso'kittü Satanás ichi'ü 'choipo'ächä̧u̧ru̧.

San Mateo 5:37

Ja̧'wa̧nü̧ ja̧'a̧ttü̧ jȩ'kuä̧tu̧ku̧'a̧nü̧ jü̧ttü̧mä̧ jueünä̧tä̧ «A̧» pä'ätukui ja̧'wa̧ta̧nü̧ jȩ'kuä̧tu̧ku̧juiyü'anü̧ jü̧ttü̧'i̧nä̧ «jȩpo̧ko̧tü̧jä̧» pä'ätukui ja̧'wa̧nü̧ ja̧'a̧ttü̧ pi̧yȩttü̧ yaboku jȩpü̧mä̧ surojünä̧tä̧ jȩpü̧.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

San Mateo 12:26

Jua̧u̧ jü̧ta̧'a̧nü̧ Satanás a̧mü̧nä̧ pa̧ja̧tü̧ 'kȩkuä̧chü̧ttü̧mä̧, uruwomä̧, rekuomä̧ 'chu̧ä̧ro̧ko̧ku̧.

San Mateo 13:20

Inä̧du 'kä̧tȩ jo̧mȩ ma̧ä̧chi̧nü̧ u̧wä̧ju̧ jä̧ji̧mä̧, Dio i̧wȩnȩ yotäkutä eseunu̧ ä̧ju̧ku̧ esetätürü wȩnȩkuä̧cha̧'a̧,